Home News Tamil உயிர்த்த ஞாயிறு தாக்குதலின் மரணங்களுக்கு ரனில் – மைத்திரி இருவரினதும் பொறுப்பினைப் பார்க்கிலும் கொரோனா இறப்புகளுக்கு சனாதிபதியை உள்ளிட்ட அரசாங்கம் பொறுப்புக்கூறவேண்டும்……

உயிர்த்த ஞாயிறு தாக்குதலின் மரணங்களுக்கு ரனில் – மைத்திரி இருவரினதும் பொறுப்பினைப் பார்க்கிலும் கொரோனா இறப்புகளுக்கு சனாதிபதியை உள்ளிட்ட அரசாங்கம் பொறுப்புக்கூறவேண்டும்……

by Ravinath Wijesekara

மக்கள் விடுதலை முன்னணியின் பொதுச்செயலாளர் ரில்வின் சில்வா

இத்தருணத்தில் நாட்டில் பாரதூரமான மட்டத்தில் பரவிவருகின்ற கொவிட் பெருந்தொற்றின் அனர்த்தம் பற்றி நாங்கள் அனைவரும் அறிவோம். இவ்வளவு பெரிய அனர்த்தம் நடந்துகொண்டிருக்கையில் அரசாங்கம் மோசமான வகையில் மௌனம் சாதித்துக் கொண்டிருக்கின்றது. சனாதிபதியும் அரசாங்கமும் இந்த பிரச்சினையை அறியாதவர்கள்போல் இருக்கிறார்கள். அவர்கள் பொதுமக்கள் பற்றிய பொறுப்பினைக் கைவிட்டே இருக்கிறார்கள். கொவிட் பெருந்தொற்று இலங்கைக்கு வந்த ஆரம்பத்தில் இருந்தே அரசாங்கம் முட்டாள்த்தனமாகவும் தலைக்கணம் பொருந்திய வகையிலுமே நடந்துகொண்டது. இந்தப் பிரச்சியைின்போது முதன்மை வகிக்கவேண்டிய  நிபுணத்துவ மருத்துவர்கள், தொற்றுநோயியல் மருத்துவர்கள் உள்ளிட்ட குழுவினரை ஒருபுறம் ஒதுக்கிவிட்டு திருவாளர் கோட்டாபய ராஜபக்ஸவிற்கு பழக்கப்பட்ட இராணுவத் தலைவர்களையும் பொலீஸாரையும் முதன்மைத்தானத்திற்கு எடுத்தார். இந்த பெருந்தொற்றின்போது இராணுவத்திற்கும் பொலீஸாருக்கும் ஒரு செயற்பொறுப்பு உள்ளதென்பதை நாங்கள்   அறிவோம். ஆனால் அது சம்பந்தமான நிபுணத்துவ மருத்துவர்களை உள்ளிட்ட விஞ்ஞானிகளின் தலைமையிலேயே தீர்மானங்களை எடுக்கவேண்டும். இன்றளவில் அவர்கள் ஒருபுறம் ஒதுக்கப்பட்டு செயலாற்றுவதால் தீவிரமான கவலைக்கிடமான நிலைமையே உருவாகி இருக்கின்றது.

எமக்கு ஞாபகமிருக்கிறது உயிர்த்தஞாயிறு தாக்குதல் மேற்கொள்ளப்பட்டவேளையில் முன்னூறுக்கு மேற்பட்டவர்கள் கொல்லப்பட்டார்கள். அதனால் எமது நாட்டில் பேரதிர்ச்சி ஏற்பட்டது. அந்த அதிர்ச்சியைப் பாவித்து கோட்டாபய ராஜபக்ஸமார்கள் ஆட்சிக்கு வந்தார்கள். அன்றளவில் நிலவிய ரனில் – மைத்திரி அரசாங்கம்மீது தாக்குதலுக்கான பொறுப்பு சுமத்தப்பட்டது. தாக்குதல் பற்றி அறிந்திருந்தும் தடுப்பதற்காக இடையீடு செய்யாமல் பொறுப்பினை தவறவிட்டமையால் அந்த அரசாங்கத்தை தோற்கடிக்க மக்கள் நடவடிக்கை எடுத்தார்கள். அந்த பிரச்சினையைப் பாவித்து அதிகாரத்திற்கு வந்த ராஜபக்ஸமார்களின் அரசாங்கம் அதைவிட அதிகமான இறப்புகள் நிகழ இடமளித்து பார்த்துக்கொண்டு இருக்கிறது. இந்த இரண்டுமே ஒன்று என நாங்கள் நினைக்கிறோம். கொரோனா சம்பந்தமான தகவல்கள் நாள்தோறும் பதிவாகையில் தடுக்க இடையீடு செய்யாமையால் உயிர்த்த ஞாயிறு தாக்குதல்  மிகவும் பாரதூரமானது. மருத்துவர்கள், துறையைச்சேர்ந்த நிபுணர்கள் விடயங்களை முன்வைக்கையில் தினசரி 100 இற்கு மேற்பட்டவர்கள் இறக்க இடமளித்தமை பாரதூரமானதாகும். உயிர்த்த ஞாயிறு தாக்குதலுக்கு ரனில் – மைத்திரி  அரசாங்கம் பொறுப்புக்கூறவேண்டிய அளவினைப் பார்க்கிலும் கோட்டாபய ராஜபக்ஸவை முதன்மையாகக்கொண்ட இந்த அரசாங்கம் கொவிட் இறப்புகள் தொடர்பில் பொறுப்புக்கூற வேண்டும். 

ஓகத்து 09 ஆந் திகதி 111 கொவிட் இறப்புகள் பதிவாகின. 10 ஆந் திகதி 118, 11 ஆந் திகதி 124 மற்றும் 12 ஆந் திகதி 156 என்றவகையில் நாள்தோறும் அதிகரிப்பு வேகமாக இடம்பெற்று வருகின்றது. இந்த எண்ணிக்கைகள் உண்மையானவையல்ல என எமக்குத் தெரியும். ஓகத்து 01 ஆந் திகதி தொடக்கம் 10 நாட்களில் எமது நாட்டுப் பிரசைகளில் 971 பேர் இறந்துள்ளார்கள். இது எளிமையான ஒரு விடயமல்ல. மிகவும் பாரதூரமானது. இதயமொன்று இருக்குமாயின், மனிதத்தன்மை இருக்குமாயின் இதயம் இரங்க வேண்டும். உடனடியாக இடையீடுசெய்து தீர்வுகளைக் கண்டறிய வேண்டும் என்பதை அறிந்திருக்கவேண்டும். சுகாதாரத் துறையைச் சேர்ந்த அனைவரும் இந்த நிலைமையைக் கட்டுப்படுத்த உச்சஅளவில் இடையீடு செய்கிறார்கள். ஆனால் அரசாங்கம் அவசியமான தீர்மானங்களை மேற்கொள்வதில்லை. ராஜபக்ஸ அரசாங்கத்தின் உபாயமுறை “கொரோனாவை தோற்கடிப்போம்” என்பதல்ல. “கொரோனாவுடன் வாழ்வோம்” என்பதாகும். “கொரேனா அற்ற வாழ்க்கை”  எனும் போராட்டக் கோசத்திற்குச் செல்வதைவிட “கோரோனாவுடன் வாழ்வோம்” எனும் எனும் போராட்டக் கோசத்தை அமைத்துக்கொண்டார்கள். ஒரு பெறுந்தொற்றுடன் எவ்வாறு சீவிப்பது? அதாவது பெரும்பாலானவர்கள் இறக்கவேண்டும்.  அரசாங்கத்திற்கு தேவை பெருந்தொகையான மக்களை இறக்கச் செய்வித்து சனத்தொகையைக் குறைப்பதா  என நாங்கள் கேட்கவேண்டும். அவர்களுக்கு இந்தப் பிரச்சினை இல்லை என்பதால் கொரோனாவுடன் உயிர்வாழ்வோம் என்கிறார்கள். அவர்கள் மிகவும் பாதுகாப்பாக வசிக்கிறார்கள்.  அனைத்து அரச ஊழியர்களையும் வேலைக்காக அழைத்து உள்ள நிலைமையில் சனாதிபதி செயலகம் சனாதிபதியை சந்திப்பதற்கான குழுக்களை மட்டுப்படுத்த தீர்மானித்துள்ளது.

அவர்களின் பாதுகாப்பிற்காக  சனாதிபதி அலுவலகத்தில் வேலைசெய்பவர்களை மட்டுப்படுத்துவது ஒரு நல்ல தீர்மானமாகும். ஆனால் அந்த தீர்மானத்தை நாட்டுக்காக ஏன் மேற்கொள்வதில்லை? சனாதிபதி, பிரதமர், அமைச்சரவை பாதுகாக்கப்பட்டால்  போதுமென அவர்கள் நினைக்கிறார்கள்.   ஆனால் அமைச்சரவையிலும் தற்போது வைரஸ் பரவியுள்ளது. மக்களின் உயிரும் உயிரல்லவா?  எனவே பொறுப்பற்ற தலைக்கனம் பொருந்திய நடத்தைப் போக்கினை நிறுத்திக்கொள்ளுமாறு அரசாங்கத்தை வலயுறுத்துகிறோம். இறப்புகளின் எண்ணிக்கையைக் குறைக்க நடவடிக்கை எடுக்குமாறு விலியுறுத்துகிறோம். டாக்டர் நிஹால் அபேசிங்க போன்ற நிபுணத்துவ அறிவு படைத்த பெரும்பாலானவர்கள் சேர்ந்து வழங்கிய விதப்புரைகள் இருக்கின்றன. உடனடியாக நட்டமாட்ட மட்டுப்பாடுகளை விதித்து இறப்புக்களின் எண்ணக்கையைக் குறைக்குமாறு   மருத்துவ சங்கங்கள், சுகாதார அமைச்சு வழங்கிய விதப்புரைகளில் கூறப்படுகின்றது. ஆனால் நாட்டை முடக்கப் போவதில்லை என சனாதிபதி கூறுகிறார். அப்படியானால் மனித உயிர்களை காப்பாற்றிக்கொள்கின்ற வழிமுறையை முன்மொழியுமாறு நாங்கள் சவால் விடுக்கிறோம்.  இந்த வேலையை கடவுளிடம் ஒப்படைப்பதில் பயனில்லை. அவர்கள் ஓர் அடியைப் பின்வைக்க விரும்புவதில்லை. மனித உயிர்களைப் பார்க்கிலும்  அவர்களைச் சுற்றியுள்ள தீத்தொழில் புரிபவர்களை பாதுகாக்க அவர்கள் செயலாற்றி வருகிறார்கள். பொருளாதார நெருக்கடி நிலவுகின்றமை உண்மையாகும். மக்கள் அதற்கு பொறுப்புக்கூற வேண்டியதில்லை. தற்போது நோயைக் கட்டுப்படுத்துவதை ஒருபுறம் வைத்துவிட்டு பொருளாதாரத்தைக் கட்டியெழுப்ப நடவடிக்கை எடுக்கிறார்கள். இந்த நடவடிக்கைகளால் பொருளாதாரமும் சீரழிந்து மனித உயிர்களும் இழக்கப்பட்டு  நாடும் சீரழந்து போவதே இறுதியில் இடம்பெறப் போகின்றதென்பதை நாங்கள் வலியுறுத்துகிறோம்.

அரசியல் பற்றி விளக்கமற்ற கும்பலுக்கு நாட்டை ஒப்படைத்தமையின் பிரதிபலனே இவை. வியத் மகவின்  விஞ்ஞானரீதியான முறைக்கமையவே நாட்டை ஆட்சிசெய்வதாக கூறியே அவர்கள் ஆரம்பித்தார்கள். தொடக்கத்தல் சனாதிபதி யுத்தத்தினால் இறந்தவர்களின் எண்ணிக்கையை காட்டி நாட்டை முடக்கவில்லை எனவும் தற்போது 25 – 30 பேர் நோயுற்றார்கள் என்பதற்காக நாட்டை முடக்கப்போவதில்லை எனக் கூறினார். அதன் பின்னர் பெருந்தொற்று பரவுகையில் நன்றாக சாதித்தவர்கள் நாங்கள்தான் என்று கூறினார்.  பெருந்தொற்றினைப் பாதுகாத்திட தடுப்பூசிகளை ஏற்றிக்கொள்வதை விடுத்து முழுநாட்டையுமே பாணியின் பின்னால் பயணித்தல், முட்டிகளை ஆறுகளில் போடுதல் போன்ற மூடநம்பிக்கைளின் பின்னால் ஓட்டினார்கள்.  இவை அரசியல் பற்றி அறியாத கும்பலிடம் நாட்டை ஒப்படைத்தமையின்  பாதகவிளைவாகும்.  தடுப்பூசிகளை ஏற்றிக்கொண்டால் எல்லாமே சரியென தற்போது நினைத்துக்கொண்டு இருக்கிறார்கள்.  ஆனால் இரண்டு தடுப்பூசிகளை ஏற்றிக்கொண்டாலும் தொற்று ஏற்படக்கூடுமென மருத்துவர்கள் கூறுகிறார்கள். மிகவும் அதிகமான தடுப்பூசிகளை வழங்கியவர்கள் அவர்கள்தான் எனக்கூற அரசாங்கம் முயற்சிசெய்து வருகின்றது. ஆனால் மறுபுறத்தில் மிகஅதிகமான இறப்புக்களின் எண்ணிக்கையும் பதிவாகின்ற சாதனையும் படைக்கப்படுகின்றது. அரசாங்கம் சுயநினைவுடன் செயலாற்றுவதில்லை. சாதாரண பொதுமக்களுக்கு கிடைக்கின்ற தரவுகள் சனாதிபதிக்கு  கிடைக்கின்றனவா என்பது எங்களுக்குத் தெரியாது.  அவர் உளவுப் பிரிவுகளிடமிருந்தே தரவுகளை பெற்றுக்கொள்கிறார். உளவுப் பிரிவுகள் வேலை செய்வது “யேஸ் சேர், ஆம் சேர்” என்ற விதத்திலாகும். இந்த நோய் இற்றைவரை தோன்றிய  பெருந்தொற்றுகளைப் பார்க்கிலும் தீவிரமானது. மலேரியா பெருந்தொற்றின்போது பிறிதொருவர் போய் உதவி புரியலாம்.  வேறோரு இடரின்போது போய் உதவலாம். இதன்போது அவ்வாறு முடியாது. அரசாங்கம் அதனை விளங்கிக்கொள்ள வேண்டும். விளங்கிக்கொள்ளாமல் செயலாற்றுவதால் இந்த இறப்புகளுக்கான பொறுப்பினை அரசாங்கம் ஏற்றுக்கொள்ள வேண்டும். 

 மருத்துவர்களை உள்ளிட்ட சுகாதாரப் பணியாளர்களின் அர்ப்பணிப்பு காரணமாகவே இந்த அளவிலேனும் கட்டுப்படுத்தப்பட்டுள்ளது.  அரசாங்கத்திற்கு வெளியில் உள்ள நிபுணர்கள் மாத்திரமன்றி அரசாங்கத்திற்கு உள்ளே இருப்பவர்களும் எச்சரிக்கை செய்கிறார்கள். பேராசிரியர் திஸ்ஸ விதாரண, நிபுணத்துவ மருத்துவர் சுதர்ஸனீ பர்ணாந்துபுள்ளே போன்றவர்கள் கூறுகின்றவற்றுக்குக்கூட அரசாங்கம் செவிசாய்ப்பதில்லை. ஆனால் புத்திஜீவிகளின் உதவியைப்பெற்று நாட்டை ஆட்சிசெய்வதற்காகவே  திருவாளர் கோட்டாபய ராஜபக்ஸ அதிகாரத்திற்கு வந்தார். இந்த நேரத்தில் அரசாங்கத்திற்கு பெறுமதியான ஆலோசனைகளைக் கூறுமாறு நாங்கள்  அந்த புத்திஜீவிகளுக்கு கூறுகிறோம். ஆனால் அரசாங்கம் சட்டத்தை அமுலாக்கி முன்னுதாரணம் வழங்குவதற்குப் பதிலாக மக்களிடம் பொறுப்பினை ஒப்படைத்து விடுதலைபெறவே  தயாராகி வருகின்றது. அரசாங்கம் சட்டத்தை அமுலாக்கி முன்னுதாரணம் வழங்குவதில்லை என்பதால் மக்கள் தமது அலுவல்களை மேற்கொள்ளவும்  தயக்கமின்றி மன்வருகிறார்கள். டெல்டா திரிபுரு வந்துள்ளவேளையிலும் அது பற்றிய நிபுணத்துவ கருத்துக்களை பொருட்படுத்தாமல் நாட்டைத் திறந்துவிட அரசாங்கம் தீர்மானித்தது. திருமண வைபவங்களை நடாத்துதல், மசாஜ் சென்டர்களை திறத்தல்,  வார இறுதிச் சந்தைகளை திறத்தல் போன்றவற்றை ஆரம்பத்தில் அமுலாக்கி நடமாட்ட மட்டுப்பாடுகளை முழுமையாக நீக்கினார்கள். ஓகத்து 02 ஆந் திகதி அனைத்து அரச ஊழியர்களையும் வேலைக்கு சமுகமளிக்குமாறு அறிவித்தார்கள். புகையிதங்களில் பஸ் வண்டிகளில் மக்கள் நெரிசலுடன் செல்லும்போது நோய் பரவமாட்டாதா? மூன்று நாட்களுக்குப் பின்னர் சுற்றறிக்கையை வாபஸ்பெறவேண்டி ஏற்பட்டது. குறைந்தபட்சம் சுற்றறிக்கையொன்றை வெளியிடும்போதாவது எந்தளவுக்கு சிந்தித்துச் செயலாற்றுகிறார்கள் என்பது இதன்மூலமாக தெளிவாகின்றது. மூளை இறந்தவர்கள் தீர்மானங்களை மேற்கொள்வதாக அரசாங்கத்தைச் சேர்ந்தவர்களே கூறுகிறார்கள்.

அண்மையில் கேஸ் கியூவரிசையொன்று இருந்தது. பெருந்தொற்று நிலைமையில் கேஸ், பால் மா வழங்குவதற்கான திட்டமொன்றை அரசாங்கம் வகுக்கவேண்டும். அவ்வாறில்லாவிட்டால் மக்கள் கியுவரிசைகளில் நிற்பார்கள்.  3 – 4 நாட்களாக கேஸ் வரிசையை அமைத்து இறுதியாக கேஸ் விலையையும் அதிகரித்தார்கள்.  மக்களின் உரிமைகள் அற்றுபப்போகின்றவேளையில் நாடு திறக்கப்பட்டிருந்தால் மக்கள் வீதிகளில்  இறங்குவார்கள். நோயிலிருந்து  கவனமாக இருக்கவேண்டுமென்ற மனோநிலையை மக்களிடமிருந்து அகற்றி தடுப்பூசியால் எல்லாமே நடந்துவிடும்  என்ற  அபிப்பிராயத்தை அரசாங்கம் ஏற்படுத்தி இப்போது மக்களை குறை கூறுகிறார்கள். இப்போதாவது இறுமாப்பினை ஒருபுறம் ஒதுக்கிவைத்துவிட்டு நோயுறுகின்ற மற்றும் இறக்கின்ற மக்களைப் பற்றிச் சிந்தித்துப் பார்த்து   தீர்மானம் எடுக்குமாறு நாங்கள் அரசாங்கத்திற்கு கூறுகிறோம். மருத்துவர்களை உள்ளிட்ட நிபுணர்கள்  வழங்குகின்ற விதப்புரைகளுக்கு அமைவாக தீர்மானம் எடுங்கள். அறுபத்தொன்பது இலட்சம்பேர் அரசாங்கத்திற்கு வாக்களித்தது இடர் நேர்கின்றபோது கடவுளிடம் ஒப்படைப்பதற்காக அல்ல.  அப்படியானால் அரசாங்கம் விலகி இந்த கொடுக்கல் வாங்கலை தீர்த்துக்கொள்ள எங்களுக்கு இடமளிக்கவேண்டும். சரியான தீர்மானங்களை மேற்கொண்டு இந்த நிலைமையை கட்டுப்படுத்துமாறு இறுதியாக நாங்கள் அரசாங்கத்தை வலியுறுத்துகிறோம்.   அதைப்போலவே சற்று சிந்திப்பவர்களை அரசாங்கத்திற்கு அழுத்தம் கொடுக்குமாறு நாங்கள் வலியுறுத்துகிறோம். பேரிரைச்சலுடன் கூறினால் மாத்திரமே இந்த அரசாங்கத்திற்கு ஓரளவாவது கேட்கும்.  முழு அரசாங்கமுமே இந்த நிலைமைக்கு பொறுப்புக்கூற வேண்டும்.  எனவே அதிலிருந்து விடுபட முழு அரசாங்கமும் இடையீடுசெய்ய வேண்டும். உங்களை பாதுகாக்காத அரசாங்கமொன்று  இருப்பதால் கவனமாக இருக்குமாறு நாங்கள் மக்களுக்கு கூறுகிறோம். பொருளாதாரம் பற்றி மாத்திரம் சிந்திக்கின்ற, மக்களைப்பற்றிச் சிந்திக்காத அரசாங்கமொன்று  மக்களைப் பாதுகாத்திட மாட்டாது.  எனவே இப்படிப்பட்ட அரசாங்கங்களை ஆட்சிக்கு கொண்டுவராதிருக்க பாடம் கற்றுக்கொள்ளுமாறும் மக்களிடம் கேட்டுக்கொள்கிறோம்.

இந்த நோயைக் கட்டுப்படுத்துவதற்காக ஓர் அமைப்பென்றவகையில் தேசிய மக்கள் சக்தியால் பெற்றுக்கொடுக்ககூடிய அனைத்தையுமே வழங்க நாங்கள் செயலாற்றி வருகிறோம்.  சரியான தீர்மானங்களை எடுத்து இப்போதாவது இந்த பேரழிவினை கட்டுப்படுத்தி, நிர்க்கத்தியுற்ற மக்களை பாதுகாத்திட இடையீடு செய்யுமாறு மிகவும் இறுக்கமாக அரசாங்கத்தை வலியுறுத்துகிறோம்.

You may also like

Leave a Comment