Home News Tamil மாற்று வேலைத்திட்டமொன்றை நாட்டுக்கு அறிமுகஞ் செய்வோம்.

மாற்று வேலைத்திட்டமொன்றை நாட்டுக்கு அறிமுகஞ் செய்வோம்.

by Ravinath Wijesekara

தேசிய மக்கள் சக்தியின் நிறைவேற்றுப் பேரவை உறுப்பினர் சட்டவாதி லால் விஜேநாயக்க

இது எமது நாடு பொருளாதார, அரசியல், சமூக மற்றும் கலாசார ரீதியாக எல்லாப் பக்கங்களிலும் சீரழிந்துள்ள தருணமாகும். சுதந்திரம் கிடைத்து  எழுபத்தி மூன்று வருடங்களாக நாட்டை ஆட்சிசெய்த ஆட்சியாளர்கள் இந்த பிராந்தியத்தின் நாடுகள் மத்தியில் ஆப்கானிஸ்தானுக்கு மாத்திரம் மேலாக இருக்கின்ற நிலைமைக்கு சீரழித்து இருக்கிறார்கள்.  நாட்டை அந்த நிலைமைக்கு  கொண்டுவந்த அரசியலை தோற்கடிக்க வேண்டும். நாங்கள் தோற்கடிக்கவேண்டியது ஆட்களை மாத்திரமல்ல. அவர்களின் அரசியலையும் தோற்கடிக்க வேண்டும். பொருளாதார ரீதியாக எமது நாடு வீழ்ந்துள்ள நிலைமை பற்றி புதிதாக கூறவேண்டியதில்லை. அதைப்போலவே எமது சமூகமும் சீரழிந்துள்ளது. நாட்டில் உள்ள பல்வேறு மக்கள் பிரிவுகளை ஒன்றிணைத்து இலங்கையர் என்ற அடையாளத்தைக் கட்டியெழுப்புவதில் தோல்விகண்டுள்ளார்கள்.  பாராளுமன்றத்தைப் பார்த்தால் எத்தகைய ஆட்சியாளர்களை நியமித்துள்ளளோம் என்பது தெளிவாகின்றது. 

நாடு எந்தளவுக்கு சீரழிந்துள்ளது எனக் கூறப்போனால் இளைஞர் தலைமுறையைச் சேர்ந்த ஒவ்வொருவரும் நாட்டை விட்டுச் செல்லவே எதிர்பார்க்கிறார்கள். அதற்காக பல்வேறு வழிகளைத் தேடிக்கொண்டு இருக்கிறார்கள்.  நாடு பற்றிய அவர்களின் முழுமையான நம்பிக்கை சிதைவடைந்து விட்டது. எதிர்காலமொன்று இருப்பதாக அவர்கள் நம்புவதில்லை. மிகவும் பயங்கரமான நிலைமை இதுவாகும். இதனால் மக்கள் விடுதலை முன்னணியும் ஏனைய இடதுசாரி பிரிவுகளும் ஒன்றுசேர்ந்து தேசிய மக்கள் சக்தியை தாபித்தன.  மாற்று அரசியலை இந்த நாட்டுக்கு அறிமுகஞ் செய்வதற்காகவே இந்த மாநாடு நடாத்தப்படுகின்றது. அதைப்போலவே மாற்று வேலைத்திட்டமொன்றையும் மாற்றுத் தலைவரொருவரையும் அறிமுகம் செய்வதற்காகவே. அதைப்போலவே எழுபத்தைந்து பேரை உள்ளடக்கிய நிறைவேற்றுப் பேரவையொன்றை அறிமுகம் செய்வதற்காகவே.  தேசிய மக்கள் சக்தியின் கொள்கைத் தொடரை நாடு பூராவும் எடுத்துச்சென்று  மக்களுடன் கலந்துரையாட நடவடிக்கை எடுப்போம். அந்த கொள்கையில் ஏதேனும் மாற்றங்களை செய்யவேண்டுமாயின் அதற்கும் இடமுண்டு. சீரழிந்த இந்த நாட்டை மீண்டும் கட்டியெழுப்ப அவசியமான அரசாங்கமொன்றை நிறுவுவதற்காக செயலாற்றுவதே எமது எதிர்பார்ப்பாகும். மாவட்ட மட்டத்திலான சம்மேளனங்களை வருங்காலத்தில் நடாத்தி மக்களின் எதிர்பார்ப்புகள் ஈடேறுகின்ற வகையில் செயலாற்றி  சீரழிந்த நாட்டைக் கட்டியெழுப்ப மீண்டும் நடவடிக்கை எடுப்போம். அதற்காக ஒன்றுசேருமாறு அனைவருக்கும் அழைப்பு விடுக்கிறோம். தேசிய மக்கள் சக்தி ஒருசில கட்சிகள் அல்லது ஒருசில குழுக்களுக்கு மட்டுப்படுத்தப்பட்டதல்ல. மாற்று அரசியல் ஊடாக சீரழிந்த நாட்டைக் கட்டியெழுப்புவதற்காக ஒன்று குவிகின்ற அனைவருக்குமான பொது நடுநிலையமாக இது கட்டியெழுப்பப்படு;ம். இதனைச் சுற்றி அணிதிரளுமாறு நாங்களை மக்களிடம் மன்றாடுகிறோம்.

You may also like

Leave a Comment