Home News Sinhala “අධිකරණයේ සාධාරණත්වය ලබාගැනීමට හැකිව ඇත්තේ යම් සබඳතා ඇති අයටයි”

“අධිකරණයේ සාධාරණත්වය ලබාගැනීමට හැකිව ඇත්තේ යම් සබඳතා ඇති අයටයි”

by Ravinath Wijesekara

ආචාර්ය හරිනි අමරසූරිය

මරණයට පත්වීමේදී ඒ පුද්ගලයා නරක පුද්ගලයෙක් නිසා ඒ මරණය සිදු වූවා යැයි කීමේ තර්කය කුමක්දැයි ජාතික ජනබලවේගයේ පාර්ලිමේන්තු මන්ත්‍රිනි ආචාර්ය හරිනි අමරසූර්ය විමසුවාය. මිනිස්සුන්ගේ සාධාරණත්වය පිළිබඳ හැගීම දැඩි ලෙස පීඩාවට පත්ව තිබෙනවා වැරැදි කරුවන් සම්බන්ධයෙන් ගත්විට වින්දිතයෙක් හෝ වැරැදි කරුවෙක් ලෙස හඳුනා ගැනීමට පෙර ඔවුන්ගේ සබඳතා මොනවද, ආර්ථික සබඳතා වැනි දේවල් මත සමහර වෙලාවට මිනීමැරුම්වලින් පවා ගැලවෙන්නට හැකියාව ලැබී තිබෙනවා. අප විනයගරුක සමාජයක් ගැන කතා කරනවා. මැතිවරණ සමයේ පවා එය මාතෘකාවක් බවට පත්ව තිබුණා. විනය සම්බන්ධව ගත්විට අධිකරණයේ සාධාරණත්වය ඉතා වැදගත් වෙනවා. යම් තනතුරුවලට පත් කරන පුද්ගලයන් ගත් විට සමාජ මාධ්‍ය විහිළු සහගත ලෙස කතා කරනවා. අධිකරණය පමණක් නොව ජනාධිපතිතුමත් පත් කිරීම් නිසා විහිළුවට පත්ව තිබෙනවා. අත්අඩංගුවට පත්වන පුද්ගලයන් මරණයට පත්වීම සාධාරණ කාරණයක් නොවේ. මරණයට පත් වීමේදී ඒ පුද්ගලයා නරක පුද්ගලයෙක් නිසා ඒ මරණය සිදුවූවා යැයි කීමේ තර්කය කුමක්ද? එහි කරුණු සිදුවිය යුත්තේ නෛතික කරුණුවලට අනුකූල ලෙසයි. මේ කරුණු නිසා ජනතාවගේ නීතිය ගැන තිබෙන විශ්වාසය පලුදු වෙනවා. නීතියේ ප්‍රමාදය ගැනත් කතා කළ යුතුයි. යම් දූෂණයක් වැනි දෙයක් සිදු වූ විට දූෂණයට ලක් වූ තැනැත්තිය විසින් අදාළ වැරැදිකරුවන් විවාහ වී සිටින අවස්ථාද දැකගත හැකියි. ආණ්ඩුවට සම්බන්ධ ඉහළ පෙළේ පුද්ගලයන් සම්බන්ධ තාජුදීන්, එන්නැලිගොඩ සම්බන්ධයෙන් යුක්තිය ඉටුවීම ප්‍රමාදයට පත්ව තිබෙනවා. වරදක් නොකළ පුද්ගලයන්ද රිමාන්ඩ් භාරයේ සිටිනවා. දේශපාලන බලයක් නැති, සමාජයේ පහළ ස්තරයේ සිටින ජනතාව මෙලෙස පීඩාවට පත්ව සිටිනවා.

(මව්බිම – 2021 දෙසැම්බර් 10)

You may also like

Leave a Comment