Home News Sinhala කාලා මැරෙනවාද නොකා මැරෙනවාද කියා අද ජනතාවට තීරණය කරන්න වෙලා

කාලා මැරෙනවාද නොකා මැරෙනවාද කියා අද ජනතාවට තීරණය කරන්න වෙලා

by Ravinath Wijesekara

අද ගෑස් ප්‍රශ්නය නිසා ජනතාවට “කාලා මැරෙන්න හෝ නොකා මැරෙන්න” යන මරණ දෙකින් එකක් තෝරා ගැනීමට සිදුවී ඇතැයි ජාතික ජන බලවේගයේ පාර්ලිමේන්තු මන්ත්‍රිනි  ආචාර්ය හරිනි අමරසූරිය පැවැසුවාය.

ගෑස් ප්‍රශ්නය නිසා ජනතාවට මරණ බියෙන් සිටීමට ඉඩකඩ සැලසීම ඉතා ඛේදනීය බවත්, ආණ්ඩුව කළ යුත්තේ අවම වශයෙන් මේ මරණ බයවත් ජනතාවගෙන් තුරන් කිරීමට කඩිනමින් ක්‍රියාකිරීම බවත් ඇය පෙන්වා දුන්නාය.

විශේෂයෙන්ම නත්තල් සමයේ ජනතාව වැඩිපුර රැඳෙන්නේ නිවෙස්වල බැවින් ඔවුන් මුළුතැන්ගෙයි කටයුතුවල වැඩි වශයෙන් නිරත වන බවත්. මේ මොහොතේ පැන නැඟී ඇති ගෑස් ප්‍රශ්නයේ ඇති අවදානම 100%කින් ඉහළ නඟින ප්‍රශ්නයක් බවත් ඇය පෙන්වා දුන්නාය.

එමෙන්ම අලුත් ගෑස් නැවද ප්‍රමිතීන්වලට අනුකූල නොවන බව කියා නැවත ප්‍රතික්ෂේප කර යවා ඇති අතර එමඟින් ගෑස් අර්බුදය තවත් තීව්‍ර වන බවත් මන්ත්‍රිවරිය සඳහන් කළාය.

විශේෂයෙන්ම භූමිතෙල් ළිප් රුපියල් 8000ක් වැනි අධික මිල ගණන් යටතේ අලෙවි වන අතර භූමිතෙල් ළිප්වල හිඟයක්ද මතුවී ඇති බවත් පැවැසූ අමරසූරිය මහත්මිය මෙම මරණ බිය නිසා ජනතාවට නොකා නොබී සිටිය හැකිදැයි විමසුවාය. කඩෙන් කනවා නම් මුදල් අවශ්‍ය බවත් ඔවුන් අතේ මුදල් නොමැතිවීම අනෙක් ගැටලුව බවත් මෙය සාමාන්‍යයෙන් බෙහෙතක් ගැනීමට රෝහලකට යෑම හෝ අධ්‍යාපනය ලැබීමට පාසලකට යෑම වැනි අවශ්‍යතාවලට එහා ගිය ආහාර සපයා ගැනීමේ මූලික අවශ්‍යතාවයේ ප්‍රශ්නයක් බවය.

-අනුරාධා හේරත් (මව්බිම)

You may also like

Leave a Comment