Home News Sinhala “නව සමාජයක් ගොඩනැඟීම වෙනුවෙන් ජාතික ජන බලවේගය වටා ඒකරාශී වෙමු..!”

“නව සමාජයක් ගොඩනැඟීම වෙනුවෙන් ජාතික ජන බලවේගය වටා ඒකරාශී වෙමු..!”

by Ravinath Wijesekara

“මේ වන විට ඇතිවී තිබෙන අර්බුදය කොවිඩ් වසංගතය නිසා ඇති වූවක් නොවෙයි. අවුරුදු 73ක් පුරා මේ රටේ පාලකයන් අනුගමනය කරන ලද ආර්ථික දේශපාලනික ප්‍රතිපත්තිවල ප්‍රතිඵලයක්. මෙයින් ගොඩ ඒමට නම් මේ මාර්ගයෙන් අප වෙනස් විය යුතුයි. ඒ වෙනස් කිරීමේ අධිෂ්ඨානය සහ හැකියාව තිබෙන පිරිසක් රට පාලනය කිරීම අවශ්‍යයි. ආර්ථික අර්බුදය මෝරායෑම නිසා සමාජ අර්බුදයක් නිර්මාණය වී තිබෙනවා. දූෂණය දැඩිලෙස පැතිරීම, ඒ දූෂණය තමන්ගේ පාලකයන් විසින් සිදුකිරීම, කිසිම විශ්වාසයක් නැති වීම, ජනතාව අත්දකිමින් සිටි බරපතළ සමාජ අර්බුදයක්.

මෙවැනි අර්බුදවලට විසඳුම් සෙවිය යුත්තේ විකල්ප වැඩපිළිවෙළක් තුළින් පමණයි. රටේ සම්පත් විකිණීමේ භයානක ප්‍රතිපත්ති වෙනුවට විකල්ප වැඩපිළිවෙළ ක්‍රියාත්මක කළ යුතුයි.  ආර්ථික අර්බුදයේ ප්‍රතිඵලයක් ලෙස අද ජනතාවගේ ප්‍රජාතන්ත්‍රවාදී අයිතීන් කප්පාදු කරමින් පවතිනවා. ඒ නිසා මේ රට ගොඩනැඟීමේ සටන ප්‍රජාතන්ත්‍රවාදය සහ ආර්ථිකය ගොඩනැඟීමේ සටන් දෙකේම ඒකාබද්ධ වීමක්. අද හැම ආයතනයක්ම හමුදාකරණයට ලක්කරමින් ප්‍රජාතන්ත්‍රවාදය අකුලමින් තිබෙනවා. ජනතා විරෝධය මර්දනය කිරීමට ක්‍රියාමාර්ග අනුගමනය කරනවා. ප්‍රජාතන්ත්‍රවාදය සඳහා සටන ආර්ථිකය වෙනස් කිරීම සඳහා සටනින් වෙනස් කරන්න බැහැ. ඒ නිසා ප්‍රජාතන්ත්‍රවාදය සහ ආර්ථිකය වෙනස් කර නව සමාජයක් ගොඩනැඟීම වෙනුවෙන් ජාතික ජන බලවේගය වටා ඒකරාශී විය යුතුයි කියලා අපි අවධාරණය කරනවා. අපි සියලු දෙනා ඒකරාශී වී මේ ගමන යා යුතුයි. ප්‍රජාතන්ත්‍රවාදය සහ ආර්ථිකය ගොඩනැඟීම සඳහා එක සටනක් ගෙන යා යුතුයි. ඒ සඳහා එකතු වෙන්න කියලා අපි ජනතාවගෙන් ඉල්ලා සිටිනවා.”

එක්සත් වාමාංශික බලවේගයේ ලේකම් අධිනීතිඥ ලාල් විජේනායක

You may also like

Leave a Comment