මෙක ප්‍රශ්නයක් නෙවෙයි, ක්‍රිප්ටොකරන්සි BIT COIN ETH ... , EPF ETF වලටත්, දිස්ත්‍රික් මට්ටමින් මෙවැනි coin වර්ග හඳුන්වා දීමෙනුත් අප රටට විදේශිකයින් පහසුවෙන් ආකර්ශනය කරමින් රට තුල විශාල මුදල් ප්‍රමානයක් ගෙන්වා ගැනීමක් කල හැකියි. වටිනාකමක් ඇති මුදල් ගෙන්වාගනනිමු! ඩොලර් වල වටිනාකම නැතිවෙමින් පවතින නිසා.
ඔබගේ යෝජනාව අප වෙත යොමු කිරීම පිළිබඳව අපගේ ස්තූතිය පළමුව ප්‍රකාශ කරමු. මෙම අදහස ජාතික ජනබලවේගයේ විධායක කමිටුව සහ මැතිවරණ මෙහෙයුම් කමිටුව වෙත යොමු කර ඇත. ඔවුන් ඊට අදාල මැදිහත් වීම සිදු කරනු ඇත. ඔබගේ අදහස අප වෙත යොමු කිරීම පිළිබදව නැවතත් අපගේ ස්තූතිය පළ කරමු.
අනුර සහෝදරයා මධ්‍යයට නිකුත්කල සඝ සමුළුවෙන් පසු දුර්මත යනුවෙන් සදහන් කල ලිපිය ඇත්තද? එසේ නම් ආගම් නිසා රට පසුගාමී වුනා යනුවෙන් අදහස් කලේ කුමක්ද? ජපානය හා සසදා බලන්න. රට වැටීමට හේතුව හොරකමනම් ආගම් එයට වග කියන්නේ කෙසේද?
ඔබගේ පැනය අප වෙත යොමු කිරීම පිළිබඳව අපගේ ස්තූතිය පළමුව ප්‍රකාශ කරමු. ආගම් නිසා රට පසුගාමී වු බවට අනුර කුමාර දිසානායක සහෝදරයා කිසි විටක, කිසි තැනක ප්‍රකාශ කර නැත. එමෙන්ම බුදු දහමට මේ වන විටත් පවතින ආණ්ඩුක්‍රම ව්‍යවස්ථාවෙන් ලබා දී ඇති ප්‍රමුඛතාවය එලෙසම කිසිදු වෙනස්කමකින් තොරව පවත්වා ගෙන යන බවත්, අනෙකුත් සියළුම ආගම් වලට ද නිදහසේ සිය කටයුතු පවත්වා ගෙන යෑමට අවශ්‍ය පදනම සකස්කරන බවද ඔහු අවධාරණය කර තිබේ. මේ නිසා විරුද්ධවාදීන් විසින් ගෙන යන ප්‍රචාර වලෙට නොරැවටෙන ලෙස කාරුණිකව ඉල්ලා සිටිමු. ඔබගේ අදහස් සහ පැනය අප වෙත යොමු කිරීම පිළිබදව නැවතත් අපගේ ස්තූතිය පළ කරමු.
අද මේ සහෝදරයා මම ඔබව අමතන්නේ විදෙස් රටක සිට මට දැනගන්නට අවශ්‍යයි ඔබගේ ප්‍රතිපත්ති ප්‍රකාශනය තුළ අවිදස්ගත ශ්‍රී ලාංකිකයන්ගේ ඡන්දය භාවිතා කිරීමටගන්නා ක්‍රියාමාර්ග ඒවගේම ඔවුන්ගේ ඉදිරියේදී ඔවුන්ට ලැබෙන වරප්‍රසාද මොනවාද ඔබගේ රජයක් යටතේ කියන එක සාරාංශයක් විදිහට මට එවනවා නම් ඉතාමත් වටිනවා මොකද මම ගොඩක් අයත් එක්ක මේ ගැන සාකච්ඡා කරනවා ඔහුව දැනුවත් කරනවා අපි ලබන මාසේ පහළොව ලංකාවට එනවා ඡන්දය දෙන්න ඊට කලින් ඔවුන් දැනුවත් කරලා ඔවුන්ට ඉදිරියට එන්නවුන්ට දැනුම ලබා දුන්නොත් හරි වටිනවා නිසා ඔබට හැකිනම් වීඩියෝ එකක් කරන්න එසේත් නැතිනම් ඒ පිළිබඳව මට සාරාංශයක් විදියට එවන්න පුළුවන් නම් එහෙම නැත්නම් ඒ ලබාගන්නේ කෙසේද කියලා දෙනවා නම් හරි වටිනවා මොකද ඒ පිළිබඳව අපි දැනුවත් විය යුතු දැනුවත් කළ යුතුයි මිනිසුන් බොහොමත්ම ස්තූතිය
ඔබගේ අදහස හා යෝජනාව අප වෙත යොමු කිරීම පිළිබඳව අපගේ ස්තූතිය පළමුව ප්‍රකාශ කරමු. විදෙස් ගත ශ්‍රි ලාංකිකයින්ට ඡන්දය ප්‍රකාශ කිරීමට අවශ්‍ය විධිමත් ක්‍රමවේදයක් සකසන බව අප මේ වන විටත් ප්‍රකාශ කර තිබේ. එමෙන්ම විදේශ ගත ශ්‍රි ලාංකිකයින්ගේ ගැටළු විසඳීම සඳහා ගනු ලබන පියවර වල සාරාංශයක් පොහොසත් රටක්...ලස්සන ජීවිතයක්... අපගේ ප්‍රතිපත්ති ප්‍රකාශනයේ ඇත. පහත සබැඳි භාවිතා කර ඔබට එය බාගත කළ හැකිය.
ඔබ අපගේ වැඩපිළිවෙළ පිළිබඳව දක්වන උනන්දුව පිළිබඳව අපගේ විශේෂ ස්තූතිය පුදකරමු. ඔබගේ අදහස අප වෙත යොමු කිරීම පිළිබදව නැවතත් අපගේ ස්තූතිය පළ කරමු.
ඔබ ප්‍රතිපත්ති ප්‍රකාශනයේ රාජ්‍ය සේවක වැටුප් සම්බන්ධව ඇති ගැටලු සහ ඒවාට පිළියම් යොදන ආකාරය පිළිඹඳව පැහැදිලිව සඳහන් කර නොමැති බව දක්නට ලැබුනි. ගුරු වැටුප් විෂමතා විසඳීමට කටයුතු කරන බව පමණක් සඳහන් කිරීමත් අනෙකුත් සේවාවන් වල ඇති වැටුප් විශමතා පිළිඳ කිසිවක් සඳහන් නොවීමත් හේතුවෙන් මේ වන විට රාජ්‍ය සේවය තුළ යම් දෙගිඩියාවක් ඇති කරවන කතිකාවතක් නිර්මාණය වන බව කිව යුතුය. පිළිතුරක් අපේක්ෂා කරමි. ස්තූතියි
ඔබගේ පැනය අප වෙත යොමු කිරීම පිළිබඳව අපගේ ස්තූතිය පළමුව ප්‍රකාශ කරමු. රාජ්‍ය සේවයේ පවතින වැටුප් විෂමතා ඉවත් කිරීම සඳහා පුර්ණ බලැති විශේෂ කමිටුවක් පත් කර මෙම ගැටළුව විසඳන බව දැනටමත් අප විසින් ප්‍රකාශ කර තිබේ. එමෙන්ම සෑම මාස 06 ට වරක් ජිවන වියදමට ගැලපෙන ලෙස වැටුප් සංශෝධනය කරන බව ද අප දැනටමත් ප්‍රකාශ කර තිබේ. කෙසේ වෙතත් ඔබගේ මෙම අදහස ජාතික ජනබලවේගයේ විධායක කමිටුව සහ මැතිවරණ මෙහෙයුම් කමිටුව වෙත යොමු කර ඇත. ඔවුන් ඊට අදාල පියවර ගනු ඇත. ඔබගේ අදහස අප වෙත යොමු කිරීම පිළිබදව නැවතත් අපගේ ස්තූතිය පළ කරමු.
අප සිටින්නේ ඉතාමත්ම තීරනාත්මක අවස්තාවකය. ජයග්‍රහනය ලබාගත හැකි අවස්තාවකය. ඉතාම සවිධානාත්මක මැතිවරන වැඩසටහනක් ක්‍රියත්මක වනවා දකින්නට ලැබීම ඉතාමත් සතුටට හේතුවකි. අපේ මිනිසුන් චන්දය භාවිතා කරන්නේ නායකයින් හෝ පක්ශවල ප්‍රතිපත්ති ප්‍රමාන්වත් මට්ටමකට අධ්‍යයනයෙන් නොවන බව ඉතාම පැහැදිලිය. නමුත් ඔබ අප බලාපොරත්තු වන දෙශපාලන සංස්තියේ වෙනසට බුද්ධිමත් චන්ද දායකයකු බවට අප පත්කිරිමද ඇතුලත් වියයුතුය. NPP,JVP web site හෝ you tube channel එකට ගොස් ඔබව ඔබේ පක්ශයේ ප්‍රතිපත්ති අධයනය කරන් අය ඉතාම අඩුය. උදාහරන වශයෙන් JVP, NPP , Anura kumara Dissanayake youtube channel subscribers ගනන ගන්න 185K, 56K,154K. වෙනත් වැඩකට නැති නලුනිලියන්ගේ ආදී විවිද කිසි හරයක් නැති channel වල subscribers ගනන් බලන්න. NPP මූලික ප්‍රතිපත්තිමය කාරනා සම්බන්දව මැතිවරනයට පෙර දැනුවත් කිරීමට WhatsApp භාවිතා කිරිම සුදුසුයැයි මම සිතනවා. මෙහිදී ප්‍රාදෙශීය සංවිදායකයින් විසින් යම් මට්ටමකට ක්‍රියාකාරි සාමාජිකයින්ගෙන් යුත් whatsapp group එකක් හදන්න ඔනේ. බෙදාහරින අන්තර්ගතයන් සියල්ල එකම මධ්‍යස්තානයකින් ස්කස් කරන්න ඕනේ. ඊට පස්සේ ප්‍රාදෙශීය සංවිදායකයින්ට යවන්න ඔනේ. ප්‍රාදෙශීය සංවිදායකයින් එයාගේ group එකට යවන්න ඔනේ. group සාමාජිකයෝ එයාලාගේ යාලුවන්ට දන්න කියන අයට යවන්න ඕනී.
ඔබගේ යෝජනාව අප වෙත යොමු කිරීම පිළිබඳව අපගේ ස්තූතිය පළමුව ප්‍රකාශ කරමු. මෙම අදහස ජාතික ජනබලවේගයේ විධායක කමිටුව සහ මැතිවරණ මෙහෙයුම් කමිටුව වෙත යොමු කර ඇත. ඔබගේ අදහසට සමානන්තරව ක්‍රියාත්මක වන Whatsapp ජාලයක් දැනටමත් අප විසින් ක්‍රියාත්මක කරමින් පවතී. එම ජාලය සදහා සම්බන්ධ වීමට 0777 535 204 අංකයට Whatsapp ඔස්සේ කෙටි පණිවිඩයක් යොමු කළ යුතුය. එම අවස්ථාවේදී ඔබට ලැබෙනවා Victory whatsapp community group link වලින් group එකට join විය හැකියි. ස්තූතියි
