NPP News

The government has issued a number of gazettes, circulars and notices on various issues in the recent past, but they have become illegal, not implemented and are confusing to the people stated Member of Parliament of the NPP Anura Dissanayake. He said this moving a n adjournment motion in Parliament.
He pointed out that there is no market to buy goods at the prices pertaining to the gazettes issued by the government such as rice, coconut and sugar and that gazette notifications regarding sugar and coconut oil taxes have caused serious tax frauds. He said the cancellation of the permits to transport sand permit on verbal instructions of the minister was illegal.

මහර බන්ධනාගාරයේ සිදුවීම සම්බන්ධයෙන් අපක්‍ෂපාති කොමිසමක් පත් කළ යුතු යැයි ජාතික ජන බලවේගය අවධාරණය කරයි. එමෙන්ම කුමන තත්වයක් යටතේ වුවද වෛද්‍ය පීඨ වසා නොදමන ලෙසත් ආණ්ඩුවේ නොහැකියාව කොවිඩ්වලට බැර කිරීම සාධාරණ නොවන බවත් එම පක්ෂය අවධාරණය කරයි.

පැලවත්ත බත්තරමුල්ල හි පිහිටි ජනතා විමුක්ති පෙරමුණේ ප්‍රධාන කාර්යාලයේදී ජාතික ජන බලවේගය පක්ෂය විසින් අද (06) පෙරවරුවේ පැවැත්වූ මාධ්‍ය හමුවකදී මේ බව අවධාරණය කළේය.

එහිදී වැඩිදුරටත් දැක්වූ අදහස්…

මහර සිදුවීම සම්බන්ධයෙන් අපක්‍ෂපාති කොමිසමක් පත්කරන්න…

ජාතික ජන බලවේගයේ නායකත්ව මණ්ඩල සාමාජික නීතිඥ ලාල් විජේනායක මහතා,

“මහර සිදුවීමේදී නිරායුධ රැඳවියන් වෙඩි තබා ඝාතනය කිරීම ඉතාම බරපතළ සිදුවීමක්. සෑම සිරකරුවෙක්ම ඉන්නේ රජයේ භාරයේ. රජයේ ආරක්‍ෂාව යටතේ සිටින රැඳවියන් අමු අමුවේ මරා දැමීම ඉතාම භයානයක තත්වයක්. එම සිදුවීමෙන් මීට වසර කිහිපයකට පෙර වැලිකඩ බන්ධනාගාරයේ ඇතිවූ සිදුවීම අපිට මතක් වෙනවා. එහිදී රැඳවියන් 28දෙනෙක් අමු අමුවේ මරා දැමුවත් ඒ සම්බන්ධයෙන් කිසිදු සාධාරණ පරීක්‍ෂණයක් මේ වනතුරු නැහැ. මෙම රැඳවියන් රජයේ භාරයේ සිටින නිසා සම්පූර්ණයෙන් ඔවුන්ගේ වගකීම රජය සතු වෙනවා. රජයේ ආරක්‍ෂාව කියන්නේ උසස්ම ආරක්‍ෂාව. රජයට වගකීමක් තියෙනවා රැඳවියන්ට සිදුවූයේ කුමක්ද කියලා පැහැදිළි කරන්න. නමුත් මේ මොහොතේ වගකීම පැහැර හරිමින් ප්‍රකාශ නිකුත් කරනවා. එම ප්‍රකාශ පරස්පරයි. එම පරස්පරය තුළින් ජනතාව තුළ විශාල සැකයක් මතුකරනවා.

ඕනෑම ආකාරයක රැඳවියන්ට පුරවැසියන් ලෙස මානව හිමිකම් තිබෙනවා. ඔවුන්ට තිබෙන ජීවත්වීමේ අයිතිය කිසිවෙකුට අභියෝගයට ලක් කරන්න බලයක් නැහැ. ඒ නිසා මෙම ඝාතන මානව හිමිකම් කඩකිරීමක් ලෙසයි අපි දකින්නේ. ඒ වගේම මෙයින් නීතියේ ආධිපත්‍යය බිඳවැටී තිබෙනවා. ශිෂ්ඨසම්පන්න සමාජයක මෙවැනි සිදුවීම් පිළිගන්නේ නැහැ. කුමණ තත්වයක් යටතේදී හෝ නිරායුද පුද්ගලයින් වෙඩි තබා ඝාතනය කිරීම පිළිගත හැකි කරුණක් නෙවෙයි. රජයේ භාරයේ සිටි පුද්ගලයෙකු මරණයට පත්වූ පසු ක්‍රියාකළ යුතු ආකාරය අපරාධ නඩු විධාන සංග්‍රහයේ සඳහන්කොට තිබෙනවා. එහි 371වැනි වගන්තිය අනුව මහේස්ත්‍රාත්වරයෙකු ඉදිරියේ ක්‍ෂණික පරීක්‍ෂණයක් පැවැත්විය යුතුව තිබෙනවා. ඒ වගේම 373 වැනි වගන්තියට අනුව පශ්චාත් මරණ පරීක්‍ෂණයක් පැවැත්විය යුතුයි. එම වර්තාවත් මහේස්ත්‍රාත්වරයාට ලැබිය යුතුයි. ඉන් පසුව මහේස්ත්‍රාත්වරයා විසින් මරණය කුමණ ආකාරයෙන් සිදුවුණාදැයි වාර්තා කරනවා. මහේස්ත්‍රාත්වරයා ඉදිරියේ පවත්වන පරීක්‍ෂණය විවෘත එකක්. එම පරීක්‍ෂණයේදී පොලීසියෙන් හෝ අදාළ පාර්ශ්වයන්ගේ සාක්‍ෂිවලට අමතරව මහේස්ත්‍රාත්වරයා විසින් ජනතාවගේ සාක්‍ෂි විමසා සිටිනවා. එම අවස්ථාවත් ලබාදිය යුතුයි. එම පරීක්‍ෂණවලින් අනතුරුව තමයි අවසන් තීරණය ලබා දෙන්නේ. අවසන් තීරණය ලබාදීමට නොහැකි නම් තව දුරටත් පරීක්‍ෂණ පැවැත්විය යුතු බවට විවෘත තීරණයක් ලබාදෙනවා.

මහර සිදුවීමට දින 5කට අධික කාලයක් ගතවෙලා තිබියදීත් මූලික පරීක්‍ෂණවත් පවත්වන්න ආණ්ඩුව අසමත් වෙලා තිබෙනවා. මහේස්ත්‍රාත් පරීක්‍ෂණයක් හෝ පශ්චාත් මරණ පරීක්‍ෂණයක් සිදුවෙලා නැහැ. එනිසා මහර ඝාතන වෙඩි තැබීමකින් සිදුවූවාද පහර දීමකින් සිදුවූවාද යන්න නිශ්චිතව සඳහන් කරන්න බැහැ. ආණ්ඩුව විසින් එම පරීක්‍ෂණ මගහැරීම විශාල සැකයක් මතුකරනවා. අදාළ පරීක්‍ෂණවලට ඥාතීන්ට මැදිහත්වීමට ඇති ඉඩ අවහිර කොට තිබෙනවා. මෙම සිදුවීම සම්බන්ධයෙන් ජාත්‍යන්තර මාධ්‍යවල පවා වාර්තා පළ වුණා. එම නිසා අපේ රටේ මානව හිමිකම් පිළිබඳව ප්‍රශ්නය නැවතත් ලෝකය ඉදිරියේ මතුකරන සිදුවීමක් වෙනවා. එමනිසා මෙම සිදුවීම සම්බන්ධයෙන් නීත්‍යානුකූල පරීක්‍ෂණයක් සිදුකරන ලෙස ආණ්ඩුවෙන් ඉල්ලනවා. ඒ වගේම මහර සිදුවීමේ සුලමුල සෙවීම සඳහා ශ්‍රේෂ්ඨාධිකරණ විනිසුරුවරුන්ගෙන් යුත් අපක්‍ෂපාතී කොමිසමක් පත් කරන ලෙසද ආණ්ඩුවෙන් ඉල්ලනවා. එය ආණ්ඩුවට අවශ්‍ය ප්‍රකාශ නොකරන කොමිසමක් විය යුතු බවද අපි අවධාරණය කරනවා. මානව හිමකම් පිළිබඳව, නීතියේ ආධිපත්‍යය පිළිබඳව, ප්‍රජාතන්ත්‍රවාදය පිළිබඳව අද ඉතා වැදගත් සාකච්ඡාවක් මතුවෙලා තිබෙන නිසා මෙම සිදුවීම සම්බන්ධයෙන් කඩිනම් හා සාධාරණ පරීක්‍ෂණයක් සිදුකිරීමට ජනතාව විසින් බලකළ යුතුව තිබෙනවා.”

කුමන තත්වයක් යටතේවත් වෛද්‍ය පීඨ වසා දමන්න එපා…
රාගම වෛද්‍ය පීඨයේ මහාචාර්ය, විශේෂඥ වෛද්‍ය ක්‍රිෂාන්ත අබේසේන මහතා,

“විශ්වවිද්‍යාලයකින් බිහිවිය යුතු වන්නේ විෂය දැනුමට සීමා නොවූ රටට නායකත්වය දියයුතු විචාරශීලී බුද්ධිමතුන්. විශ්වවිද්‍යාලවල විවිධ පීඨයන්වල අධ්‍යාපනය හදාරන සිසුන් අතර අන්තර් සම්බන්ධයක් තිබිය යුතු වෙනවා. එමගින් තමයි සිසුන්ගේ විචාරශීලී බුද්ධිය වර්ධනය වෙන්නේ. මෙම විශ්වවිද්‍යාල සංකල්පයට පටහැනිව යම් යම් දේ ක්‍රියාත්මක වෙමින් තිබෙන බව අපිට හැඟෙනවා.

ඇතිවී තිබෙන කොවිඞ් තත්වය විශ්වවිද්‍යාලවල මෙම ඉගෙනුම් සංකලපයටත් අහිතකර ලෙස බලපා තිබෙනවා. කොවිඞ් ප්‍රශ්නයට විසඳුමක් නොමැති තත්වයක් තුළ අපිට කියන්නට බැහැ තව කොපමණ කාලයක් මේ සමග ජීවත් විය යුතුද කියලා. එම නිසා කොවිඞ් සමග ජීවත්වීමට සිදුවෙනවා කියලා අපි දැනට කියනවා. එයින් අදහස් කරන්නේ කුමක්ද? දුරස්තභාවය ආරක්‍ෂා කිරීම, අත සේදීම කියලා නෝටීස් බෝඞ් එකක් දැමීමද? එහෙම නැත්නම් මාධ්‍ය මගින් විවිධ ප්‍රචාරයන් කිරීමද? එය නොවෙයි විය යුත්තේ. විශ්වවිද්‍යාල ආරම්භ කරනවා නම් එයට නිශ්චිත වැඩපිළිවෙළක් සකස් විය යුතුයි. ඒ ඒ විශ්වවිද්‍යාලය තුළට ඒ ඒ පීඨයන් තුළට වැඩපිළිවෙළ විශේෂ විය හැකියි. දේශන ශාලා තුළ දුරස්ථභාවය පවත්වාගැනීම අසීරු කටයුත්තක්. ඒ නිසා විශ්වවිද්‍යාල තුළ පහසුකම් වැඩිකිරීම සිදුකළ යුතුව තිබෙනවා. අලුතින් පහසුකම් සැපයීමට නොහැකි නම් තිබෙන පහසුකම් කළමණාකරණය කළ යුතුයි.

ඒ වගේම විශ්වවිද්‍යාල සිසුන්ගේ නේවාසිකාගාර තුළ පවතින අඩු පහසුකම් නිසා දුරස්ථභාවය ආරක්‍ෂා කරගන්න බැහැ. එම නිසා කොවිඞ් පැතිරීමේ අවදානමද වැඩියි. ඒ සඳහා විශේෂ වැඩපිළිවෙළක් සකසා ගත යුතුව තිබෙනවා. මේ වනවිට අන්තර්ජාලය ඔස්සේ දුරස්ත අධ්‍යාපන ක්‍රමවේදයන් ආරම්භ කොට තිබෙනවා. අධ්‍යාපනයට අන්තර්ජාලය යොදා ගැනීම අත්‍යාවශ්‍ය දෙයක්. නමුත් එය පමණක් ප්‍රමාණවත්ද? ඒ සඳහා අන්තර් ජාල පහසුකම් විශ්වවිද්‍යාල තුළ, නේවාසිකාගාර තුළ, ළමුන් සිටින ප්‍රදේශ තුළ තිබිය යුතු වෙනවා. නමුත් සමහර දුර පළාත්වල එම පහසුකම් නැහැ. ඒ සම්බන්ධයෙන් තමයි ආණ්ඩුව සොයා බැලිය යුතු වන්නේ. ඒ වගේම ඊ පුස්ථකාල ඇරඹීම, ඩිජිටල් දේශන ආරම්භ කිරීම කළ යුතුව තිබෙනවා. මෙවැනි ක්‍රියාමාර්ග සඳහා ආණ්ඩුවට සැලසුමක් තිබිය යුතුයි. එසේ නොමැතිව පාසැල් පටන් ගන්නවා වගේ විශ්වවිද්‍යාල ආරම්භ කරන්න බැහැ.

සාමාන්‍ය පෙළ විභාගයෙන් පසුව ළමුන් මාස හයක් පමණ ගෙදර ඉන්නවා. උසස් පෙළ විභාගයෙන් අනතුරුවත් ප්‍රතිඵලවල විශාල ප්‍රමාදයක් තිබෙනවා. ප්‍රතිඵල ආවට පස්සේ ඉෂෙඞ් අගය ලබාදෙන්න, විශ්වවිද්‍යාලවල කඩඉම් ලකුණු ලබාදෙන්න ප්‍රමාද වෙනවා. අපිට මෙම ප්‍රමාදයන් වළක්වා ගන්න බැරිද? උදාහරණයක් හැටියට 2019 උසස් පෙළ ළමුන්ගේ කඩඉම් ලකුණු ලැබුණේ 2020 උසස් පෙළ විභාගය පැවැත්වූවාටත් පසුවයි. මෙය සිසුන්ට කරන බරපතළ අසාධාරණයක්. එම නිසා ආණ්ඩුව කාර්යක්‍ෂමව වැඩ කරනවා නම් අපේ රටේ ළමයින්ගේ අධ්‍යාපනය කඩිනම් කරන්න පුළුවන්.

වෛද්‍ය පීඨවලට ඇතුළත් වන්නේ ඉෂෙඞ් අගය ඉහළ ළමුන්. මේ ළමුන්ගෙන් 40%ක් පමණ පළමුවර විභාගයට පෙනී සිටි ළමුන්. ඉතිරි සියලුදෙනා දෙවැනි වර හෝ තුන්වැනි වර විභාගයට පෙනී සිටි ළමයින්. එහෙම ගත්තාමත් මෙම ළමුන්ට තවත් වසරක් ප්‍රමාද වෙලා තිබෙනවා. මෙම ප්‍රමාදයට ප්‍රතිපත්ති සැලසුමක් අවශ්‍යයි. වෛද්‍ය පීඨ සිසුවෙකු වෛද්‍යවරයෙකු වන විට ඔහුගේ වයස අවුරුදු 28-30ක් පමණ වෙනවා. අනෙක් රටවල්වල මෙවැනි තත්වයක් අපි දකින්නේ නැහැ. ඒ වගේම වෛද්‍ය සිසුන්ට සායනික පන්තිවලට සහභාගි විය යුතු වෙනවා. වාට්ටුවලට යා යුතු වෙනවා. ඔවුන්ට කොවඩි අවදානම වැඩියි. ඔවුන්ට ආක්‍ෂිත ඇඳුම් කට්ටල සපයා දිය යුතුව තිබෙනවා. එම පහසුකම ලබාදෙන්නේ අධ්‍යාපන අමාත්‍යාංශයද, සෞඛ්‍ය අමාත්‍යාංශයද කියලා ගැටළුවක් තිබෙනවා. නමුත් කුමන හෝ අමාත්‍යාංශයක් මගින් මෙම පහසුකම සැලසිය යුතුයි.

වෛද්‍ය සිසුන්ටත් සෞඛ්‍ය කාර්ය මණ්ඩලවලට වගේම අවදානමක් තිබෙනවා. එමනිසා වෛද්‍ය පීඨ සිසුන්ට කොවිඞ් වැළඳුනහොත් සිදුකළ යුතු ක්‍රියාමාර්ග පිළිබඳව සැලසුමක් තිබිය යුතුයි. ඔවුන්ටත් යම් ප්‍රමුඛතාවයක් ලබාදිය යුතුව තිබෙනවා. ඒ වගේම අපි විශ්වාස කරනවා සෑම වෛද්‍ය පීඨයක්ම එක හා සමානව කාර්යක්‍ෂම විය යුතුයි කියලා. එක පීඨයක හෝ ප්‍රමාදයක් සිදු වුවහොත් එය සමස්ත පීඨවලම වෛද්‍ය සිසුන්ට බලපානවා. එම නිසා මෙම සිසුන් කඩිනමින් වෛද්‍යවරුන් බවට පත්කිරීමට සියලුම පීඨයන් සැලසුම් කළ යුතුව තිබෙනවා. මොකද මෙම කොවිඞ් සමය තුළ සෞඛ්‍ය අංශ ශක්තිමත් කළ යුතුව තිබෙනවා. වෛද්‍ය සිසුන්ට යම් ප්‍රමාදයක් වුවහොත් එය සෞඛ්‍ය ක්‍ෂේත්‍රයට බලපෑමක් ඇති කරනවා. එම නිසා රට වසා තැබුවත්, විශ්වවිද්‍යාල වසා තැබුවත් වෛද්‍ය පීඨ වසා තැබිය යුතු නැති බව අපි විශ්වාස කරනවා. එම නිසා මම ඉල්ලා සිටිනවා වෛද්‍ය පීඨ හෝ පශ්චාත් උපාධි ආයතනය හෝ මෙම කාලය තුළ වසා දමන්න එපා කියලා.”

ආණ්ඩුවේ නොහැකියාව කොවිඩ්වලට බැර කිරීම අසාධාරණයි…
ජාතික ජන බලවේගයේ පාර්ලිමේන්තු මන්ත්‍රීනි, ආචාර්ය හරිනි අමරසූරිය මහත්මිය,

“අපි දන්නවා මේ වනවිට විශ්වවිද්‍යාල ප්‍රවේශය සම්බන්ධව විශාල ගැටලුවක් මතුවෙලා තිබෙනවා. මෙය වැළැක්විය හැකිව තිබූ තත්වයක් නිසා ඇතිවූයේ අවාසනාවන්ත තත්වයක් කියලා අපි හිතනවා. මෙවැනිම සිද්ධියක් 2011දී ඇතිවුණා. එය විසඳාගත්තේ අධිකරණ ක්‍රියාමාර්ගයක් මගින්. මේ අවුරුද්දෙත් එවැනිම ගැටළුවක් මතුවෙලා සිසුන් විශාල ප්‍රමාණයකට අසාධාරණයක් ඇතිවෙලා තිබෙනවා. අපිට දිනපතා දෙමාපියන්, දරුවන් මේ සම්බන්ධයෙන් ගැටලු ඉදිරිපත් කරමින් තිබෙනවා. විශ්වවිද්‍යාල ප්‍රවේශය සම්බන්ධයෙන් දෙමාපියන් සහ දරුවන්ගේ විශාල බලාපොරොත්තුවක් තිබෙනවා. අපේ රටේ අධ්‍යාපන ක්‍රමවේදය තුළින්ම මතුවෙන ගැටලු රාශියක් තිබෙනවා. ඒ නිසාම විශ්වවිද්‍යාල ප්‍රවේශය කියන එක ළමුන්ට ඉතාම වැදගත් කාරණයක් වෙලා. විශ්වවිද්‍යාල ප්‍රවේශය තීරණය වෙන ක්‍රමවේදය සම්බන්ධයෙන් විශ්වාසනීයත්වයක් පවත්වාගෙන යාම රජයේ වගකීමක් වෙනවා. විශ්වවිද්‍යාල ප්‍රතිපාදන කොමිසමේ වැදගත්ම වගකීම වන්නේ විශ්වවිද්‍යාල ප්‍රවේශය සකස් කර දීමයි.

මේ වනවිට ඇතිවෙලා තිබෙන විශ්වවිද්‍යාල ප්‍රවේශයේ ගැටලුව විසඳීම සඳහා තිබෙන එකම විසඳුම වෙලා තිබෙන්නේ ඇතුළත් වන සිසුන් ප්‍රමාණය වැඩි කිරීමයි. එහිදී අනුගමනය කළ යුතු ප්‍රායෝගික ක්‍රියාමාර්ග විශ්වවිද්‍යාල කොමිෂන් සභාව සහ අමාත්‍යාංශය එක්ව සාකච්ඡා කළ යුතුව තිබෙනවා. එසේ නොමැතිව ඇතිවෙලා තිබෙන ගැටළුව සමථයකට පත්කළ නොහැකියි. ඒ වගේම මෙවැනි අවාසනාවන්ත තත්වයක් යළිත් ඇති නොවීමට වගබලා ගන්න කියලා අපි ඉල්ලා සිටිනවා. ඒ සඳහා විශ්වවිද්‍යාල ප්‍රතිපාදන කොමිසම පැත්තෙන් විශේෂ පරීක්‍ෂණයක් සිදුකළ යුතුව තිබෙනවා.

අපේ රටේ අධ්‍යාපන ක්‍රමවේදය තුළ විශ්වවිද්‍යාලයට ඇතුළත් වීමට ශිෂ්‍යයෙකු අවුරුදු එකහමාරක් බලා සිටිය යුතු වෙනවා. එය අපිට කිසිදු ආකාරයකින් බාරගත යුතු තත්වයක් නොවෙයි. එවැනි තත්වයක් ඇතිවෙලා තිබෙනවා නම් එය අධ්‍යාපන ක්‍රමවේදයේ අසමත්භාවයයි. එමනිසා විශ්වවිද්‍යාල ප්‍රවේශය ගැන නැවත සිතා බැලිය යුතුයි. ඒ වගේම විශ්වවිද්‍යාල ප්‍රවේශ්‍ය විනිවිදභාවයෙන් තොරයි. මොකද ප්‍රවේශය සම්බන්ධයෙන් සියලු තොරතුරු තිබෙන්නේ ප්‍රතිපාදන කොමිසම සතුවයි. අඩුම තරමේ ළමුන් තේරීපත්වුණේ කොහොමද කියලා විශ්වවිද්‍යාලවත් දන්නේ නැහැ. මෙතරම් වැදගත් සිද්ධාන්තයක් පිළිබඳව ඉතාම සුළු පිරිසක් අත පමණක් තොරතුරු තිබීම අතිශයින්ම භයානකයි. එම නිසා තමයි අපි කියන්නේ මෙය ඉතාමත් විනිවිදභාවයෙන් යුතු ක්‍රියාවලියක් විය යුතුයි කියලා. එම නිසා පළමුව මේ අවුරුද්දේ පැන නැගුණු විශ්වවිද්‍යාල ප්‍රවේශය සම්බන්ධ ගැටළුවට කඩිනම් විසඳුමක් ලබාදෙන ලෙසත් දීර්ඝ කාලීනව විශ්වවිද්‍යාල ප්‍රවේශය කඩිනමින් සහ විනිවිදභාවයෙන් යුතුව සිදුකිරීමට අවශ්‍ය ක්‍රියාමාර්ග ගන්න කියලත් අපි ආණ්ඩුවෙන් ඉල්ලනවා.

මහර බන්ධනාගාරයේ සිදුවීම ඉතාම ඛේදජනක සිදුවීමක්. අද වනවිට ශ්‍රී ලංකාවේ මානව හිමිකම් කොමිසම ඉතාමත් වැදගත් වාර්තාවක් මේ සම්බන්ධයෙන් ඉදිරිපත් කොට තිබෙනවා. එම වාර්තාව කියවීමේදී අපිට හැඟෙන දේ තමයි අපේ රටේ බන්ධනාගාර තුළ ඉතාම සෝචනීය තත්වයක් තිබෙනවා කියන එක. එවැනි තත්වයන් තුළ මහර බන්ධනාගාරයේ වැනි සිදුවීම් ගැන පුදුම විය යුතු නැහැ. තිබෙන ගැටලුවලට අවුරුදු ගානක් තිස්සේ විසඳුම් යෝජනාවී නැහැ. එම නිසා මෙම ගැටලු උග්‍ර තත්වයට ඇවිල්ලා කෝවිඞ් වසංගතය නිසා පුපුරා ගොස් තිබෙනවා. අපි ඉල්ලා සිටිනවා දැන්වත් මානව හිමිකම් කොමිසම ඉදිරිපත්කොට තිබෙන යෝජනා ක්‍රියාත්මක කරන්න කියල. මහර සිදුවීමෙන් 11 දෙනෙකු මියගොස් 107 දෙනෙකුට ආසන්න ප්‍රමාණයක් තුවාළ ලබා තිබෙනවා. තුවාළ වූ පිරිසෙන් විශාල ප්‍රමාණයකට කොවිඞ් වැළඳී තිබෙනවා. නමුත් මියගිය අය පිළබඳව, තුවාල ලැබූ අය පිළිබඳව හෝ කොවිඞ් අසාධිත අය පිළිබඳව අදාළ ඥාතීන් තොරතුරු දන්නේ නැහැ. මෙය විශාල අසාධාරණයක්. මොකද, අදාළ පවුල්වලට අයිතියක් තිබෙනවා එම තොරතුරු දැනගැනීමට. ඒ වගේම එම පවුල්වල ඥාතීන්ට ඔවුන් බැලීම සඳහා, ඔවුන්ගේ තොරතුරු ලබාගැනීම සඳහාත් අවස්ථාවක් ලබාදෙන ලෙසත් අපි ඉල්ලනවා.

මහර ඇතිවූ සිදුවීම අනෙක් බන්ධනාගාර තුළත් ඇතිවීම වළක්වාගත යුතුව තිබෙනවා. එම බන්ධනාගාර තුළ කොවිඞ් පාලනය කිරීමට අවශ්‍ය විධිවිධාන නැති බව වාර්තා වෙනවා. එනිසා අනෙක් බන්ධනාගාර තුළත් මෙවැනි සිදුවීම් ඇතිවීමට අවදානමක් තිබෙනවා. බන්ධනාගාරවල නිලධාරීන්ට මෙහි වගකීම පැවරීම සාධාරණ නැහැ. මොකද එම නිළධාරීන්ටත් ගතහැකි ක්‍රියාමාර්ගවල සීමාවක් තිබෙනවා. එනිසා ආණ්ඩුව පැත්තෙන් විශේෂ මැදිහත්වීමක් බන්ධනාගාර සම්බන්ධයෙන් සිදුකළ යුතුව තිබෙනවා.

මේ සියලු කාරණාවලින් කියවෙන්නේ අපේ රට තුළ කොවිඞ් තත්වය පාලනය කළ යුතු බවයි. කොවිඞ් සමග ජීවත් වෙනවා කියන්නේ ලෙඬේට පැතිරෙන්න ඉඩ දෙනවා කියන එක නෙවෙයි. මෙම වසංගතය පාලනය කළ යුතුයි. අපේ ඉලක්කය විය යුත්තේ කොවිඞ් සමග ජීවත්වීම නොව එය පාලනය කිරීමයි. නමුත් අපිට දකින්නට තිබෙන්නේ රජය මෙය අතහැර දමා ඇති බවක්. තමන්ගේ ආරක්‍ෂාව තමන් සළසා ගන්න කියලා ජනතාවට බාරදී ඇති තත්වයක් තිබෙනවා. රජයේ නොහැකියාව කොවිඞ්වලට වසංකරමින් වගකීම ජනතාව මත පැටවීමේ ප්‍රවේශයක් දකින්නට තිබෙනවා. බන්ධනාගාර තුළ, විශ්වවිද්‍යාල තුළ, පාසැල් තුළ සිදුවන සිදුවීම්ද බඩු මිල ඉහළ යෑම් වැනි සියලු දේ කොවිඞ්වලට ලඝු කිරීම සහ කොවිඞ් සමග ජීවත් වීමට බලකෙරී ඇති තත්වයකට තල්ලු වීම සිදුවෙමින් තිබෙනවා. එය පිළිගත හැකි තත්වයක් නොවෙයි. ආණ්ඩුව තිබෙන්නේ මෙම තත්වයන් පාලනය කිරීමටයි. ආණ්ඩුවේ නොහැකියාව කොවිඞ්වලට බැර කරන්න අපි ඉඩ දෙන්නේ නැහැ.”

පසුගිය අගෝස්තු 05 දින පැවැති මහ මැතිවරණයෙන් ජාතික ජන බලවේගයට ජාතික ලැයිස්තු මන්ත්‍රී ධුරයක් හිමි වු අතර ඒ සඳහා ආචාර්ය හරිනි අමරසූරිය මහත්මිය නම් කිරීමට ජාතික ජන බලවේගය තීරණය කර තිබේ.

ජාතික ජන බලවේගයේ පාර්ශ්ව සංවිධානයක් වන ජාතික විද්වත් සංවිධානයේ (NIO) අධ්‍යාපන ප්‍රතිපත්ති සම්පාදක කමිටුවේ සාමාජිකාවක් වන අමරසුරිය මහත්මිය පසුගිය වකවානුවේ අධ්‍යාපන අයිතිවාසිකම් වෙනුවෙන් අරගල කල කැපී පෙනන චරිතයකි.

විශ්වවිද්‍යාල ආචාර්යවරුන්ගේ සමිති සම්මේලනයේ හිටපු ලේකම් ලෙස අධ්‍යාපනයට 6%ක් ලබාගැනීමේ අරගලය මෙන්ම සයිටම් අරගලය තුලද ඉදිරිපෙළ කාර්්‍යභාරයක් ඉටුකරමින් කටයුතු කල ශ්‍රී ලංකා විවෘත විශ්වවිද්‍යාලයේ සමාජ විද්‍යා අධ්‍යයන අංශයේ ජ්‍යෙෂ්ඨ කථිකාචාර්ය, ආචාර්ය හරිනි අමරසූරිය මහත්මිය පාර්ලිමේන්තුවට තේරීපත්වීම සුවිශේෂී සිදුවීමක් ලෙස දේශපාලන විචාරකයින් පෙන්වා දෙයි.

“රටට ආදායම් උපයන හොඳම මාර්ග ටික විකුණලා. රටේ සෞඛ්‍ය, අධ්‍යාපනය වැනි සුභසාධන වැඩවලට ආදායම් උපයලා දුන්නේ ඒවායින්. අද රජයේ රෝහල්වල ඖෂධ නැහැ. හෘද රෝගීන්ගේ සැත්කම්වලට අවශ්‍ය උපකරණ නැහැ. ආණ්ඩුවට සම්බන්ධ චෞර ජාවාරම්කාරයෝ අද ප්‍රසිද්ධියේ කියනවා, ජාතික ජන බලවේගය පරාජය කරන්න කෝටි ගණන් වුණත් අපි වියදම් කරන්න ලැහැස්තියි කියලා. නිශ්ශංක සේනාධිපති කියනවා, ඒ වෙනුවෙන් ලක්‍ෂ 500ක් වියදම් කරනවා කියලා. සමහර මාධ්‍යයත් ඔවුන්ගෙන් මුදල් අරන් ඒවා ප්‍රචාරය කරනවා. දැන් ජාතික ජන බලවේගය පරාජය කරන්න ඕනෑ වෙලා තියෙන්නේ කාටද කියලා පැහැදිලියි. අද රාජපක්‍ෂලා වගේම රනිල්ලා, සජිත්ලා ඉන්නේ චෞර රැලක් වටකරගෙන. මේ චෞර රැලගෙන් රට බේරාගෙන පිරිසිදු කළ යුතුයි. මේ මැතිවරණය ඒ සඳහා ප්‍රවේශයක් කරගත යුතුයි. විශේෂයෙන් මේ රටේ තරුණ පරම්පරාවගෙන් අපි ඉල්ලීමක් කළ යුතුයි. එනම් මේ කුණු වී දුගඳ හමන පාර්ලිමේන්තුව ලස්සන කරන්න නම් ජාතික ජන බලවේගයේ වැඩිම පිරිසක් පාර්ලිමේන්තුවට තෝරා යවන්න කියලා.” යැයි ජාතික ජන බලවේගයේ කළුතර දිස්ත්‍රික් කණ්ඩායම් නායක, වෛද්‍ය නලින්ද ජයතිස්ස මහතා සඳහන් කරයි.

ඒ මහතා මේ බව පැවසූවේ බත්තරමුල්ල පැලවත්ත හි පිහිටි ජනතා විමුක්ති පෙරමුණේ ප්‍රධාන කාර්යාලයේ අද (31) පෙරවරුවේ පැවති ජාතික ජන බලවේගයේ මාධ්‍ය හමුව අමතමිණි.

එහිදී ජාතික ජන බලවේගයේ කොළඹ දිස්ත්‍රික් අපේක්‍ෂක, නීතිඥ හර්ෂණ නානායක්කාර මහතා, ජාතික ජන බලවේගයේ ගම්පහ දිස්ත්‍රික් අපේක්‍ෂිකා, වෛද්‍ය ලංකා රසාදරී සිරිවර්ධන මහත්මියද මාධ්‍ය ඇමතූ අතර එහිදී ඔවුන් දැක්වූ සම්පූර්ණ අදහස් පහතින් පල වේ…

ජාතික ජන බලවේගයේ කළුතර දිස්ත්‍රික් කණ්ඩායම් නායක, වෛද්‍ය නලින්ද ජයතිස්ස මහතා…

“මේ මැතිවරණය කියන්නේ ජනතා පරමාධිපත්‍යය බුද්ධිගෝචරව පාවිච්චි කළ යුතු මැතිවරණයක්. ගෝඨාභය රාජපක්‍ෂ ජනාධිපතිවරණයට එන විට වියත් මගේ කට්ටිය කිව්වේ ඔහු දක්‍ෂ රාජ්‍ය නිලධාරියෙක්, දක්‍ෂ ආරක්‍ෂක ලේකම් කෙනෙක්. ඒ නිසා ඔහු මෙතෙක් සිටි දේශපාලකයන්ට වඩා ඉදිරියට ගොස් රටට යහපතක් කරයි කියලා. එවැනි සහතිකයක් තමයි ගෝඨාභය ගැන දුන්නේ. නමුත් අද මොකද වෙලා තියෙන්නේ. ඒ කියපු වියත් මගේ කට්ටිය හළලා අර පරණ හොරු ටිකම පොදුජන පෙරමුණේ ලැයිස්තුවලට දාලා.

රටේ බෞද්ධ, හින්දු, ඉස්ලාම්, කිතුනු මේ සියලු ආගමික නායකයන්ගේ ප්‍රධාන ඉල්ලීම වුණේ කුමක්ද? හොරුන්ට, දූෂිතයන්ට නාම යෝජනා දෙන්න එපා කියලා. නමුත් වෙලා තියෙන්නේ ඒකේ අනෙක් පැත්ත. එනිසා හරි පැහැදිලියි මේ ආණ්ඩුවත් ගමන් කරන්නේ කුමන දිශාවටද කියල. ඡන්දෙන් පස්සේ ඒක වඩා වඩාත් විවෘතව රටට ප්‍රදර්ශනය වේවි. ජාතික ජන බලවේගය හැටියට අපි ජනතාවගේ විශ්වාසය දිනාගත හැකි පිරිසක් තෝරගෙන තියෙනවා. අපි ජනතාවට කියන්නේ මේ දෙගොල්ලන්ගෙම කෙරුවාවල් අත්හදා බැලුවා දැන් හොඳටම ඇති. මෙවර ජාතික ජන බලවේගයේ අපේක්‍ෂකයන් අත්හදා බැලීමේ අවස්ථාව ඔබට ලැබී තිබෙනවා. අපි පැහැදිලි සහතිකයක් මේ රටට දෙනවා, රටේ ජනතාව අපි කෙරෙහි තබන විශ්වාසය අබමල් රේණුවකින්වත් වෙනස් වීමට ඉඩ තබන්නේ නැහැ කියලා.

ගෝඨාභය ජනාධිපති බලයට එනකොට පරිසරය රකිනවා කියලා ප්‍රධාන පොරොන්දුවක් රටට දුන්න. ඇවිල්ල ටික කලකින්ම ඔහුගේ පරිසර ප්‍රේමය රටට හොඳින්ම පෙනුනා. අද පරිසරය වනසන, පුරාවස්තු වනසන අයව ප්‍රසිද්ධියේ ආරක්‍ෂා කරන තැනට රටේ ප්‍රබල ඇමතිවරු, ජනාධිපති හා අගමැති පත්වෙලා තියෙනවා. රටේ අගමැතිත් ජොන්ස්ටනුත් අතර දැන් කිසිම වෙනසක් නැහැ. අපේ රට දැන් ලෝක බලවතුන්ගේ කෙළි බිමක් බවට පත්කරලා. ඔවුන්ට ඕනෑ විදිහට මේ ආණ්ඩුව සහ පැවති ආණ්ඩු අවස්ථා විවෘත කරලා දුන්නා සහ දෙමින් ඉන්නවා. 2010දී මහින්ද රාජපක්‍ෂගේ ආණ්ඩුව කොහොම හරි දහං ගැට ගහලා 2/3 බලයක් හදා ගත්තා. එහිදී නීතිපති දෙපාර්තමේන්තුව කිව්වා ඉන්දියානු සමාගමකට දී තිබෙන ත්‍රිකුණාමලය තෙල් ටැංකි ඒ බලය පාවිච්චි කරලා දැන් ආපසු ගන්න පුළුවන් කියලා. නමුත් මහින්දලා නොඇසූ කණ්ව හිටියා.

දැන් කොළඹ වරායේ නැගෙනහිර ජැටියත් ඉන්දියාවට දෙන්න කටයුතු කර හමාරයි. කාර්යක්‍ෂමතාවය අතින් කොළඹ වරාය ලෝකයේ 27වැනි වරායයි. ලාභ ලැබූ පර්යන්ත චීනයටත් ඉන්දියාවටත් විකුණුවා. වරාය අධිකාරිය කියන විදිහට වාර්ෂිකව කෝටි 50,000ක ආදායමක් කොළඹ වරායට ඉපැයීමේ හැකියාව තිබෙනවා. අපේ රටේ ආර්ථිකයේ ප්‍රධානම බල කඳවුරක් තමයි කොළඹ වරාය. අද එයට ඉතිරි වෙලා තියෙන්නේ නැගෙනහිර ජැටිය පමණයි. එයත් ඉන්දියාවට දුන් පසු මුළු වරායම රටට අහිමි වුණා වගේ තමයි. එවිට රටේ සුභසාධන වැඩවලට ආදායම් උපයලා දෙන වරාය සේවකයන්ට අත්වන ඉරණම කුමක්ද? වරාය සේවකයෝ දැන් මේවට එරෙහිව දැවැන්ත උපවාසයක් පටන් අරගෙන. රාජපක්‍ෂ ආණ්ඩුව දැන් මුනිවත රකිනවා. රාජපක්‍ෂලගෙයි, ඒ ගොල්ලන්ගේ පරිවාර සේනාවලයි දේශප්‍රේමයේ තරම මේකෙන්ම ඔප්පු වෙනවා. අපි අභියෝග කරනවා මේ රටේ ජනාධිපතිටයි, අගමැතිටයි පුළුවන් නම් මේ ඡන්දෙට කලින් නැනෙහිර ජැටිය පිළිබඳ තමන්ගේ ස්ථාවරය රටට සෘජුව කියන්න කියලා.

එම්.සී.සී. ගිවිසුම ගැන ඉදිරිපත් කළ ගුණරුවන් වාර්තාව දැන් යට ගහලා. ඇමරිකානු තානාපති කියනවා, ඡන්දෙන් පස්සේ එම්.සී.සී. ගිවිසුම අත්සන් කරනවා කියලා. අපි ජනාධිපති ප්‍රමුඛ මේ ආණ්ඩුවට ප්‍රශ්න කිහිපයක් ඉදිරිපත් කරනවා එම්.සී.සී ගිවිසුම ගැන ඔබලාගේ ස්ථාවරය කුමක්ද? ඇක්සා, සොෆා ගිවිසුම් ගැන ඔබලාගේ ස්ථාවරය කුමක්ද? ත්‍රිකුණාමලය තෙල් ටැංකි ඉන්දියාවට ලබාදීම ගැන ඔබලාගේ ස්ථාවරය කුමක්ද? වරාය නැගෙනහිර ජැටිය ගැන ඔබලාගේ ස්ථාවරය කුමක්ද? මත්තල ගුවන්තොටුපොළ ගැන අපේ අයිතිය යටතේ දිගටම තබා ගන්නවාද? අපි කියනවා පුළුවන් නම් අගෝස්තු 05වැනිදාට කලින් මේවාට උත්තර දෙන්න කියලා.

අද පොදුජන එක්සත් පෙරමුණේ හොඳම සහායකයා බවට එජාපය පත් වෙලා. නැගෙනහිර ජැටියේ කොටස් 49%ක්ම වික්කේ රනිල්ගේ ආණ්ඩුව. ඉතිරි ටිකත් විකිණීම සඳහා අවශ්‍ය කරන කැබිනට් පත්‍රිකාව ජොන්ස්ටන් විසින් දැනටමත් සූදානම් කරගෙන අතේ තියාගෙන ඉන්නවා. දිනපු ගමන් කරන දේවල්වලින් ප්‍රධාන එකක් වන්නේ නැගෙනහිර ජැටිය විකුණා දමන එකයි. අද එජාප අපේක්‍ෂකයොත් සජිත්ගේ සමගි ජන බලවේගයේ අපේක්‍ෂකයොත් රට වටේ කියාගෙන යනවා ඒ අයට ඡන්දෙ දෙන්න බැරිනම් පොදුජන පෙරමුණට දෙන්න කියලා. කවුද ඇත්ත ඩීල්කාරයෝ කියලා දැන් හොඳටම පැහැදිලියි.

රටට ආදායම් උපයන හොඳම මාර්ග ටික විකුණලා. රටේ සෞඛ්‍ය, අධ්‍යාපනය වැනි සුභසාධන වැඩවලට ආදායම් උපයලා දුන්නේ ඒවායින්. අද රජයේ රෝහල්වල ඖෂධ නැහැ. හෘද රෝගීන්ගේ සැත්කම්වලට අවශ්‍ය උපකරණ නැහැ. ආණ්ඩුවට සම්බන්ධ චෞර ජාවාරම්කාරයෝ අද ප්‍රසිද්ධියේ කියනවා, ජාතික ජන බලවේගය පරාජය කරන්න කෝටි ගණන් වුණත් අපි වියදම් කරන්න ලැහැස්තියි කියලා. නිශ්ශංක සේනාධිපති කියනවා, ඒ වෙනුවෙන් ලක්‍ෂ 500ක් වියදම් කරනවා කියලා. සමහර මාධ්‍යයත් ඔවුන්ගෙන් මුදල් අරන් ඒවා ප්‍රචාරය කරනවා. දැන් ජාතික ජන බලවේගය පරාජය කරන්න ඕනෑ වෙලා තියෙන්නේ කාටද කියලා පැහැදිලියි. අද රාජපක්‍ෂලා වගේම රනිල්ලා, සජිත්ලා ඉන්නේ චෞර රැලක් වටකරගෙන. මේ චෞර රැලගෙන් රට බේරාගෙන පිරිසිදු කළ යුතුයි. මේ මැතිවරණය ඒ සඳහා ප්‍රවේශයක් කරගත යුතුයි. විශේෂයෙන් මේ රටේ තරුණ පරම්පරාවගෙන් අපි ඉල්ලීමක් කළ යුතුයි. එනම් මේ කුණු වී දුගඳ හමන පාර්ලිමේන්තුව ලස්සන කරන්න නම් ජාතික ජන බලවේගයේ වැඩිම පිරිසක් පාර්ලිමේන්තුවට තෝරා යවන්න කියලා.”

සම්පූර්ණ ලැයිස්තුවම පිරිසිදු මිනිසුන්ගෙන් යුත් ව්‍යපාරය ජාතික ජන බලවේගයයි…
ජාතික ජන බලවේගයේ කොළඹ දිස්ත්‍රික් අපේක්‍ෂක, නීතිඥ හර්ෂණ නානායක්කාර මහතා…

“1815ට පෙර ලංකාවේ සිදු කරන ලද සියලු ඉදිකිරීම් පුරාවස්තු පනත යටතේ ආරක්‍ෂා කර තිබෙනවා. කුරුණෑගල රාජසභා මණ්ඩපය එසේ සංරක්‍ෂණය කළ යුතු බව පුරාවිද්‍යා දෙපාර්තමේන්තුව විසින්ද අදාල අංශවලට දන්වා තිබුණා. නමුත් කුරුණෑගල නගරාධිපති එය කඩාබිඳ දැම්මා. ඊටත් වඩා හිරිකිත හිතෙන දේ නම් රටේ ජනාධිපති, අග්‍රාමාත්‍ය සහ ජොන්ස්ටන් ඇමතිවරයා ඔහුව ආරක්‍ෂා කිරීමයි. අද පොලීසිය අධිකරණය ගැන තිබෙන ජනතා විශ්වාසය මේ ආණ්ඩුව බිඳ දමමින් තිබෙනවා. මේක ඉතාම භයානක තත්වයක්. අපි ගෝඨාභය මහත්තයට ඡන්දය දුන් හැටනම ලක්‍ෂයක ජනතාවගෙන් අහනවා, මේ ගමන ඔබලා අනුමත කරනවාද කියා. මේ පුරාවස්තු විනාශයට එරෙහිව ඊට අදාළ චූදිතයන් අත්අඩංගුවට ගැනීම සඳහා රිට් ආඥාවක් නිකුත් කරන ලෙස ජාතික ජන බලවේගයෙන් තරග වදින අපේ නාමල් කරුණාත්න සහෝදරයාත් සුනිල් වටගල සහෝදරයාත් අධිකරණයෙන් ලිඛිත ඉල්ලීමක් කර තිබෙනවා. දැන් රටේ ජනතාවට සිද්ධ වෙලා තියෙනවා කුරුණෑගල නගරාධිපතිටයි පොලීසියේ ඕ.අයි.සී.ටයි නීතිය ක්‍රියාත්මක කරන්න අධිකරණයෙන් ඉල්ලා සිටින්න. මේ තත්වය ගැන ජනාධිපති ඇතුළු මේ ආණ්ඩුව ලැජ්ජාවට පත්විය යුතුයි.

මේ ගොල්ලො 2/3ක බලයක් ඉල්ලන්නේ 19 වැනි ව්‍යවස්ථා සංශෝධනයත් අහෝසි කරලා ඒකාධිපති ගමනක් යන්නයි. එය අහෝසි කළොත් අග්‍රවිනිශ්චයකාරවරයා නඩුකාරවරු, පොලිස්පති වැනි අය පත්කිරීමේ බලය කෙලින්ම ජනාධිපති අතට යනවා. එතකොට ජනාධිතිට අවශ්‍ය පොලිසියක් නීතියක්, අධිකරණයක් නිර්මාණය වේවි.

19වැනි සංශෝධනයට එදා රාජපක්‍ෂලාත් අත ඉස්සුවා. ඔවුන්ට බලය නැතිවෙනකොට 19 හොඳයි. බලය ලැබෙනකොට 19 නරකයි. මේ ඡන්දෙන් පස්සේ රනිල් සහ සජිත් පිලේ සෑහෙන කොටසක් ස්ථිර වශයෙන්ම ආණ්ඩුවට එකතු වෙනවා අපිට දැනටත් ඒ ගැන සාක්‍ෂි ලැබිලා තියෙනවා. අපි එජාප පාක්‍ෂිකයන්ගෙන් ඉල්ලා සිටින්නේ මේ සූදුවට ඔබලා විරුද්ධ නම් ජාතික ජන බලවේගය දෙසට හැරෙන්න කියලා.

හොරුන්, වංචනිකයන්, දූෂිතයන් පාර්ලිමේන්තුවට යවන්න එපා කියලා සමාජයේ පොදු කතාවක් යනවා. නමුත් ඒක හොඳ දෙයක්. එසේ වුවත් යම් පක්‍ෂයක හොඳ කෙනෙක් මැද්දේ තියාගෙන හොරු රංචුවක් වටේට දාලා පාර්ලිමේන්තුවට යැව්වොත් ජනතාවගේ ප්‍රශ්න විසඳේද? අපි ඉල්ලා සිටින්නේ සම්පූර්ණ ලැයිස්තුවම අවංක සහ පිරිසිදු මිනිස්සුන්ගෙන් සමන්විත වූ ව්‍යාපාරයට බලය දෙන ලෙසයි. ජාතික ජන බලවේගය යනු ඒ සඳහා තිබෙන එකම බලවේගයයි.”

පවුල් රජන කරවන පාලනයක් වෙනුවට සැබෑ ජනතාවාදී පාලනයක් මේ රටට අවශ්‍යයයි…
ජාතික ජන බලවේගයේ ගම්පහ දිස්ත්‍රික් අපේක්‍ෂිකා, වෛද්‍ය ලංකා රසාදරී සිරිවර්ධන මහත්මිය..

“අපි ජාතික ජන බලවේගයට එකතු වෙන්නේ ජාතික විද්වත් සංවිධානය මගිනුයි. අපේ රටේ විශාල බුද්ධි ගලනයක් තිබෙනවා. මව්පියන් කෙසේ හෝ උත්සාහ දරන්නේ දරුවන්ට උගන්වා හැකි ඉක්මනින් මේ රටින් පිටමං කරන්නයි. ඒ තරම් මේ රට අවාසනාවන්ත තත්වයකට වැටිලා. අපි මේ ඉදිරියේ කරබාගෙන සිටිය යුතුද? ජාතික ජන බලවේගයේ අපි ඔබට කියා සිටින්නේ අපි ඔක්කොම එකතු වෙලා මේ රට මේ විනාශයෙන් බේරාගමු කියලා. ජාතික විද්වත් සංවිධානය හැටියට හා ජාතික ජන බලවේගය හැටියට අපි ඒ සඳහා දැනටමත් මැදිහත් වී තිබෙනවා.

අද රටේ ජනගහනයෙන් 52%ක්ම ඉන්නෙ කාන්තාවන්. නමුත් පාර්ලිමේන්තුවේ කාන්තා නියෝජනය 10%ටත් අඩුයි. අද දේශපාලන ක්‍ෂේත්‍රයේදී කාන්තාවට දොරටු වහලා. නමුත් ජාතික ජන බලවේගය හරහා මෙවර මැතිවරණයේදී කාන්තාවන් විශාල පිරිසක් තරග වදිනවා. වෙනත් රටවල දේශපාලනයේදී වඩාත්ම සක්‍රීය වන්නේ කාන්තාව බව පර්යේෂණවලින් පෙන්වා දී තිබෙනවා. ඒ වගේම දූෂණ, වංචා, අපරාධ කාන්තාවන් අතින් සිදුවන ප්‍රමාණය අවමයි කියලත් සොයාගෙන තිබෙනවා.

අපි කියන්නේ කාන්තා ප්‍රශ්න විතරක් වෙන්කොට වෙනම අරගෙන විසඳන්න කියල නෙවෙයි. මේක සමස්ත සමාජයේම ප්‍රශ්නයක්. සමස්ත සමාජයේම කඩා වැටී තිබෙන යථාර්ථයක් තුළ කාන්තාව පමණක් ඉන් ගලවාගත නොහැකියි. කළ යුත්තේ සමස්ත සමාජයම වෙනස් කිරීමයි. එතැනදී කාන්තාවන්ගේ දායකත්වය අති විශාලයි. මේ රටේ කාන්තාවෝ එය තේරුම් ගතහොත් තවදුරටත් මේ රට මේ විනාශකාරී ගමන කරා යන්නට ඉඩ තබන්නේ නැහැ. පවුල් රකින, පවුල් රජ කරවන පාලනයක් වෙනුවට අද සැබෑ ජනතාවාදී පාලනයක් මේ රටට අවශ්‍යයි. ජාතික ජන බලවේගය යනු ඒ සඳහා තිබෙන පහන් ටැඹයි.”

මාධ්‍යවේදීන් නැගූ ප්‍රශ්නවලට පිළිතුරු දෙමින්…

“ආණ්ඩුවේ සමීක්‍ෂණවලින් සහ බුද්ධි අංශ වාර්තාවලින් හෙළිවී තිබෙනවා මේ ආණ්ඩුවට කිසිසේත්ම 2/3ක බලයක් නොලැබෙන බව. ඒ විතරක් නෙවෙයි ජනාධිපතිවරණයේදී ගත් ඡන්ද ප්‍රමාණය නොගන්නා බව. ඒ නිසා තමයි ආණ්ඩුව කලබල වෙලා ජාතික ජන බලවේගයට වැඩියෙන්ම පහර දීමට පටන්ගෙන තියෙන්නේ. ඔවුන්ට අනුව අපිට ලැබෙන්නේ 3%ටක් වඩා අඩු ඡන්ද ප්‍රමාණයක් නම් හොර ව්‍යාපාරිකයෝ යොදාගෙන මිලියන ගණන් මුදල් වියදම් කරලා අපිට ඔච්චර පහර දෙන්නේ ඇයි? ඒකෙන් අදහස් වෙන්නේ ජාතික ජන බලවේගයට ලැබෙන ප්‍රතිචාර වැඩි වන්නට වන්නට ඊට එරෙහි ආණ්ඩුවේ ප්‍රහාරය වැඩිවෙන බවයි.”

The Jathika Jana Balawegaya, under the leadership of Anura Kumara Dissanayake, has presented to the public a programme that would uplift the country through economic growth, former MP Nihal Galappatti said.

“We have not given sweet promises to the people. Our aim is to establish a Parliament that understands people’s hearts—one that bears its responsibilities to the nation,” he said.

Former MP Galappatti expressed these views at a recent party meeting held in Ranasiripura, which was organised by Lunugamwehera Pradeshiya Sabha member Sarath Chandrasekara Yapa. He added that so far, no government has ever kept the promises they have given to the people; and that if they have done so, this country would not be in its current situation.

“Ours is a strong economic programme that will strengthen the country and its people. The previous regimes only focused on building their own economies, and not the country’s. That system should not be allowed to continue any further,” Galappatti said.

Now is the time for the people to give the majority of House seats to the Janatha Vimukthi Peramuna (JVP), who understand their grievances.

None of the other parties have have long-term solutions to improve the country’s economy. All they do is burden the people by discontinuing their aid programmes and increasing the prices of the day-to-day products and essential items, the former MP said, adding that such politicians have and will sell public property to fulfil their own agendas.

People should vote wisely in order to prevent such acts from happening in the future, he said.

– Daily News