Logo of NPP
Contact
Contact Us 0112785612
Message
Message Us [email protected]
“මාලිමාව බලයට එන්නේ දීර්ඝ කාලයක් රැවටීමට ලක්වූ ජනතාවගේ ප්‍රශ්න විසඳන්නයි” -ජාතික ජන බලවේගයේ නායක අනුර කුමාර දිසානායක- “රට හදන්න ඕනෑ නම් තෝරාගැනීමට තිබෙන්නේ ජාතික ජන බලවේගය පමණයි” -ජාතික ජන බලවේගයේ නායක අනුර කුමාර දිසානායක- “මේ වෙලාවේ වැඩවර්ජන කියන්නේ ජනතාව ද්‍රෝහී පාලකයන් වෙත තල්ලුකර හැරීමක්” -ජාතික ජන බලවේගයේ ජාතික විධායක සභික කේ.ඩී. ලාල්කාන්ත- “මේ පනත යන වේගයයි ඡන්දය පැවැත්වෙන වේගයයි බැලුවාම පනත පාර්ලිමේන්තුවට එන කොට රනිල් ගෙදර” -ජාතික ජන බලවේගයේ නායක, පාර්ලිමේන්තු මන්ත්‍රී අනුර කුමාර දිසානායක- එක්සත් ජාතීන්ගේ ළමා අරමුදල සහ ජාතික ජන බලවේගය අතර හමුවක්
X

NPP News

“රට හදන්න ඕනෑ නම් තෝරාගැනීමට තිබෙන්නේ ජාතික ජන බලවේගය පමණයි” -ජාතික ජන බලවේගයේ නායක අනුර කුමාර දිසානායක-

(-ජාතික ජන බලවේගයේ සමන්තුරේ ජන රැලිය – 2024.07.12-) අපි බොහෝ කාලයක් ආණ්ඩු හැදුවා, නායකයෝ ගෙනාවා. නමුත් අද රටට වෙලා තිබෙන දේ ගැන ඔබ සතුටු විය නොහැකියි. අද ලෝකෙන් ගත් ණය ගෙවා ගැනීමට නොහැකි වී තිබෙනවා. අපේ තරුණ තරුණියන්ට රැකියා අහිමි වෙලා, රස්සාවක් සොයා ගන්න වෙනත් රටකට යන්න සිදුවෙලා තිබෙනවා. ව්‍යාපාර කඩා වැටිලා. ඉස්පිරිතාලවල බෙහෙත් නැහැ. […]

(-ජාතික ජන බලවේගයේ සමන්තුරේ ජන රැලිය – 2024.07.12-)

Samanthurai-Public-Rally

අපි බොහෝ කාලයක් ආණ්ඩු හැදුවා, නායකයෝ ගෙනාවා. නමුත් අද රටට වෙලා තිබෙන දේ ගැන ඔබ සතුටු විය නොහැකියි. අද ලෝකෙන් ගත් ණය ගෙවා ගැනීමට නොහැකි වී තිබෙනවා. අපේ තරුණ තරුණියන්ට රැකියා අහිමි වෙලා, රස්සාවක් සොයා ගන්න වෙනත් රටකට යන්න සිදුවෙලා තිබෙනවා. ව්‍යාපාර කඩා වැටිලා. ඉස්පිරිතාලවල බෙහෙත් නැහැ. වෛද්‍යවරු, ඉංජිනේරුවන් රට හැර යනවා. අධ්‍යාපනය කඩා වැටිලා. බොහෝ දෙනෙකුට හරිහමන් ආහාර වේලක් ගන්න විදිහක් නැහැ. මේක සිංහල, දෙමළ, මුස්ලිම් ජනතාව සහෝදරත්වයෙන් ජීවත් වුණු රටක්. ජාතිවාදය ඇති කරලා, ගැටුම් ඇති කරලා, විනාශයක් කළා. ඇයි මෙහෙම වුණේ. මේ කිසිවක් ස්වභාවික ව්‍යසනයක් නිසා සිදුවූවක් නොවෙයි. මේ රටේ ජනතාව හදපු ආණ්ඩු රට මේ තත්වයට ඇද දැමුවා. ඔබගේ දරුවන්ට රස්සා නැති වුණාට ඇමතිවරුන්ගේ දරුවන්ට මන්ත්‍රී ධුර, අමාත්‍ය ධුර තිබෙනවා. ඔබලාගේ ව්‍යාපාර කඩා වැටුණාට ඇමතිවරුන්ගේ ව්‍යාපාර හොඳට නැගලා යනවා. ගම්වල ඉන්න ජනතාවට කන්න බොන්න නැති වුණාට ආණ්ඩුවේ අයට එහෙම වෙලා නැහැ. එයාලට අධ්‍යාපන ප්‍රශ්න නැහැ. ගමේ ඉස්පිරිතාලේ බෙහෙත් නැති වුණාට ඇමතිවරුන්ට සිංගප්පූරු ගිහින් බෙහෙත් ගන්න පුළුවන්. අපේ හිටපු සෞඛ්‍ය ඇමති රාජිත සේනාරත්න හාර්ට් ඇටෑක් එකක් හැදුණාම බෙහෙත් ගන්න ගියේ සිංගප්පූරුවට. රටේ පාලකයෝ කළේ මෙහෙම තමයි. මේක ස්වභාවික ව්‍යසනයක් නම් රටේ හැමෝටම මේ ඉරණම අත්වෙන්න ඕනෑ. නමුත් මේ විනාශය සිදුවෙලා තිබෙන්නේ පොදු ජනතාවටයි. පාලකයාට කිසිම අමාරුවක් නැහැ. මේ රටේ ජනතාව විටින් විට ඡන්දෙ දීලා ගෙනාපු නායකයෝ, හදපු ආණ්ඩු. ඒගොල්ලෝ හැදුණා. ජනතාව වැටුණා.

මේ පැරණි, අසාර්ථක ගමන දැන් වෙනස් කරන්න ඕනෑ. මේ රට හදන්න ඕනෑ. අපි ඔබ හමුවෙන්න ආවේ පැරණි පක්ෂ, දේශපාලනය, දැන් අත්හරින්න. රට විනාශ කරන නායකයන් අත්හරින්න. අපි අලුත් ආණ්ඩුවක් හදමු. ලෝකෙම එහෙමයි. පරණ ආණ්ඩු වැටෙනවා. අලුත් ආණ්ඩු හැදෙනවා. ඒ නිසා ලංකාවේ අවුරුදු 76ක් රට විනාශ කරපු, දේශපාලන පක්ෂවලින්, නායකයන්ගෙන් ගැලවිලා අපි අලුත් ආණ්ඩුවක් හදමු. ආණ්ඩු වෙනස් කරන්න අපට වුවමනාව තිබ්බාට මදි. ඔබටත් ඒ වුවමනාව තියෙන්න ඕනෑ. ඔබත් වෙනස් වෙන්න ඕනෑ. අපි වෙනස් කරන්න පටන් ගනිමු. මේ රට හදන්න ඕනෑ නම් තෝරාගන්න තිබෙන එකම ව්‍යාපාරය තමයි ජාතික ජන බලවේගය. අපි මේ රට හදනවා. දියුණු වී තිබෙන සෑම රටක්ම අධ්‍යයනය කර බලන්න. රටක් දියුණු වෙන්න සාධක කිහිපයක් සම්පූර්ණ වෙන්න ඕනෑ. නායකයෙක් ගෙනාවාට, ආණ්ඩුවක් මාරු කළාට විතරක් හැදෙන්නේ නැහැ. රට හදන්න වැඩපිළිවෙළක් ඕනෑ. ජාතික ජන බලවේගයට මේ රට ගොඩනැගීම සඳහා වැඩපිළිවෙළක් තිබෙනවා. දියුණු වුණු සෑම රටකම අත්දැකීම් අපට තිබෙනවා. දියුණු වුණු රටවල්වල ජාතිවාදී ගැටුම් නැහැ, අපිත් උත්සාහ කරන්නේ ජාතිවාදය පරාජය කරන ලද රටක් හදන්න. සිංහල, දෙමළ, මුස්ලිම් ජනතාව සමගියෙන් ජීවත් වෙන රටක් හදන්න.

ඇයි මේ ජාතිවාදය ඇති වුණේ? ආණ්ඩු හදන්නේ ජනතාවගේ ප්‍රශ්න විසඳන්න. දරුවන්ට රස්සා හදන්න ඕනෑ, රටේ නීතිය ස්ථාපිත කරන්න ඕනෑ. කෘෂිකර්මාන්තය, ධීවර කර්මාන්තය සංවර්ධනය කරන්න ඕනෑ, ව්‍යාපාර වර්ධනය කරන්න ඕනෑ. අධ්‍යාපනය දියුණු කරන්න ඕනෑ. නමුත් ආණ්ඩුව ඒකෙන් අසාර්ථක වෙනකොට, පාලක දේශපාලන පක්ෂ දකුණේ සිංහල ජනතාවට කියනවා, ආර්ථිකය වැටිලා තිබෙන එක්ක ඇත්ත. ගොවි ජනතාවට, ධීවර ජනතාවට ජීවත් වෙන්න අමාරුයි, ව්‍යාපාර කඩා වැටිලා ඒක ඇත්ත. ඒ වුණාට ජාතිය, ආගම අනතුරේ, ඒ නිසා ජාතිය, ආගම බේරා ගන්න ගෝඨාභය ගේන්න ඕනෑ කියනවා. මහින්ද ගේන්න ඕනෑ කියනවා. ඒ කියන්නේ ජනතාවගේ ඇත්ත ප්‍රශ්න විසඳගන්න බැරිවුණාම පාලකයා ජාතිවාදය අවුස්සනවා. දකුණේ සිංහල ජාතිවාදය ඇවිස්සුනාම නැගෙනහිරට මුස්ලිම් නායකයන් එනවා. ඇවිත් ප්‍රශ්න තිබුණු එක ඇත්ත. ඒත් සිංහල ජාතිවාදය උත්සන්න වෙලා. දිගන, අලුත්ගම, ඇති වෙනවා. දඹුල්ලේ පල්ලියට ගහනවා. අනෙක් ප්‍රශ්න පැත්තකින් තියලා අපි එකට එකතු වෙන්න ඕනෑ කියනවා. පාලකයාට ජනතාවගේ ප්‍රශ්න විසඳන්න බැරි වුණාම පාලකයා ජාතිවාදය වපුරනවා. ඒකෙන් වෙන්නේ සිංහල, දෙමළ, මුස්ලිම් ජනයා අතර ගැටුම් ඇති වෙන එක; වෛරය ඇති වෙන එක. එහෙම රටක් හදන්න බැහැ. රට හදන්න නම් ජාතිවාදය පරාජය කරන්න ඕනෑ.

Samanthurai-Public-Rally

ජාතික ජන බලවේගය හැමදාමත් ජනතාව සමග නිවැරදි දේ බෙදා ගනිමින් ජාතිවාදයට එරෙහි දේශපාලනයේ යෙදී සිටියා. අපි 3%ට වැටුණත් ජාතිවාදයට වැටුණේ නැහැ. මේ රට හදන්න නම්, ජාතිවාදය පරාජය කර, ජාතික සමගිය ගොඩනඟන්න ඕනෑ. ජාතිවාදය සහ ගැටුම් ඕනෑ අයට ඒ වෙනුවෙන් තෝරා ගන්න පක්ෂ තිබෙනවා. ජාතික සමගිය ගොඩනඟා රට ගොඩනඟන්න ඕනෑ නම්, ඒ වෙනුවෙන් තිබෙන්නේ ජාතික ජන බලවේගය පමණයි. ඔබගේ බදු මුදල් නිසි පරිදි යොදා ගනිමින් රට ගොඩනඟන්න කටයුතු කරන්නේ ජාතික ජන බලවේගය පමණයි. මේ රැස්වීමට පෙර ව්‍යාපාරික හමුවකට මම සහභාගි වුණා. එතැනට පැමිණ සිටිය මහාචාර්යවරයෙක් මට සඳහන් කළේ වැටුපෙන් රුපියල් 98,000ක මාසික බද්දක් කපා ගන්නා බවයි. ව්‍යාපාරයක් කරගෙන යාමේදී ලබන ලාභය මත බදු ගහලා ආණ්ඩුවට ආදායම් ගන්නවා. කඩෙන් ගන්න සීනි කිලෝ එකට ගහන බද්දෙනුත් ආදායම් ලබාගන්නවා. භාණ්ඩාගාරයේ තිබෙන්නේ ඔබගේ සල්ලි. මහජනයා බදු බර දරාගනිමින් බදු ගෙවන්නේ ඉස්පිරිතාලයට බෙහෙත් ලබාදෙන්නයි, දරුවන්ට අධ්‍යාපනය ලබාදෙන්නයි, රටේ සුබසාධනය සලසන්නයි, රටේ සංවර්ධනයට යොදා ගන්නයි. නමුත් බැඳුම්කර වංචාවෙන් ගසා කෑ සල්ලි ඇමතිලාගේ ගෙවල්වලට ගියා. රනිල් වික්‍රමසිංහලාට, සජිත් ප්‍රේමදාසලාට මහජනතාවගේ බදු මුදල්වලට නිසි ලෙස සංවර්ධනයට යොදවන්න බැහැ. එය කළ හැක්කේ ජාතික ජන බලවේගයේ ආණ්ඩුවකට පමණයි.

රනිල් වික්‍රමසිංහ පසුගියදා අමතර රුපියල් කෝටි 875ක මුදලක් ඡන්ද කරන්න මහජනයාගේ ධනයෙන් වෙන්කර ගත්තා. සජිත් ප්‍රේමදාසලාත් එහෙමයි. සංස්කෘතික අරමුදලේ මහජනයාගේ මුදල් කාබාසිනියා කර දැම්මා. මහජන මුදල් පෞද්ගලික දේශපාලන කටයුතුවලට යොදා ගත්තා. ඒ ගොල්ලන්ට රටක් හදන්න පුළුවන්ද? සජිත් ප්‍රේමදාස ඇමතිකම් කළ කාලයේ කෝටි 500ක පාඩුවක් සිදු කළ බව පසුගිය දා වාර්තා වී තිබුණා. මහජනයාගේ මුදල් නාස්ති නොකර, රට ගොඩනඟන්නත් මහජන සුබසාධනයට යොදවන්නත් හැක්කේ ජාතික ජන බලවේගයට පමණයි. මේ රටේ ඇත්ත ව්‍යාපාරිකයන්ට අවස්ථාව නොදී ඔවුන් ව්‍යාපාර කරන්න පටන් ගන්නවා. අරක්කු ෆැක්ටරි, පෙට්්‍රල් ෂෙඩ්, පාසිකුඩාවල සංචාරක ව්‍යාපාර සියල්ලම ඒ අය විසින් අත්පත් කරගෙන තිබෙනවා. නමුත් අපේ පාලනයක් යටතේ ව්‍යාපාර කරන්න පෞද්ගලික අංශයට හොඳ වටපිටාවක් හදාදී සාධාරණ බදු ප්‍රතිපත්තියක් හඳුන්වා දෙනවා. ඒ වගේම හොඳ රාජ්‍ය සේවයක් පවත්වාගෙන යන්න ඕනෑ. ජාතික ජන බලවේගයේ ආණ්ඩුවක් යටතේ අපේ දේශපාලනඥයන් කිසිකෙනෙක් ව්‍යාපාර කරන්නේ නැහැ. පෞද්ගලික අංශයට ව්‍යාපාරික අවස්ථා පුළුල් කර දී එයින් ලබන ලාභයෙන් සාධාරණ බද්දක් රජයට ලබා ගන්නවා.

Samanthurai-Public-Rally

අපේ රටට ආසන්න කාලයේ නිදහස ලබාගත් ඉන්දියාව හඳට යනවා. මෝටර් රථ, ඖෂධ, ආහාර, කලාපයටම හරියන්න නිෂ්පාදනය කරනවා. ඒ නායකයන්ට රට හදන දැක්මක් තිබුණා. අපේ පාලකයන්ට තිබුණේ මොකක්ද? මෝටර් සයිකලයක් තිබුණු කෙනා හෙලිකොප්ටර් ගන්න තත්වයට හැදුණා. පුංචි ඉඩමක් තිබුණු කෙනා වතු යායවල් මිලදී ගන්න තත්වයට හැදුණා. රට හදන නායකයන් වෙනුවට රට බංකොලොත් කරමින් හොඳටම පොහොසත් පාලකයන් අපේ රටේ ගොඩනැඟුණා. මේ තත්වය වෙනස් කරන්න ඕනෑ නැද්ද? අපි හැමෝම එකතු වී රට හදන ආණ්ඩුවක් පිහිටුවමු. අපි කෘෂිකර්මාන්තය දියුණු කරමින් ගොවි ජනතාවගේ ජීවිත උසස් කරන සැලසුමක් හදා තිබෙනවා. හොඳ බීජ ලබාදීම, අලුත් තාක්ෂණය හඳුන්වාදීම, සහනාධාර ලබාදී ගොවියා ණය උගුලෙන් ගලවා ගැනීම, හොඳ වෙළඳපොළක් සපයා දී ගොවියාගේ ජීවිත උසස් කිරීම අපේ සැලසුම් තුළ තිබෙනවා. ධීවර කර්මාන්තයටත් එහෙමයි. චන්ද්‍රිකා තාක්ෂණය යොදාගෙන මාළු සිටින ඉසව් ධීවර ජනතාවට පෙන්නා දෙනවා. නවීන තාක්ෂණය අපේ අධ්‍යාපනයට ඇතුළත් කර, අපේ තරුණ පරපුරට ලෝකය ජය ගත හැකි අධ්‍යාපනයක් ලබා දෙනවා. ඒ වගේම හොරකම් නතර කර, පුනර්ජනනීය බලශක්තියට මාරුවී වසරෙන් වසර විදුලි බිල අඩුකිරීමේ සැලසුම් අපි සකස් කරමින් යනවා. ලෝකයේ සංචාරකයන්ට සුදුසු රටක් මේක. දකුණේ වාරකන් කාලයට නැගෙනහිර පැත්තේ මුහුද හොඳයි. නැගෙනහිර වාරකන් කාලයට දකුණේ මුහුද හොඳයි. ඒ කියන්නේ මේක අවුරුද්ද පුරාම හොඳින් සංචාරක කර්මාන්තය පවත්වාගෙන යා හැකි රටක්. අපි මේ සියලු ක්ෂේත්‍රවලට සැලසුම් සකස් කර, ජනතාවට ප්‍රතිලාභ ලබාදෙනවා.

ඒ විතරක් නොවෙයි, පුල්මුඩෙයි ඛනිජ වැලි නිධිය වගේම පොස්පේට් නිධිය වැනි ඛනිජ සම්පත් රැසක් තිබෙනවා. මේ කර්මාන්ත දියුණු කළ හැකි ආයෝජකයන් අපට හමුවී තිබෙනවා. දැන් එප්පාවෙල පොස්පේට්, පස් හැටියට විදේශයන්ට පටවනවා. මිනිරන් අමු කුට්ටි ලෙස රට යවනවා. මේ ඛනිජ සම්පත් වෙනුවෙන් අපි සුදුසු කර්මාන්ත ඇති කරනවා. අපේ රටේ තිබුණු සීනි කර්මාන්ත ශාලා, සිමෙන්ති කර්මාන්ත ශාලා, වසා දමා පිටරටින් ආනයනය කරමින් පාලකයන් දියුණු වෙනවා. මම ඔබ හමුවට ආවේ, මේ තත්වය වෙනස් කරන්න අපි හැමදෙනාම එකතු වෙමු කියලා ආරාධනා කරන්නයි. මේ වෙනකොට විදේශ රටවල් අපට වීසා නොදෙන මට්ටමට මේ පාලකයන් රට විනාශකාරී තැනකට පත්කර තිබෙනවා. දැන් ලෝකයේ ඕනෑම රටකට යා හැක්කේ ගෝඨාභය ඇතුළු රාජපක්ෂ පවුලේ ඕනෑම කෙනෙකුට වගේම මේ පාලකයන්ගේ පවුල්වල සාමාජිකයන්ට පමණයි. මේ තත්වය වෙනස් කර, ලෝකයේ හැම රටකම ගෞරවයට පාත්‍රවන ශ්‍රී ලංකාවක් ජාතික ජන බලවේගයෙන් ගොඩනඟනවා. අපි ආවේ එහෙම රටක් ගොඩනඟමු කියලා ඔබ සැමදෙනාට ආරාධනා කරන්නයි.

76 වසරක් රට වට්ටපු ශාපය නිමා කරමු. රට වට්ටා ඔවුන් දියුණු වූ යුගය අපි නිමා කරමු. ජාතිවාදය වපුරා ඔවුන් බලය ගත් යුගය නිමා කරමු. සැප්තැම්බර් 28ත් ඔක්තෝබර් 12ත් අතර, ජනාධිපතිවරණය පවත්වනවා. එය නවත්වන්න රනිල් වික්‍රමසිංහ මොන ගැටගැහුවත් බැහැ. මෙතන ඉන්න ඔබ සැම දෙනාගේ යාළුවන් සහ මිත්‍රයන් රටේ අනෙකුත් ප්‍රදේශවල ඉන්නවා. ඒ ප්‍රදේශවල උඩින්ම ඉන්නේ මාලිමාව. ඒ ප්‍රදේශවල ජනතාව අපෙන් අහන්නේ නැගෙනහිර ජනතාව මොනවා කරයිද කියලා. නැගෙනහිර මුස්ලිම් ජනතාව මොකක් කරයිද කියලා. අද වන විට ඔවුන් වෙනස් වී දකුණේ ජනතාව වගේම ජාතික ජන බලවේගයේ ආණ්ඩුවක් ගොඩනඟන්න එකතු වෙමින් ඉන්න බව අපි දන්නවා. ඉස්සර මෙහෙම දහස් සංඛ්‍යාත පිරිසක් නැගෙනහිරදි අප හමුවෙන්න ආවේ නැහැ. මේ අවස්ථාව අත් නොහැර හොඳ ජයග්‍රහණයක් ගනිමු. පැරණි දූෂිත පාලකයන්ට ඉඩ නොදී අපි හැමෝම එකතු වී අලුත් යුගයක් නිර්මාණය කරමු. ඉදිරි මාස දෙකහමාර තුළදී අවුරුදු 76ක සාපය නිමාකරමු. ජාතික ජන බලවේගයේ ශක්තිමත් ආණ්ඩුවක් ගොඩනඟමු.

Show More

“මේ වෙලාවේ වැඩවර්ජන කියන්නේ ජනතාව ද්‍රෝහී පාලකයන් වෙත තල්ලුකර හැරීමක්” -ජාතික ජන බලවේගයේ ජාතික විධායක සභික කේ.ඩී. ලාල්කාන්ත-

(-ජාතික වෘත්තීය සමිති මධ්‍යස්ථානයේ පුනරුදයේ සම්ප්‍රාප්තිය වැඩපිළිවෙළ ජනගත කිරීම – 2024.07.11-) තුන්වැනි ලෝකයේ දියුණු වෙමින් පවතින රටක් කියලා අපි සෑහෙන කාලයක් කතා කළා. මම ඉස්කෝලේ යන කාලයේ ඒ කතාව ඇසුවාම මට අවුරුදු 60ක් වෙනකොටවත් දියුණු වෙයි කියලා හිතුවා. අපේ දූදරුවෝ තරුණ අවධියට එනකොට රට දියුණු වෙලා තියෙයි කියලා හැඟීමක් ඇති වුණා. නමුත් 2022 අප්‍රේල් මාසයේදී […]

(-ජාතික වෘත්තීය සමිති මධ්‍යස්ථානයේ පුනරුදයේ සම්ප්‍රාප්තිය වැඩපිළිවෙළ ජනගත කිරීම – 2024.07.11-)

NTUC

තුන්වැනි ලෝකයේ දියුණු වෙමින් පවතින රටක් කියලා අපි සෑහෙන කාලයක් කතා කළා. මම ඉස්කෝලේ යන කාලයේ ඒ කතාව ඇසුවාම මට අවුරුදු 60ක් වෙනකොටවත් දියුණු වෙයි කියලා හිතුවා. අපේ දූදරුවෝ තරුණ අවධියට එනකොට රට දියුණු වෙලා තියෙයි කියලා හැඟීමක් ඇති වුණා. නමුත් 2022 අප්‍රේල් මාසයේදී අපි බංකොලොත් රටක් කියලා ප්‍රකාශ කළා. දැන් අපි ආර්ථික, සමාජ, සංස්කෘතික හැම පැත්තෙන්ම කඩා වැටුණු බංකොලොත් රටක්. පාලකයොත් ඒක නිල වශයෙන් පිළිගත්තා. වැඩකරන ජනතාව හැටියට රාජ්‍ය අංශය, අර්ධ රාජ්‍ය අංශය, සහ ආර්ථිකයේ ප්‍රධානම කොටස වන පෞද්ගලික අංශය සහ වතු ක්ෂේත්‍රය තිබෙනවා. ඒ වගේම විශ්‍රාම ගිය අයගේ ජීවිත සම්බන්ධයෙනුත් කතා කළ යුතුයි. මේ සියලු ක්ෂේත්‍ර කඩා වැටිලා තිබෙන්නේ. වෘත්තිය සමිති ඉල්ලීම් පදනම් කරගත් සියලු සටන් ක්‍රියාමාර්ග දියත් වෙන්නේ පෙර කියූ බංකොලොත් තත්වය යටතේ. මෙයට පෙර එවැනි අවස්ථාවක් තිබුණේ නැහැ.

බංකොලොත්භාවයට පත්වුණු නිසාම 2022දී එතෙක් පැවති දේශපාලනයෙන් මහජනතාව කැඩී වෙන්වුණා. එහි එක ප්‍රතිඵලයක් තමයි ගෝඨාභය රාජපක්ෂට තනතුර අතහැර පලා යන්න සිදුවීම. අරගලයේදී ජනතාව දේශපාලන සංස්කෘතියෙන් කැඩී වෙන්වුණා. 2022 මැයි 09දා අගමැති පලා ගියා. ඊළඟට ඇමති මණ්ඩලය පලා ගියා. ඊළඟට 2022 ජූලි මාසයේ ගෝඨාභය රාජපක්ෂ පලා ගියා. මේ රටේ පැවති දේශපාලනයෙන් කැඩී වෙන්වුණු ජනතාව පාරට බැහැලා අරගලයක් කළ නිසා වෙනම තත්වයක් ඇති වුණා. ආර්ථික, දේශපාලන, සමාජ, සංස්කෘතික කඩා වැටීම වගේම පාලකයන් පලා යාම නිසා දේශපාලනයේ අලුත් තත්වයක් ඇති වුණා. මේ වන විට පාලකයන් පලවා හරින්න ඕන කියලා වැඩකරන ජනතාව පෙළගැසී ඉන්න දේශපාලනයක් නිර්මාණය වෙලා තිබෙනවා. කඩා වැටීමට උත්තරය විදිහට පාලකයන් පන්නන්න ජනතාව පෙළගැසී සිටිනවා. පාලකයෝ හැර හැමෝම පොදුවේ පීඩාවට පත්වෙලා ඉන්නේ. ඒ නිසා පාලකයන් පලවා හැර අපේ රටට අලුත්ම තත්වයක් පුනරුදයක්, මෙයට පෙර අපේ රටේ ඇති නොවූ අලුත් තත්වයක් නිර්මාණය කර ගැනීමේ වුවමනාවකින් මුළු රටම පෙළෙනවා. ඒ සඳහා වන සටනක් රටේ ක්‍රියාත්මක වෙමින් තිබෙනවා. එය මැතිවරණ භූමියේ සටනයි.

මැතිවරණ භූමියේ සටනෙන් මෙතෙක් සිටි පාලකයන්ට ජයග්‍රහණය කරන්න බැරි බව පාලකයන් සහ ජනතාව තේරුම්ගෙන සිටිනවා. පළාත් පාලන ඡන්දය කල්දැමීම, පළාත් සභා මැතිවරණය ගැන කතා කරන්නේ පවා නැතිවීම, ජනාධිපතිවරණය අභියස විවිධ රඟදැක්වීම් තුළින් පාලකයන්ට ජයග්‍රහණය කළ නොහැකි බව පැහැදිලිව තේරුම් යමින් තිබෙනවා. ජනාධිපතිවරණයට පෙර මහ මැතිවරණයක් පැවැත්වීම කියන සංවාදයෙන් පටන් ගත් විවිධ සාකච්ඡා තවදුරටත් කරළියට ගෙන එමින් පවතිනවා. බොහෝදුරට ඔක්තෝබර් 05වැනි සෙනසුරාදා ජනාධිපතිවරණය පවත්වයි කියලා විශ්වාස කරනවා. මෙතෙක් සිටි පාලකයන් පලවා හැර වැඩකරන ජනතාව මූලික කරගත් ප්‍රගතිශීලී ජනතාවගේ පාලනයක් පිහිටුවා ගැනීමේ ආසන්නයට අපි ඇවිත් ඉන්නවා. ඒ නිසා අපේ වෘත්තීය සටන් ක්‍රියාමාර්ග තෝරන්නේ මේ නව දේශපාලන තත්වය පිළිබඳව හොඳින් සලකා බලමිනුයි. එහෙම නැතිව සටන් ක්‍රියාමාර්ග තෝරන්න කාටවත් අයිතියක් නැහැ. වැඩකරන පංතියට සහ පීඩිත ජනයාට තමන්ගේම වූ පාලනයක් පිහිටුවා ගන්න ආසන්න මොහොතකදී ඕනෑම ඉල්ලීමක් සම්බන්ධයෙන් මේ නව දේශපාලන තත්වය ගැන කල්පනා කළ යුතුමයි. තත්වයන් ගෙන් පරිබාහිරව සටන් නැහැ.

රාජ්‍ය, අර්ධ රාජ්‍ය, පෞද්ගලික සහ වතු ක්ෂේත්‍රයේ වගේම විශ්‍රාමිකයන්ගේ ගැටලුවලට උත්තර සොයන්නේ කොහොමද කියන එක සලකා බලන්න ඕනෑ, මේ පවතින තත්වය යටතේයි. එයින් වියුක්ත වී තීරණ ගන්න ප්‍රගතිශීලී කිසිකෙනෙකුට හැකියාවක් නැහැ. වැටුප් විෂමතා ප්‍රශ්නයක් සහ තවත් කරුණු පදනම් කරගෙන දුම්රිය වර්ජනයක් ක්‍රියාත්මකයි. රුපියල් 25,000ක් දක්වා දීමනාවක් ලබාගැනීම වෙනුවෙන් තවත් අරගලයක් යනවා. ඊට කලින් වෛද්‍යවරුන්ට රුපියල් 35,000ක් වූ දීමනාව 70,000 දක්වා වැඩි කළා. එය වැඩිකරන්න ඕනෑ. ඒ සම්බන්ධයෙක් කිසි ගැටලුවක් නැහැ. මාණ්ඩලික තලයේ අයටත් වැඩි කළා. ඒ එක්කම අනිත් අයට වැඩිකරන්න ඕනෑ කියන සටනත් හරියටම හරි. ගුරුවරුන්ගේ අරගලයේදී වෘත්තිය සමිති එකමුතුවක් තිබෙනවා. ඒ එකමුතුවකින් වර්ජන ක්‍රියාමාර්ගයක් දියත් කර, මේ දක්වා ලබාගත යුතුව තිබෙන වැටුප් වර්ධකයේ 2/3ක කොටස ලබාගැනීමට ගෙන ආවා. සෞඛ්‍ය ක්ෂේත්‍රයේත් වැඩවර්ජන නොවෙන උද්ඝෝෂණ තිබෙනවා. විශ්වවිද්‍යාල වර්ජනය තවම තිබෙනවා. එතන සියලු වෘත්තිය සමිති එකතු වී ඉදිරිපත් කර තිබෙන ඉල්ලීම් ඔක්කෝම සාධාරණයි.

NTUC

මේ තත්වය තුළ වෘත්තිය ක්‍රියාමාර්ගවලට එරෙහිව ජනතාවගේ විරෝධයක් පවතිනවා. විශේෂයෙන්ම අධ්‍යාපනය සම්බන්ධ ප්‍රශ්නය බරපතළයි. කොරෝනා ප්‍රශ්නයේ ඉඳලාම ආර්ථික අර්බුදය දක්වා දරුවන්ගේ අධ්‍යාපනය කඩා වැටිලා තිබෙන්නේ. මේ වගේ වටපිටාවක ගුරුවරු වැඩවර්ජනයක් කළාම දෙමාපියන්ට සහ දරුවන්ට රිදෙනවා. මේ පාලකයන් පලවා හැරලා නව පාලනයක් පිහිටුවා ගැනීමේ අරගලයේදී ගුරුවරු, දෙමාපියන්, දරුවන්, සියලු දෙනාම ඉන්නේ එක පැත්තේ. වැඩවර්ජනයකදී සිදුවන්නේ ඒක දෙකට බෙදීමයි. දෙමව්පියන් සහ දරුවන් එක පැත්තක හිටගෙන ගුරු විදුහල්පතිවරු අනෙක් පැත්තේ හිටගන්නවා. එල්ලෙන්න වැලේ වැල් නැතිව ඉන්න රනිල් වික්‍රමසිංහ ඇතුළු පාලක කල්ලිය දෙමව්පියන් සහ දරුවන්ගේ පැත්තේ හිට ගන්නවා. පොදු ජනතාව වෙනුවෙන් පෙනී ඉන්න පිදුරු ගහක හරි එල්ලෙන්න පාලක කල්ලිය උත්සාහ කරනවා. ගුරු විදුහල්පතිවරුන්ගේ වර්ජනය රනිල් වික්‍රමසිංහලා එල්ලෙන්න වැලක් බවට පත්කර ගන්නවා. ජාතික වෘත්තිය සමිති මධ්‍යස්ථානයේ දැක්ම අනුව මේ වෙලාවේ ගුරුවරුන්ගේ වැඩවර්ජනය පාලකයන්ට එල්ලෙන්න අවස්ථාවකුත් පොදු අරගලයට අවාසියකුත් නිර්මාණය වෙනවා. අපි කියන්නේ ගුරු විදුහල්පතිවරුන්ට මේ පාලනය පන්නන්න අරගල කරමු කියලා. ඔව්, මේ පාලකයන්ගෙන් 2/3ක වැටුප් වැඩිවීම දිනා ගන්නත් බැහැ.

අපි වැඩවර්ජනය නොකර, වෙනත් වෘත්තිය සමිති ක්‍රියාමාර්ගවල යෙදීමට යෝජනා කරනවා. නමුත් වෘත්තිය සමිතිවලින් අඛණ්ඩ වැඩවර්ජනයක් කරමු කියන යෝජනාව එනවා. මහින්ද සහෝදරයා වගේ කෙනෙකුට ඒ වගේ තැනකදී පංතියේ සමගිය තියාගන්න තත්වයන් තුලනය කර ගන්න ඕනෑ. පොදු ක්‍රියාමාර්ගවල ඉන්නත් ඕනෑ. එම වෘත්තිය සමිතිවල දැක්ම ජාතික අරගලය වෙත රැගෙන එන්න අභ්‍යන්තර අරගලයක් කරන්න වෙනවා. වැඩවර්ජනය වෙනුවට ගුරුවරු, දෙමාපියන් සහ පොදු ජනතාව සම්බන්ධ කර ගත් ඉදිරි වෙනත් ක්‍රියාමාර්ගවලට යන්න එකඟ වී තිබෙනවා. එය හොඳ තත්වයක්. සෞඛ්‍ය ක්ෂේත්‍රයේ ඉල්ලීම් දිනා ගන්න වැඩවර්ජනයකට යා යුතු බව යෝජනා කළ අවස්ථාවේ අපි එය නොසුදුසු බව ප්‍රකාශ කළා. අපි සියලුම දෙනා එකතු වී “ඉල්ලීම් ලබාදෙන්න බැරි පාලකයන් පලවා හරිමු” කියන සටන් පාඨය ඉදිරියට ගන්න ඕනෑ. දුම්රිය වැඩවර්ජනයක් කරනවා නම් දින කිහිපයකට පෙර එය ප්‍රකාශයට පත්කරන ලෙස බොහෝ කාලයක සිට අපි ඒ සහෝදරවරුන්ට පෙන්වා දී තිබෙනවා. වැඩ ඇරිලා සවස ගෙදර යන්න එනවිට වැඩවර්ජනය කරලා නම් පොදු ජනතාව අසීමිත පීඩාවකට පත්වෙනවා. වෘත්තිය සමිති ව්‍යාපාරය මේ කරුණු ගැන වැඩිදුරටත් අවධාරණය කරන්න ඕනෑ.

මේ පාලකයන් වැඩකරන ජනතාවට ලබාදුන් සටන් භූමි තිබුණා. මහපාර එක සටන් භූමියක්. මහපාරේ උද්ඝෝෂණ ජාතික මට්ටමකට ගෙන ආවොත් ඒක වැඩවර්ජනයකට වඩා ප්‍රබලයි. උද්ඝෝෂණ එක්ක පොදු ජනතාව සම්බන්ධ වෙනවා මිස එරෙහි වෙන්නේ නැහැ. නමුත් ගුරුවරුන්ගේ වැඩවර්ජනයක් කළොත් දෙමාපියන් සහ දරුවන් එරෙහි වෙනවා වගේම පාලකයන්ට එල්ලෙන්න පිදුරු ගසුත් හම්බ වෙනවා. අධ්‍යාපන ධවල පත්‍රිකාව ගෙනත් අධ්‍යාපනය විනාශ කරන්න ක්‍රියාකළ රනිල් වික්‍රමසිංහලා දරුවන්ගේ අධ්‍යාපනය වෙනුවෙන් පෙනී සිටින වීරයින් බවට පත්වෙන්නත් අවස්ථාව සලසා ගන්නවා. වැඩවර්ජනය තුළින් සමාජය දෙකට බෙදෙනවා. උද්ඝෝෂණයේ ප්‍රබලත්වය එන්නේ නිවැරදි මතවාදී ජයග්‍රහණයකින්. 5/6ක බලයක් තිබූ ආණ්ඩුවක් එක්ක පොදු ජනතාව සිටි 1980 ජූලි වර්ජනය අවස්ථාවේ පාලකයන්ට එය තලාපෙලා දාන්න හැකි වුණා. අද පොදු ජනතාව පෙළගැසී ඉන්නේ පාලකයන් පලවා හරින්න. එවැනි අවස්ථාවක පොදු ජනතාවගෙන් පිටතට සටන ගෙන යනවා කියන්නේ දැනුවත්ව හෝ නොදැනුවත්ව පාලකයන්ට ඉඩ සලසා දීමක්.

NTUC

මේ දක්වා විවිධ සටන් භූමිවල වෘත්තිය ක්‍රියාමාර්ග යෙදී තිබුණත් පොදු ජනතාවට මැතිවරණ සටන් භූමියේ දිනන්න හැකි වී නැහැ. එක්කෝ බලවේග මර්දනය කළා. පක්ෂ තහනම් කළා. නමුත් ලංකාවේ පළමුවැනි වතාවට ඔවුන්ගේ සටන් භූමියක් වූ මැතිවරණ භූමියට ඉතාම සංවිධානාත්මකව පොදු ජනතාව කඩා වැදී තිබෙනවා. ඒ නිසා පාලකයන් නිතරම උත්සාහ කරනවා, වෘත්තිය සමිති සහ ජනතාව අතර බෙදීමක් ඇති කරන්න. නමුත් පාලකයන් වෙට්ටු දාලා ජනතාවගේ අයිතීන් ලබානොදී මැතිවරණත් කල්දාන්න උත්සාහ කරනවා නම්, සටන් භූමිය වඩාත් ශක්තිමත් කර ගනිමින් යා යුතු වෙනවා. එසේ නොකර පාලකයන්ට එල්ලෙන්න වැල් ලබාදීම විශේෂයෙන් සෞඛ්‍ය සහ අධ්‍යාපන ක්ෂේත්‍රයේ ඉඩ ලබානොදිය යුතුයි. අඛණ්ඩ වැඩවර්ජන නැහැ, අඛණ්ඩ අරගල තිබෙනවා. මේ යන්නේ ගෝල්ෆේස් අරගලයේ තවත් අදියරක්. ගෝල්ෆේස් එකේ සම්පූර්ණ කර ගන්න බැරිවූ ජයග්‍රහණය මැතිවරණ සටන් බිමේදී ලබා ගන්න ආසන්න වෙමින් සිටිනවා. ජනාධිපති කාර්ය මණ්ඩලයේ වැටුප් ලබන වෘත්තිය සමිති නායකයන් යැයි කියා ගන්නා අය ජනතාව පීඩාවට පත්කරන වෘත්තිය සමිති අරගල එළියට දාන්න නොයෙක් උත්සාහ කරනවා. දුම්රිය වර්ජනය එහෙම වර්ජනයක්ද කියලා සැකයක් අපට මතුවෙනවා. පැරණි සම්ප්‍රදායන් මත පදනම් වෙලා අරගල කරන යුගයක් නොවෙයි දැන් තිබෙන්නේ. වෙනස්ම තත්වයක් තිබෙන්නේ. මේ තත්වය සමග වෙනස් වී නව අරගල හඳුන්වා දෙන්න බැරි නම්, එය මෙතෙක් පැවැති වෘත්තිය සමිති අරගලවලටත් සිදුකරන අපරාධයක්. දැනුවත්ව හෝ නොදැනුවත්ව අරගලයේ ජයග්‍රාහී කොඩිය එසවීමට එරෙහි ක්‍රියාමාර්ග ගන්නවා නම්, එය ද්‍රෝහී ක්‍රියාවක්.

කළ යුත්තේ පුනරුද යුගය ලබා ගැනීමට අලුත් තත්වයන් සමග වෙනස් වීමයි. මෙතැනින් ඉදිරියට ජනතාවාදී පාලනයක් පිහිටුවා ගන්නා වටපිටාවක වෘත්තිය අරගල සටන්, සියල්ල කරන අතරේ ජාතික වෘත්තිය සමිති මධ්‍යස්ථානය කිසිදු වැඩවර්ජනයකට සහභාගී නොවීම ස්ථිරයි. අනෙකුත් වෘත්තිය සමිතිවලට අපි යෝජනා කරන්නේ හැමදෙනාම එක්වී මේ පාලකයන් පන්නා දමමු කියලයි. ලෝක ඉතිහාසය පුරාම පැවති සටන් සියල්ලම ප්‍රගතිශීලී නැහැ. ප්‍රතිගාමී සටන් තිබිලා තියෙනවා. ප්‍රගතිශීලී කොටස් අතර ප්‍රතිගාමිත්වයේ කොටස් සටන් කරනවා. සටනක් නොකළ යුතු වෙලාවක වැඩිපුරම සටන් ඉල්ලන්නේ ප්‍රතිගාමී කණ්ඩායම්. මේ තත්වයන් හඳුනාගන්න අපට හැකි වෙන්න ඕනෑ. රනිල් රාජපක්ෂලා මුළුමනින්ම පලවා හැරීමට වැඩවර්ජනයක් කැඳවූවොත් හැර ජාතික වෘත්තිය සමිති මධ්‍යස්ථානය වෙනත් ඉල්ලීම් පදනම් කර ගත් වැඩවර්ජන කරන්නේ නැහැ. ඒ වෙනුවට වෙනත් අරගල ඕනෑ තරම් තිබෙනවා. පසුගිය දවස්වල “වැඩ නතර කර සටන් කරනවා මිස වැඩ කරමින් සටන් කරන්නේ නැත.” කියලා සටන් පාඨයක් ආවා. මේ සටන් පාඨය රනිල්ලාගේ නැතිනම් සජබ එකක් මිස පොදු ජනතාවගේ නොවෙයි. බැලූ බැල්මට ප්‍රගතිශීලී වුණත් ගැඹුරින් බැලුවාම මේ සටන් පාඨය පට්ට ප්‍රතිගාමියි. මහින්දලා ගෝඨාභයලා පැන්නුවේ වැඩ කරමින් ගෙන ගිය අරගලවලින් තමයි.

ගුරුවරුන්ගේ දරුවන්ගේ වුවමනාවන් වෙනුවෙන් පාරට එන්න දෙමාපියන්ට පුළුවන්. විශේෂයෙන් මේ වෙලාවේ වැඩවර්ජන කියන්නේ ජනතාව ද්‍රෝහී පාලකයන් වෙත තල්ලු කර හැරීමක්. ඒ කියන්නේ පාලකයන් වෙනුවෙන් කරන සටනක්. නමුත් අපි ඉල්ලීම් දෙන්න බැරි පාලකයන් පන්නා හැරීමට පොදු අරගලයක් කරමු. ගෝල්ෆේස් අරගලය බාගයට සම්පූර්ණ නොකර පාර්ලිමේන්තුව වටකරන තැනට මුළු ජනතාවම ගෙන ආවා නම් ඒ අරගලය සම්පූර්ණ වෙනවා. නමුත් ඇතැම් ගෝල්ෆේස් අරගලයේ නායකයන් ඒ අරගලයට යන්න නොදුන්නා විතරක් නොවෙයි, නිවේදන පවා නිකුත් කළා. ජනාධිපති පලවා හැර පාර්ලිමේන්තුව තියා ගත්තාම නැවතත් ගොඩනැගූ ජනාධිපති ධුරය නිසයි ජනතාව දිගින් දිගටම බැට කන්නේ. ගෝල්ෆේස් අරගලය බාගයට කිරීම නිසා රනිල් වික්‍රමසිංහ කියන පාලකයෙක් දුෂ්ට පාර්ලිමේන්තුවෙන් ගොඩනගාගෙන මේ දක්වා ක්‍රියා කරනවා. අවුරුදු 76ක පාලනය පලවා හරින්න නිවැරදිව ක්‍රියා නොකළහොත් ගෝල්ෆේස් අරගලය වගේම මේ අවස්ථාවත් ගබ්සා විය හැකියි. අපි එයට ඉඩ නොදිය යුතුයි.

මැතිවරණ සටන් බිමේදී පීඩිත ජනතාව නැවත ඔසවා තිබෙන ජයග්‍රහණයේ කොඩිය එසවීම අනුවණ වැඩවර්ජනවලින් නැවත අඩපණ විය හැකියි. අනුවණ කියන්නේ පොදු ජනතාව බෙදන ක්‍රියාමාර්ගවලටයි. ගෝල්ෆේස් අරගලය ගබ්සා වුණා වගේ මේ අරගලයත් ගබ්සා වුණොත් ඒක අපරාධයක්. දැන් වෘත්තිය සමිති අරගලයේ ඉන්න ප්‍රතිගාමීන් තරම් සටන්කාමී නැහැ වෙන කවුරුවත්. මැතිවරණ බිමේ අරගලය අඩපණ කරන්න වෘත්තිය සමිති ප්‍රතිගාමිත්වය එනවා නම් වැඩබිමේ යහළු මිත්‍රකම් අත්හැර ඒ ප්‍රතිගාමිත්වය පරාජය කළ යුතුයි. ඒ වගේම වෘත්තිය සමිති සන්ධාන ප්‍රතිගාමිත්වයට යනවා නම්, අපි ඒ සන්ධානවලින් ඉවත්වී අපේ ස්ථාවරය මත නිවැරදි ක්‍රියාමාර්ග සහිතව අරගලය ඉදිරියට ගත යුතුයි. වැඩකරමින් අරගල කරන මූලික සටන් භූමිය ශක්තිමත් කිරීමේ නව ක්‍රියාමාර්ග සොයමු. වැඩකරන ජනතාවගේ බලයක් පිහිටුවා අපේ අයිතිවාසිකම් දිනාගනිමු.

Show More

“මේ පනත යන වේගයයි ඡන්දය පැවැත්වෙන වේගයයි බැලුවාම පනත පාර්ලිමේන්තුවට එන කොට රනිල් ගෙදර” -ජාතික ජන බලවේගයේ නායක, පාර්ලිමේන්තු මන්ත්‍රී අනුර කුමාර දිසානායක-

(-සභාව කල් තබන අවස්ථාවේ ඒකාබද්ධ යෝජනාව ඉදිරිපත් කරමින්… 2024.07.11 දින පාර්ලිමේන්තුව-) “ආණ්ඩුක්‍රම ව්‍යවස්ථාව සහ සෙසු අදාළ නීති මගින් අවශ්‍ය බවට පනවා ඇති පරිදි 2024 සැප්තැම්බර් මස 17 වන දින සිට ඔක්තෝබර් 16 දින දක්වා වූ කාල පරිච්ඡේදය තුළ ජනාධිපතිවරණය පැවැත්විය යුතු බවට මෙම සභාව යෝජනා සම්මත කර සිටී.” බැලූ බැල්මට මෙවැනි යෝජනාවක් අවශ්‍ය වන්නේ නැහැ. […]

(-සභාව කල් තබන අවස්ථාවේ ඒකාබද්ධ යෝජනාව ඉදිරිපත් කරමින්… 2024.07.11 දින පාර්ලිමේන්තුව-)

“ආණ්ඩුක්‍රම ව්‍යවස්ථාව සහ සෙසු අදාළ නීති මගින් අවශ්‍ය බවට පනවා ඇති පරිදි 2024 සැප්තැම්බර් මස 17 වන දින සිට ඔක්තෝබර් 16 දින දක්වා වූ කාල පරිච්ඡේදය තුළ ජනාධිපතිවරණය පැවැත්විය යුතු බවට මෙම සභාව යෝජනා සම්මත කර සිටී.”

බැලූ බැල්මට මෙවැනි යෝජනාවක් අවශ්‍ය වන්නේ නැහැ. ව්‍යවස්ථාවටත් ඊට අනුරූපී වන පරිදි සකස් කර තිබෙන නීතිවලටත් අනුව ඉතා පැහැදිලිව ජනාධිපතිවරණය මේ සැප්තැම්බර් 16ත් ඔක්තෝබර් 17ත් අතර පැවැත්විය යුතුයි. ඒ නිසා විශේෂ යෝජනා සම්මතයක් අවශ්‍ය වන්නේ නැහැ. මේ 17 වෙන කොට මැතිවරණ කොමිසමට බලය එනවා. පාර්ලිමේන්තුවට මෙවැනි යෝජනාවක් ගෙන ඒමට සිදුව තිබෙන්නේ ජනතාව තුළ විශාල සැකයක් ව්‍යාකූලත්වයක් නිර්මාණය කර තිබෙන නිසයි. මෙය අද පමණක් නොවෙයි, පළාත් පාලන මැතිවරණය කල් දැම්මා. පළාත් සභා මැතිවරණය අවුරුදු පහකට ආසන්න කාලයක් තියලා නැහැ. ඒ නිසා ජනතාව තුළ මතයක් තිබෙනවා ජනාධිපතිවරයා මොකක් හරි වෙට්ටුවක් ජනාධිපතිවරණයට දමයි කියලා. පළාත් පාලන ඡන්දය නැතිනම් කොමසාරිස්වරයෙකුගෙන් පාලනය කළ හැකියි. පළාත් සභාව පිහිටුවා නැත්නම් ආණ්ඩුකාරවරයෙකුගෙන් පාලනය කළ හැකියි. නමුත් ජනාධිපතිවරයෙක් නැතිනම් ආණ්ඩුවකුත් නැහැ. මොකද, කැබිනට් මණ්ඩලයේ මූලාසනය හොබවන්නේ ජනාධිපතිවරයායි. ඒ නිසා අපි එකඟ නොවෙන කරුණු තිබුණත් අපේ ව්‍යවස්ථාවේ මේ සම්බන්ධව පරිපූර්ණව කරුණු දක්වා තිබෙනවා. ජනාධිපතිවරයාගේ ධුර කාලය පැයක්වත් හිස්ව තැබෙන ලෙස ව්‍යවස්ථාව සකස් කර නැහැ. ඒ නිසා අනිවාර්යයෙන් ජනාධිපතිවරයෙක් අපේ රටේ සිටිය යුතුයි.

ඊළඟට පැන නගින ප්‍රශ්නය මේ ජනාධිපතිවරයාගේ ධුර කාලය අවුරුදු පහද, හයද කියන එකයි. ආණ්ඩුක්‍රම ව්‍යවස්ථාවේ 30(2) වගන්තියේ ඉතා පැහැදිලිව සටහන් කොට තිබෙනවා ජනතාව විසින් තෝරා ගන්නා ජනාධිපතිවරයා පස් අවුරුදු ධුර කාලයක් දරන බව. හැබැයි 83 වගන්තියේ ‘ආ’ වගන්තියේ සඳහන් වන්නේ ජනාධිපතිවරයාගේ ධුර කාලය සාවුරුද්දක් ඉක්මවන්නේ නම්, ජනමත විචාරණයක් අවශ්‍ය බවයි. මේ වගන්තිය පදනම් කරගෙන රංගේ බණ්ඩාර මහ ලේකම්වරයා ගමක තිබූ රැස්වීමකදී ප්‍රකාශ කළා, ජනාධිපතිගේ ධුර කාලය පහ සහ හය කියලා ආණ්ඩුක්‍රම ව්‍යවස්ථාවේ ප්‍රශ්නයක් මතුවී තිබෙන බැවින් එය විසඳීම සඳහා සංශෝධනයක් ගෙන ඒමට කැබිනට් මණ්ඩලය අනුමත කළා කියලා. නමුත් ඇමතිවරුන් සඳහන් කළේ එවැනි කැබිනට් මණ්ඩල පත්‍රිකාවක් ගෙන ආවේ නැහැ කියලා. නමුත් ඊට පසුව කැබිනට් පත්‍රිකාවක් ගෙනාවා. එයින් පැහැදිලි වෙන්නේ රංගේ බණ්ඩාරත් නියෝජනය කරන යම් ස්ථානයක සාකච්ඡාවක් සිදුවී තිබෙන බවයි. එයින් කියැවෙන්නේ මාලිගාවක් ඇතුලේ කුමන්ත්‍රණයක් සිදුවෙන බවයි. වජිර, ඔබ අනිවාර්යයෙන්ම එතැන ඉන්නවා මයි. එය අනිවාර්යයි. සිදුවී තිබෙන සාකච්ඡාව රංගේ බණ්ඩාරට සංයමයෙන් ආරක්ෂා කර ගන්න බැරිවී පැන්නා. ඊට පසුව කැබිනට් මණ්ඩලයට මෙවැනි පත්‍රිකාවක් ගෙන ආවා. එහි සඳහන් කර තිබෙන්නේ “සාවුරුද්දක් ඉක්මවා යන වචන වෙනුවට පස් අවුරුද්දක් ඉක්මවා යන වචන මගින් ආණ්ඩුක්‍රම ව්‍යවස්ථාවේ 83(ආ) ව්‍යවස්ථාව සංශෝධනය කිරීම සඳහා ආණ්ඩුක්‍රම ව්‍යවස්ථාවට සංශෝධනයක් ඉදිරිපත් කිරීම පිණිස ගරු ජනාධිපතිතුමා විසින් ගෙන ආ යෝජනාව අමාත්‍ය මණ්ඩලය විසින් අනුමත කරන ලදී.” කියලයි.

අපේ රටේ ආණ්ඩුක්‍රම ව්‍යවස්ථාව අර්ථ නිරූපනය කිරීමේ බලය තිබෙන්නේ කැබිනට් මණ්ඩලයටවත් පාර්ලිමේන්තුවටවත් නොවෙයි; ශ්‍රේෂ්ඨාධිකරණයටයි. ධුර කාලය පහද, හයද කියන ප්‍රශ්නය අවස්ථා තුනකදී ශ්‍රේෂ්ඨාධිකරණය විසඳා තිබෙනවා. 2018 ජනවාරි මාසයේදී මෛත්‍රීපාල සිරිසේන ජනාධිපතිතුමා විසින් 2021 දක්වා ධුරය දැරිය හැකිදැයි මතය විමසුවා. ඒ වෙලාවේ ශ්‍රේෂ්ඨාධිකරණයේ මතය අවුරුදු පහක් ලෙස මෛත්‍රීපාල සිරිසේන ජනාධිපතිතුමාට දැනුම් දුන්නා. දෙවන අවස්ථාව 2019 ජනාධිපතිවරණය ප්‍රකාශ කළාට පසුව පුද්ගලයෙක් අධිකරණයට පෙත්සමක් ඉදිරිපත් කරමින් නැවත එම තත්වය ප්‍රශ්න කළා. ජනාධිපතිවරයාගේ ධුර කාලය සම්බන්ධයෙන් ශ්‍රේෂ්ඨාධිකරණයේ අර්ථ නිරූපනයක් ප්‍රකාශ කරන තුරු ජනාධිපතිවරණය පැවැත්වීම වළක්වන ලෙස මැතිවරණ කොමිසමට නියෝගයක් ලබාදෙන්නයි ඔහු පෙත්සමක් ඉදිරිපත් කර තිබුණා. ඒත් එය විභාගයට ගැනීමෙන් තොරව නිෂ්ප්‍රභා කිරීමට ශ්‍රේෂ්ඨාධිකරණය ක්‍රියා කළා. ලෙනව ගෙනාවා වගේ පෙත්සමක් ඉදිරිපත් කර තිබුණා. ඊට පසුව ලෙනව මහතා ඉදිරිපත් කළ පෙත්සමත් නිෂ්ප්‍රභා කර තිබෙනවා. ඒ විතරක් නොවෙයි ධුර කාලය වසර පහක් බව තීරණය කර, ජනාධිපතිවරණයකුත් පවත්වා තිබෙනවා. අර්ථනිරූපණයක් පමණක් නොව ප්‍රායෝගිකවත් සිදුකර තිබෙනවා. ව්‍යවස්ථාව පිළිබඳ අර්ථනිරූපණය කිරීමේ බලය තිබෙන ශ්‍රේෂ්ඨාධිකරණය අවස්ථා තුනකදී ධුර කාලය පිළිබඳව සිය මතය ඉදිරිපත් කර තිබෙනවා.

19වැනි ආණ්ඩුක්‍රම ව්‍යවස්ථා සංශෝධනයේදී 83වැනි වගන්තියට අත නොතිබ්බේ එය ජනමත විචාරණයකට තුඩු දෙන නිසයි. ඒ වගේම 32(ආ) වගන්තියේ ජනාධිපතිවරයාගේ ධුර කාලය අවුරුදු පහක් ලෙස නිශ්චිතව දක්වා තිබෙනවා. තව මොන විකාරයක්ද මේ පුටුවේ ඉන්න හදන්නේ? නිශ්චිතව ඒ ගැන සඳහන් කර තිබුණත් පාර්ලිමේන්තු මන්ත්‍රීවරුන්ගේත් ජනතාවගේත් අදහසක් තිබෙන්නේ රනිල් වික්‍රමසිංහ ගේම්කාරයෙක් නිසා මොකක් හරි ගැටයක් ගහයි කියලා. වජිර අබේවර්ධන කියනවා තව අවුරුදු 10ක් ඉන්න දෙන්න ඕනෑ කියලා. ඔබතුමා මුක්කුවටත් තියන්න වෙයි. රංගේ බණ්ඩාර කියනවා තව අවුරුද්දක් තියන්න ජනමත විචාරණයක් තියන්න ඕනෑ කියලා. මේ නිසා රට තුළ ව්‍යාකූලත්වයක් මතුව තිබෙනවා. රනිල් මාර සූත්තරකාරයා, ගැටකාරයා කියලා හිතාගෙන ඉන්න අය පව්. රනිල් සූත්තරකාරයෙකුත් නොවෙයි. ගැටකාරයෙකුත් නොවෙයි. ඒ ඔළුවෙන් ගහපු හැම ගේමක්ම අසාර්ථකයි. එහෙම මාර ගේම්කාරයෙක් නම්, එයා වැඩිම ගේම් ගැහුවේ පක්ෂය තුළ නේ. එයා ආණ්ඩු මෙහෙය වූවාට වඩා මෙහෙයවලා තිබෙන්නේ පක්ෂයක්. 94 ඉඳලා 2019 වනතෙක් පක්ෂයක් මෙහෙය වූවා. එයා 2002 ඉඳලා 2004 වෙනකම් ආණ්ඩුව මෙහෙය වූවා. ඊට පස්සේ 2015 ඉඳලා 2019 වනතුරු මෙහෙය වූවා. දැන් අවුරුදු දෙකක් මෙහෙය වනවා. පක්ෂය අවුරුදු 30ක් මෙහෙයවලා ගේම් ගහලා අන්තිමට පාර්ලිමේන්තුවටවත් එන්න බැරි වුණා. එයා අටවපු එකක්වත් සාර්ථක වෙලා නැහැ. ඒ නිසා ජනාධිපතිවරණය වැළැක්වීම සඳහා ගනු ලබන ක්‍රියාමාර්ග කිසිවක් සාර්ථක නොවෙන බව පැහැදිලියි.

ගේම් මාස්ටර් හිටපු ජනාධිපති මහින්ද රාජපක්ෂ මැතිතුමා තමන්ව ඝාතනය කරන්න සැලසුම් කළ පුද්ගලයාත්, කරට අත දාගන්න තරම් ගේම් ගැහුවා. මේ සංශෝධනය හදිසි පනතක් විදිහට ගේන්න උත්සාහ කරනවා. 2010දී හිටපු ජනාධිපති මහින්ද රාජපක්ෂ මැතිතුමා ආණ්ඩුක්‍රම ව්‍යවස්ථාවට 18වැනි සංශෝධනය හදිසි පනතක් ලෙස ගෙනාවා. අවස්ථා දෙකක් වෙනුවට ඊට වඩා ජනාධිපතිවරණයට ඉදිරිපත් විය හැකියි කියන සංශෝධනය ගෙනාවා. 2016දී ඔහුට මතුවන ගැටලුවකට අදාළ කරුණක් 2010 දෙසැම්බර් මාසයේදී ව්‍යවස්ථා සංශෝධනයක් හදිසි පනතක් ලෙස ගෙනාවා. නැවුම් පාර්ලිමේන්තුවේ 2/3ක සම්මතය ගන්න බලාගෙන ගෙන ආ සංශෝධනය අසාර්ථක වුණා. හදිසි පනත් ලෙස ගෙන එන්නේ ඉතාමත් අහිතකර වුවමනාවන් වෙනුවෙන් නිසා 19වැනි සංශෝධනයේදී එම අවස්ථාව ඉවත් කරනු ලැබුවා. 21 වැනි සංශෝධනයේදී හදිසි පනත් ගෙන ඒම, ජාතික ආරක්ෂාව පිළිබඳ ප්‍රශ්නයක් සහ හදිසි ආපදාවක් ඇති වුණු අවස්ථාවකදී අවශ්‍ය නීති සම්පාදනය කිරීම සඳහා කියන අවස්ථා දෙකට සීමා කළා. ඒ වගේම ව්‍යාවස්ථා සංශෝධනයක් හදිසි පනතක් ලෙස ගෙන ආ නොහැකි බව විශේෂයෙන් සඳහන් කර තිබෙනවා. ඒ නිසා හදිසි පනතක් හැටියට මේ සංශෝධනය පාර්ලිමේන්තුවට එන්නේ නැහැ.

සමාජයේ තවත් සාකච්ඡාවක් හදනවා ධුර කාලය පහකට අඩු කරන යෝජනාවක් ගෙනත් කාරක සභා අවස්ථාවේදී ගේමක් ගහයිද කියලා. පළාත් සභා මැතිවරණ සංශෝධන පනතේ හරයට මුළුමනින්ම පටහැණි ලෙස සංශෝධන සිදුකළා. ඒ නිසා නීති සම්පාදකයන් යම් පනතක හරයට බලපාන සංශෝධන කාරක සභා අවස්ථාවේදී ගෙන ආ නොහැකි බව තහවුරු කළා. හදිසි පනතක් හැටියට ගෙන එන්නත් බැරි නම්, කාරක සභා අවස්ථාවේදී හරයට පටහැණි සංශෝධන ගෙන එන්නත් බැරි නම් කැබිනට් යෝජනාවක් සම්මත කළේ ඇයි? කැබිනට් සංශෝධනය අනුව අදාළ සංශෝධන නීති කෙටුම්පත් දෙපාර්තමේන්තුවෙන් සම්පාදනය කරන්න ඕනෑ. ඒ කෙටුම්පත කැබිනට් මණ්ඩලයට එන්න ඕනෑ. කැබිනට් මණ්ඩලයෙන් සම්මත කළ පසුව ගැසට් පත්‍රයේ පළ කර සතියක් තිබෙන්න ඕනෑ. ඉන්පසුව පාර්ලිමේන්තුවේ සති දෙකක කාලයක් තිබෙන්න ඕනෑ. ඒ අතර අධිකරණයට පෙත්සම් ඉදිරිපත් කර, සති තුනක කාලයක් ලබා දෙන්න ඕනෑ. මේ ලෙස ආසන්න වශයෙන් සති නවයකට වැඩි කාලයක් ගත වෙනවා.

ඒ අතර මෙම 17 වැනි දින ජනාධිපතිවරණය ප්‍රකාශයට පත්කිරීමේ බලය මැතිවරණ කොමිසමට ලැබෙනවා. මැතිවරණ කොමිසම දින 16ත් 21ත් අතරතුර නාම යෝජනා කැඳවිය යුතුයි. දින 28ත් 42ත් අතර ඡන්දය පැවැත්විය යුතුයි. මේ පනත යන වේගයයි ඡන්දය පැවැත්වෙන වේගයයි බැලුවාම පනත පාර්ලිමේන්තුවට එන කොට රනිල් ගෙදර. තමන්ගේ කාලය ඇතුළත කිසිදු අදාළත්වයක් නැති පනතක්, ශ්‍රේෂ්ඨාධිකරණයෙන් ඉතා හොඳින් අර්ථ නිරූපණය කර දී තිබෙන නීතියක් සම්බන්ධයෙන් සුසිල් ප්‍රේමජයන්ත ඇමතිතුමා වගේ කෙනෙක් කැබිනට් එකේදි අත ඉස්සුවේ ඇයි? මේක පිස්සුවක් කියලා තේරෙන්නේ නැද්ද? ඇත්තටම ගත්තොත් 83(ආ) වගන්තිය නිෂ්ක්‍රීය වගන්තියක්. පණ නෑ. 32(ආ) වගන්තියට ඇතුල් කර තිබෙන සංශෝධන අනුව 83(ආ) වගන්තිය පණ නැති කර තිබෙනවා. එවැනි මළ වගන්තියක් අයින් කළ යුතු නම්, පස්සේ වෙලාවක අයින් කරමු. වැදගත්ම දේ 83වැනි වගන්තියට අත තියන්න නම්, ජනමත විචාරණයක් ඕනෑ. ජනාධිපතිවරණයක් පැවැත්විය යුතු වෙලාවක ජනමත විචාරණයකුත් ගෙන ඒමට උත්සාහ කිරීමෙන් සමාජය තුළ විශාල ව්‍යාකූලත්වයක් ඇති වෙනවා. මේ සියල්ල කරන්නේ ජනාධිපති රනිල් වික්‍රමසිංහයි. නිරන්තරයෙන් සමාජය තුළ සැකයක්, දෙගිඩියාවක් ව්‍යාකූලත්වයක්, අවිශ්වාසයක් නිර්මාණය කිරීම ඔහුගේ විනෝදාස්වාදයක් වෙලා තිබෙනවා. සමාජය ව්‍යාකූලත්වයට පත්කර හිනාවෙන එක රනිල් වික්‍රමසිංහ තමන්ගේ විනෝදය කරගෙන. මන්ත්‍රිවරු අතර සැකය, අවිශ්වාසය වර්ධනය කර, හිනාවෙන එක ඔහුගේ විනෝදාංශයක්. ගැටයක් ගහනවා, කට්ටිය ඒ පිටුපස යනවා,කට්ටිය එකතුවෙලා හිනා වෙනවා. හරි ලාමක මනසක් තිබෙන්නේ.

එහෙම කෙනෙකුට සුසිල් ප්‍රේමජයන්ත වගේ කෙනෙක් යට වෙන්නේ මොකටද? කැබිනට් එකේදි මේ ගැන කියන්න තිබුණානේ. නීති විශාරදයා, මහා ප්‍රාඥයා විජේදාස රාජපක්ෂ මැතිතුමා කැබිනට් එකේ ඉන්නවා. ඒ ගොල්ලෝ මේක අනුමත කරලා එවනවා නේ. සමාජය තුළ ව්‍යාකූලත්වයක් හදන්න විවිධ ගැට ගැසීම් අද පාර්ලිමේන්තුවේදී පරාජය කළ යුතුයි. මැතිවරණ කොමිසමට දන්වන්න රනිල් වික්‍රමසිංහ උඩ ඉඳලා ගහන ගැටවලට මේ පාර්ලිමේන්තුව යටත් වෙන්නේ නැති බව. පාර්ලිමේන්තුව විසින් පනවා තිබෙන නීතිවලට අනුරූප වන පරිදි, ජනාධිපතිවරණය පැවැත්වීමට කටයුතු කරන ලෙස අපි ඉල්ලනවා. එවැනි ඉල්ලීමක් අවශ්‍ය නොවුණත් පවතින ව්‍යාකූලත්වය අවසන් කිරීම සඳහා මේ යෝජනාව සම්මත කර ගන්නවා. රනිල් වික්‍රමසිංහ ව්‍යාකූලත්වයට පත් වී සිටිනවා. මම දන්නා පරිදි ආණ්ඩුව තුළින් අපේක්ෂකයන් තුන් දෙනෙක් ඉදිරිපත් වීමේ සූදානමකින් සිටිනවා. කැබිනට් මණ්ඩලය තුළම දෙන්නෙක් ඉන්නවා. රනිල් වික්‍රමසිංහ, විජේදාස රාජපක්ෂ දෙදෙනාම ජනාධිපති අපේක්ෂකයන් බව කියනවා. හැබැයි දෙන්නාම කැබිනට් මණ්ඩලයේදී එකතු වෙනවා. ඊට අමතරව ආණ්ඩු පක්ෂයේ ධම්මික පෙරේරා මහතා අපේක්ෂකයෙක් ලෙස එන බවත් කියනවා. විජේදාස එයිද, ධම්මික එයිද, නාමල් මොනවා කරයිද, බැසිල් රාජපක්ෂ මොනවා කරයිද? කියන ව්‍යාකූලත්වය රනිල් වික්‍රමසිංහට තිබෙනවා. එතුමා ඡන්දය පිළිබඳව තමන් ඉන්න ව්‍යාකූලත්වය සමාජය පිට පටවන්න හදනවා. අපි එතුමාට කියන්නේ සමාජය පිට පටවන්නේ නැතිව ගිලී සිටින ව්‍යාකූලත්වයෙන් මිදෙන්න උත්සාහ ගන්න කියලයි.

Show More

එක්සත් ජාතීන්ගේ ළමා අරමුදල සහ ජාතික ජන බලවේගය අතර හමුවක්

(-Colombo, July 08, 2024-) එක්සත් ජාතීන්ගේ ළමා අරමුදලේ (UNICEF) ශ්‍රී ලංකා නියෝජිත Christian Skoog මහතා සහ ජාතික ජන බලවේගයේ ජාතික විධායක සභික පාර්ලිමේන්තු මන්ත්‍රී ආචාර්ය හරිනි අමරසූරිය සහෝදරිය අතර හමුවක් අද (08) පෙරවරුවේ ජ.වි.පෙ. ප්‍රධාන කාර්යාලයේදී සිදු විය. මෙම හමුව සිදු වූයේ ඉදිරියේ පැවැත්වීමට නියමිත මැතිවරණ කාල සීමාව තුළ ළමුන්ට සිදු විය හැකි බලපෑම අවම […]

(-Colombo, July 08, 2024-)

එක්සත් ජාතීන්ගේ ළමා අරමුදලේ (UNICEF) ශ්‍රී ලංකා නියෝජිත Christian Skoog මහතා සහ ජාතික ජන බලවේගයේ ජාතික විධායක සභික පාර්ලිමේන්තු මන්ත්‍රී ආචාර්ය හරිනි අමරසූරිය සහෝදරිය අතර හමුවක් අද (08) පෙරවරුවේ ජ.වි.පෙ. ප්‍රධාන කාර්යාලයේදී සිදු විය.

මෙම හමුව සිදු වූයේ ඉදිරියේ පැවැත්වීමට නියමිත මැතිවරණ කාල සීමාව තුළ ළමුන්ට සිදු විය හැකි බලපෑම අවම කිරීම සහ ළමුන්ගේ ආරක්ෂාව සහතික කිරීම සම්බන්ධයෙන් දේශපාලන පක්ෂ දැනුවත් කිරීමේ UNICEF වැඩසටහනක පියවරක් ලෙසය. මැතිවරණ සමය තුළ ළමුන්ගේ අයිතිවාසිකම් උල්ලංඝනය නොවීම සඳහා ගත යුතු පියවර සහ ළමා ආරක්ෂාව වෙනුවෙන් වූ ජාතික ජන බලවේගයේ ප්‍රතිපත්ති මෙහිදී UNICEF නියෝජිතයින් වෙත පැහැදිලි කරන ලද අතර අනාගත ශ්‍රී ලංකාව තුළ ළමුන්ගේ ආරක්ෂාව සහතික වන සමාජයක් ස්ථාපිත කිරීම ජාතික ජන බලවේගයේ අපේක්ෂාව බවද අවධාරණය කෙරිණි.

මෙම හමුව සඳහා UNICEF ශ්‍රී ලංකා කාර්යාලයේ සන්නිවේදන ප්‍රධානි Bismarck Swangin මහතාද එක්ව සිටි අතර UNICEF ශ්‍රී ලංකා සංවිධානය විසින් ළමුන්ගේ ආරක්ෂාව වෙනුවෙන් සකසන ලද ප්‍රතිපත්ති රාමුවක්ද මෙහිදී ජාතික ජන බලවේගය වෙත භාර දෙනු ලැබිණි.

Unisef-to-npp-sri-lanka
Show More

ජනපතිවරණයට එරෙහි පෙත්සම විසි වේ

(-Colombo, July 08, 2024-) ජනපතිවරණයට එරෙහිව ගොනු කර තිබූ පෙත්සම අද(08) දින පංච පුද්ගල විනිසුරු මඩුල්ලක් ඉදිරියේ විභාග වූ අතර පෙත්සම නඩු ගාස්තුවලට යටත්ව නිෂ්ප්‍රභ කිරීමට ශ්‍රේෂ්ඨාධිකරණය තීරණය කළේය. ජනාධිපතිවරණය කල් දැමීමට අදාලව ගොනු කොට තිබූ අදාල නඩුව මුලුමනින්ම නිෂ්ප්‍රභා කරන ලෙස ඉල්ලා ජාතික ජන බලවේගය විසින් අතරමැදි පෙත්සම් තුනක් වෙන වෙනම ගොනු කරනු ලැබීය. […]

(-Colombo, July 08, 2024-)

ජනපතිවරණයට එරෙහිව ගොනු කර තිබූ පෙත්සම අද(08) දින පංච පුද්ගල විනිසුරු මඩුල්ලක් ඉදිරියේ විභාග වූ අතර පෙත්සම නඩු ගාස්තුවලට යටත්ව නිෂ්ප්‍රභ කිරීමට ශ්‍රේෂ්ඨාධිකරණය තීරණය කළේය.

ජනාධිපතිවරණය කල් දැමීමට අදාලව ගොනු කොට තිබූ අදාල නඩුව මුලුමනින්ම නිෂ්ප්‍රභා කරන ලෙස ඉල්ලා ජාතික ජන බලවේගය විසින් අතරමැදි පෙත්සම් තුනක් වෙන වෙනම ගොනු කරනු ලැබීය.

පා.ම ආචාර්ය හරිනි අමරසූරිය, පා.ම විජිත හේරත් සහ සමාජවාදී තරුණ සංගමයේ ජාතික සංවිධායක එරංග ගුණසේකර යන අය විසින් මෙම අතරමැදි පෙත්සම් ගොනු කරනු ලැබූ අතර පෙත්සම් පාර්ශවය වෙනුවෙන් ජනාධිපති නීතිඥ නයිජල් හැජ්, ජනාධිපති නීතීඥ උපුල් කුමරප්පෙරුම, ජනාධිපති නීතිඥ මොහාන් වීරකෝන්, ජ්‍යෙෂ්ඨ නීතීඥ ශාන්ත ජයවර්ධන, නීතිඥ මංජුල බාලසූරිය, නීතිඥ සුනිල් වටගල, නීතිඥ ශානිකා සිල්වා යන අය පෙනී සිටියහ.

First-Presidential-Election-Win
First-Presidential-Election-Win
First-Presidential-Election-Win
Show More

“ආර්ථික විසඳුම ළඟා කර ගත හැකිවන්නේ නව දේශපාලන සංස්කෘතියකින් පමණයි” -ජාතික ජන බලවේගයේ නායක අනුර කුමාර දිසානායක-

(-පශු වෛද්‍ය සහ පශු සම්පත් වෘත්තිකයන්ගේ ජාතික සමුළුව – 2024.07.06-) අපි මේ සාකච්ඡාව කරන්නේ දේශපාලන පරිවර්තනයක් සිදුවීමට ආසන්න වෙලාවක. මේ මාසෙ 17 වැනිදා ජනාධිපතිවරණය පැවැත්වීම සඳහා මැතිවරණ කොමිසමට බලය පැවරෙනවා. නමුත් මැතිවරණය පැවැත්වෙනවාද නැද්ද කියන දෙගිඩියාවක් සමාජය තුළ තිබෙනවා. අපේ ආණ්ඩුක්‍රම ව්‍යවස්ථාවේ 19වැනි සංශෝධනය මගින් ජනාධිපතිවරයාට පැවරී තිබෙන කාලය අවුරුදු පහකට සීමා කර තිබෙනවා. ආණ්ඩුක්‍රම […]

(-පශු වෛද්‍ය සහ පශු සම්පත් වෘත්තිකයන්ගේ ජාතික සමුළුව – 2024.07.06-)

Vet-Summit

අපි මේ සාකච්ඡාව කරන්නේ දේශපාලන පරිවර්තනයක් සිදුවීමට ආසන්න වෙලාවක. මේ මාසෙ 17 වැනිදා ජනාධිපතිවරණය පැවැත්වීම සඳහා මැතිවරණ කොමිසමට බලය පැවරෙනවා. නමුත් මැතිවරණය පැවැත්වෙනවාද නැද්ද කියන දෙගිඩියාවක් සමාජය තුළ තිබෙනවා. අපේ ආණ්ඩුක්‍රම ව්‍යවස්ථාවේ 19වැනි සංශෝධනය මගින් ජනාධිපතිවරයාට පැවරී තිබෙන කාලය අවුරුදු පහකට සීමා කර තිබෙනවා. ආණ්ඩුක්‍රම ව්‍යවස්ථාව අර්ථ නිරූපණය කරන ශ්‍රේෂ්ඨාධිකරණ විනිනිසුරුවන් එම ධුර කාලය පහ බවට නිගමනය කළා. ව්‍යවස්ථාවේ තිබෙන කුඩා හිල් උපයෝගී කරගෙන බලෙන්, බලයේ රැඳීම සඳහා ප්‍රයත්නයන් දරමින් සිටිනවා. මේ ප්‍රයත්න දරමින් සිටින්නේ ජන වරමකින් බලයට ආ නායකයෙක් නොවෙයි. ජනතාව ඔහුට පාර්ලිමේන්තුව නියෝජනය කරන්නවත් බලය දුන්නේ නැහැ. පාර්ලිමේන්තුවෙන් ලබා ගන්නා බලය තුළින් ඉතා කැත පන්නයේ බල කුමන්ත්‍රණයක නියැලී සිටිනවා. ඔහු ව්‍යවස්ථාවෙන් රිංගා පාර්ලිමේන්තුව මගින් බලහත්කාරයෙන් බලයේ රැඳී සිටීම සඳහා දරන සියලු ප්‍රයත්නයන් පරාජයට පත්කරන බවට අපි ඔබ ඉදිරියේ සහතික වෙනවා.

ඔහු කිවුවා, මේ ආර්ථික අර්බුදයට විසඳුම් ලෙස තිබෙන්නේ ආර්ථික විසඳුම් මිස දේශපාලන විසඳුම් නොවෙන බව. අපි විශ්වාස කරනවා අපේ මේ අර්බුදය විසඳීම ආරම්භ කළ හැකි වන්නේ දේශපාලන විසඳුම් ලබාදීම ආරම්භ කිරීමෙන් විතරයි. ඕනෑම රාජ්‍යයක් ගොඩනැගීම සඳහා ජනතාවගේ ජන වරමක් සහිත පාලනයක් අවශ්‍යයි. ආර්ථිකය කඩා වැටී තිබෙන වෙලාවක අත්‍යවශ්‍ය සාධකයක් තමයි ඒ සඳහා ගනු ලබන විසඳුම් ක්‍රියාමාර්ග අනිවාර්යයෙන් ජනතාවගේ ජන වරමකින් ඉපදෙන්න ඕනෑ. දෙවැනි කරුණ තමයි අර්බුදයට විසඳුම් අර්බුදයේ නිර්මාපකයන්ට සොයන්න බැහැ. පොදු ජනතාව ඒ කෙරෙහි විශ්වාස තබන්නේත් නැහැ. මේ අර්බුදයේ විශාල පංගුවක් හිමිකර ගන්නේ මේ දේශපාලන සංස්කෘතිය. අපේ රටට අත්‍යවශ්‍ය ව්‍යාපෘති විශාල සංඛ්‍යාවක් පස්සට ගිහින් තිබෙනවා. අනවශ්‍ය ව්‍යාපෘති ක්‍රියාත්මක වෙමින් තිබෙනවා. ඔබේ දෙපාර්තමේන්තුව විසින් විද්‍යාත්මක පදනමක් මත ඉදිරිපත් කරන කරුණු ප්‍රතික්ෂේප කොට සත්තු ආනයනය කළා. අත්‍යවශ්‍ය ව්‍යාපෘතිවලට මුදල් වෙන් නොකරමින් වෙන වෙන දේවල්වලට මුදල් වෙන්කරනවා. ඒ ක්‍රියාත්මක වෙන්නේ දේශපාලන හස්තය. ආර්ථික විසඳුම සඳහා මාවත නිර්මාණය කර ගත හැකිවන්නේ නව දේශපාලන සංස්කෘතියක් තුළින් පමණයි. දේශපාලන සංස්කෘතියේ පරිවර්තනය විශාල ලෙස පැවරී තිබෙන්නේ අප වෙත.

Vet-Summit

අපේ රාජ්‍ය සේවයත්, රාජ්‍ය සේවකයන්ගෙන් සැලකිය යුතු ප්‍රමාණයකුත් මේ දේශපාලන හස්තය විසින් ගිලගෙන තිබෙනවා. පශු සම්පත් පිළිබඳ මට තිබෙන්නේ ඉවක්. ඔබට තිබෙන්නේ ඥානයක්. ඕනෑම ක්ෂේත්‍රයක් සංවර්ධනය කිරීමේදී ඒ වෘත්තියේ නියැලී සිටින විශේෂඥයින්ගේ වගකීම නිශ්චිත ලෙස සඳහන් කොට වැඩ කරන්න පටන් ගන්නවා. දේශපාලකයා සහ වෘත්තියවේදියා අතර තබාගත යුතු සීමාවන් බෙදා වෙන්කර නොමැතිකම නිසා ව්‍යසනයට විශාල හේතුවක් වී තිබෙනවා. වෘත්තියවේදියා ටෙන්ඩර් බෝඩ් එකකදී මිලදී ගැනීම් තීරණය කරන්න ඕනෑකම තිබෙන්නේ මිලදී ගැනීමේ විධිමත් පටිපාටිය අනුගමනය කිරීමෙන්. දේශපාලකයා වෘත්තියවේදියාගේ කාර්යභාරය පසෙකලා තමන් විසින් තෝරා ගන්න කෙනෙකුට පැවරීම සඳහා ප්‍රයත්න දරනවා. කාබනික පොහොර චීනයෙන් ආනයනය කරන අවස්ථාවේ විශාල රංඩුවක් ගියා. ඒ ක්ෂේත්‍රයේ සිටි කෘෂි හා පාංශු විද්‍යාඥයන් කියන්නේ මේ පොහොර ලංකාවට ආනයනය කිරීමෙන් අපේ රටේ ව්‍යාප්ත නොවුණු ක්ෂුද්‍රජීවීන් ඇතුළුවීමෙන් අපේ රටට අනතුරක් තිබෙනවා කියලා. දේශපාලකයා කියනවා පර්යේෂණ කරන නිලධාරීන් විසින් ඉන්ජෙක්ෂන් එකකින් මේවට ක්ෂුද්‍රජීවීන් ඇතුල් කරලා කියලා. තමන්ගේ කාර්ය නිසි පරිදි ඉටුකළ වෘත්තියවේදීන්ට සමාජය ඉදිරිපිට තර්ජනයක් හා අපහාසයට පත්කිරීමක් කළා. ඒ වෘත්තියවේදීන් තමන් ගන්නා ලද ස්ථාවරය වෙනස් නොකොට අපේ රටේ පරිසර පද්ධතිය ආරක්ෂාකර ගැනීම වෙනුවෙන් ප්‍රයත්න දැරීම ගැන අපි ස්තුතිවන්ත වෙන්න ඕනෑ. ජාතික ජන බලවේගය ආණ්ඩුව යටතේ මේ අදාළ විෂය නිසි පරිදි වෙන්කිරීමකට භාජනය කරනවා. පශු සම්පත් පිළිබඳව සංවර්ධනය පිළිබඳව සැලසුම් හදන්න, ක්‍රියාත්මක කරන්න, මාර්ගෝපදේශ දෙන්න ඕනෑ අමාත්‍යවරයා නොවෙයි. එය කළ යුතු වන්නේ ඒ පිළිබඳ විධිමත් අධ්‍යාපනයක් තිබෙන, අත්දැකීම් තිබෙන ඔබ විසිනුයි.

රටේ ජනතාවගේ පෝෂණයට අවශ්‍ය කිරි, මස්, බිත්තර මත්ස්‍ය සහ කෘෂි නිෂ්පාදන සම්පූර්ණ කර ගන්නේ පශු සම්පත් ක්ෂේත්‍රයෙන්. අපි ඉන්නේ පෝෂණ අවශ්‍යතාවයේ විශාල අර්බුදයකයි. අවුරුදු පහට වඩා අඩු දරුවන්ගෙන් 19%ක් මන්දපෝෂණයට ගොදුරු වෙලා තිබෙනවා. ගැබිණි මව්වරුන්ගෙන් 22%කට ආසන්න ප්‍රමාණයක් රක්ත හීනතාවයෙන් පෙළෙනවා. අඩු බර දරු උපත් සංඛ්‍යාව වේගයෙන් වර්ධනය වෙමින් තිබෙනවා. පුරවැසියෙකුගේ දෛනික කිරි අවශ්‍යතාවය මිලි ලීටර් 200යි. අවුරුද්දකට කිරි මිලි ලීටර් මිලියන 1600ක් අවශ්‍යයි. 2022 ඉදිරිපත් කළ වාර්තාව අනුව මිලියන 380ක් තිබ්බාට 2023 ලීටර් මිලියන 345යි. සමහරු ගණනය කිරීම් කරන්නේ කිරි පරිභෝජනය කරන ප්‍රමාණය අනුව. ඒ අනුව කියනවා අපි 40%ක් නිෂ්පාදනය කර තිබෙනවා කියා. එය නිවැරදි ගණනය කිරීමක් නෙමෙයි. තව ඉදිරියේදි කිරි පරිභෝජනය කරන ප්‍රමාණය තවත් අඩු වේවි. ඒකෙන් කියන්න බැහැ කිරි නිෂ්පාදනය වැඩිවී තිබෙනවා කියලා. අපි බැලිය යුත්තේ පරිභෝජනය කරන ප්‍රමාණය ප්‍රමාණවත්ද කියන එකයි. ඒ අනුව අපට කියන්න බැහැ කිරිවලින් ස්වයංපෝෂිතයි කියලා. ජනතාවගේ පෝෂණ අවශ්‍යතාවය සම්පූර්ණ කිරීම සඳහා පශු සම්පත් ක්ෂේත්‍රය අපට ඉතා වැදගත්.

Vet-Summit

අපේ රටේ කිරි නිෂ්පාදනයෙන් 90%කට ආසන්න ප්‍රමාණයක් දෙන්නේ සුළු නිෂ්පාදකයන් විසින්. ඒ නිෂ්පාදකයන්ගෙන් 80%ක් පමණ සිටින්නේ දුප්පත්භාවයේ රේඛාවට යටින්. ඒක ඒ අයගේ ආර්ථික තත්වය ශක්තිමත් කිරීම සඳහා ප්‍රමාණවත් වෙලා නැහැ. අපේ රට මුහුණ දී තිබෙන ප්‍රධාන ප්‍රශ්නයක් දුප්පත්භාවය. පාරම්පරික දුප්පත්භාවය, යම් ආපදාවයන් නිසා ඇති වන දුප්පත්භාවය, අනපේක්ෂිත තත්වයන් නිසා ඇති වන දුප්පත්භාවය, ඈත ග්‍රාමීය ජනපදවල ඉපදීම හේතුකොටගෙන ආර්ථික අවස්ථා නොමැතිවීමෙන් ඇතිවී තිබෙන දුප්පත්භාවය. අපි මුහණ දෙන ප්‍රශ්නයක් තමයි. මේ දුප්පත්භාවය සමාජයෙන් තුරන් කරන්නේ කොහොමද කියන එක. දුප්පත්භාවයට පත්වුණු ජනතාව ආර්ථික ක්‍රියාකාරිත්වයකට කැඳවන්න නම්, ඒ අයට තමන් නියැලෙන ආර්ථික ප්‍රභවය තමන්ට ශක්තිමත් ආදායමක් ලබාදෙන ප්‍රභවයක් බවට වර්ධනය කරන්න ඕනෑ. දුප්පත්භාවය තුරන් කිරීම සඳහා ආර්ථික අවස්ථා නැති කණ්ඩායම්වලට නව ආර්ථික අවස්ථා සත්ව පාලනය පශු සම්පත් ක්ෂේත්‍රය මගින් ඇති කළ හැකියි. ඒ සඳහා ඒ තුළ විභවතාවයක් තිබෙනවා. ග්‍රාමීය දුප්පත්භාවය තුරන් කිරීම සඳහා පශු සම්පත් ක්ෂේත්‍රයට විශාල වගකීමක් පැවරෙනවා. එක් අවස්ථාවක රජය මගින් ආනයනය කළ එක් එළදෙනකගේ වටිනාකම ලක්ෂ හතරහමාරක් වුණා. රජය ලක්ෂ දෙකහමාරක සහනාධාරයක් ගොවියෙකුට දෙන්න තීරණය කළා. වැඩිම සහනාධාරය ගත්තේ ඇමතිවරු දෙදෙනෙක්. දුප්පත්කම නැති කර ගත්තෙ ඒ ඇමතිවරුන්. දුප්පත්භාවය තුරන් කිරීම සඳහා ඒ ඒ ආර්ථික ප්‍රභවය ඉලක්ක සහගතව ජනතාව වෙත කැටුව යන්න ඕනෑ.

තමන්ට අවශ්‍ය වෙන ආහාර ඒ ඒ රටවල් නිෂ්පාදනය කර ගැනීමේ වැදගත්කම අපට පශ්චාද් කොවිඩ් තත්වය විසින් ඔප්පු කර තිබෙනවා. ජාතික ආර්ථික සැලැස්මකදී තමන්ට අත්‍යවශ්‍ය ආහාර තමන් නිෂ්පාදනය කර ගත යුතුයි කියන සංකල්පය ලෝකයේම සාකච්ඡාවට බඳුන්වී තිබෙනවා. ඒ නිසා නව ආර්ථික සැලැස්මකට අප යා යුතුයි. අපේ ආර්ථික අර්බුදයේ මූලයන් දෙකක් තිබෙනවා. එකක් භාණ්ඩාගාරය වසරකට අවශ්‍ය රුපියල් ප්‍රමාණය උපයන්නේ නැතිකම. අපේ ආදායම වසරකට රුපියල් බිලියන 4168යි. ණය ගෙවීම, ණය වාරික ගෙවීම, රජයේ වියදම් සියල්ලම එකතුව රජයේ වියදම රුපියල් බිලියන 11,277යි. අපි භාණ්ඩාගාරයට අවශ්‍ය රුපියල් ප්‍රමාණය වගේම රටට අවශ්‍ය ඩොලර් ප්‍රමාණය උපයන්නේත් නැහැ. මෙතෙක් අනුගමනය කළ ආර්ථිකයේ ප්‍රතිඵලය තමයි මේ. ආණ්ඩුව ධනය උපයන්නේ නැහැ. එළියේ නිෂ්පාදනය වෙන ධනයෙන් පංගුවක් ආණ්ඩුව අරගෙන වියදම් කරනවා. සමාගම්වලින් එහි ලාභයෙන් ටැක්ස් ගසා පංගුවක් ගන්නවා. අර්බුදයට උත්තරයක් සොයා ගත හැක්කේ එළියේ ආර්ථිකය වර්ධනය කර, ප්‍රසාරණය කිරීමෙන් පමණයි. අපේ සැලැස්ම විය යුත්තේ එළියේ ආර්ථිකය වර්ධනය කර ගැනීම. එළියේ ආර්ථිකය වර්ධනය කර ගත යුත්තේ කෙසේද? එළියේ ආර්ථිකයේ විභවතාවය තිබෙන තැනක් තමයි පශු සම්පත් ක්ෂේත්‍රය. ඒ ආශ්‍රිතව කර්මාන්ත ගණනාවක් ආරම්භ කළ හැකියි. ඒ කර්මාන්තවලින් ජාතික ධනය උත්පාදනය කළ විට ඒකෙන් පංගුවක් ආණ්ඩුවට ගන්න හැකිවෙනවා. කිරි හා කිරි ආශ්‍රිත නිෂ්පාදන ආනයන කිරීම සඳහා 2022 වසරේ වැය කොට තිබෙනවා රුපියල් බිලියන 68ක්. (කෝටි 6800ක්) මේ නිෂ්පාදනය අපි උඩට ගෙනාවොත් ඩොලර් මිලියන 200කට ආසන්න ප්‍රමාණයක් ඉතිරි කර ගත හැකියි.

Vet-Summit

15 වැනි සියවසේ සිට 19 වැනි සියවස දක්වා කලාකරුවන්, විද්‍යාඥයන්, දේශපාලන චින්තකයන්, චිනතකයන් විසින් අනාගත ලෝකයක් පිළිබඳ පරිකල්පනය කළා. ඒ පරිකල්පනය කළ අනාගතය භෞතිකව ගොඩනැගුණේ විසිවන සියවසේදීයි. තාක්ෂණයේ, විද්‍යාවේ දියුණුව විසින් මිනිස්සුන්ට කන්න දෙන්න පුළුවන් කියන විශ්වාසය ඇති කළා. ඒ වගේම විද්‍යා හා තාක්ෂණ ක්ෂේත්‍රයන්හි විශාල පරිවර්තනයන් සිදුවුණා. ඒ පරිවර්තනයට අනුරූප වන පරිදි ලෝකයේ බොහෝ රටවල් තමන්ගේ ආර්ථිකයන් සකස් කර ගත්තා. අපේ ආර්ථිකයන් ඒ අනුව සකස් කර ගන්නවා වෙනුවට අපි ඒවායේ පරිභෝගිකයන් බවට පත් වුණා. විශාල ඖෂධ දියුණුවක් සිදුවුණා. සෞඛ්‍ය පිළිබඳව සොයා බැලීම සඳහා නවීන උපකරණ බිහිවුණා. නමුත් අපි කළේ ඒවා ගෙනත් අපි පරිභෝජනය කිරීමයි. විද්‍යාවේ, තාක්ෂණයේ ඇති වුණු දියුණුව අපේ ආර්ථික සංවර්ධන උපායමාර්ගයක් කර ගන්න අපි අසමත් වුණා.

නිෂ්පාදන පිරිවැය අඩුකර ගැනීමටත්, ගුණාත්මකභාවය වැඩිකර ගැනීමටත්, නිෂ්පාදනයේ අඛණ්ඩතාවය ආරක්ෂා කර ගැනීමටත් තාක්ෂණයේ විද්‍යාවේ සිදුවූ පරිවර්තනය අපි බද්ධ කර ගත යුතුයි. පෝෂණ අවශ්‍යතාවය සපුරාලීම, දුප්පත්භාවය තුරන් කිරීම, ජාතික ආර්ථිකය මුහුණ දී තිබෙන ගැටලු විසඳීම සඳහා පශු සම්පත් ක්ෂේත්‍රය ඉතා වැදගත් කොට සලකනවා. සුරතල් සතුන්ගේ ආරක්ෂණය මගින් රැකියා අවස්ථා උත්පාදනය සඳහාත් පශු සම්පත් ක්ෂේත්‍රය වැදගත් වෙනවා. රැකියා අවස්ථා උත්පාදනය වන්නේ එළියේ ආර්ථිකයක් ගොඩනැගීමෙනුයි. ඒ වගේම වර්තමාන තරුණ පරම්පරාවේ මනෝභාවය රැඳී තිබෙන්නේ නිදහස් රැකියා වෙතයි. අලුත් තරුණයාගේ මනෝභාවයට ගැලපෙන රැකියා අවස්ථා නිර්මාණය කරන්න අපි අසමත් වී තිබෙනවා. අපේ ජාතික ආර්ථික සැලැස්මේ වැදගත් ක්ෂේත්‍රයක් හැටියට පශු සම්පත් ක්ෂේත්‍රය සැලකෙනවා. පශු සම්පත් ක්ෂේත්‍රය සංවර්ධනය කරන්නේ කොහොමද? ඔබ එහි තාක්ෂණ ශිල්පීන්, විද්‍යාඥයන්, පර්යේෂකයන් හැටියට හඳුනාගෙන තිබෙන නිවැරදි දේ ක්‍රියාත්මක කිරීම සඳහා අවශ්‍ය වෙන, දේශපාලන නායකත්වය සැපයීම තමයි ජාතික ජන බලවේගයේ ආණ්ඩුවේ අපේ වගකීම. මෙම ක්ෂේත්‍රය වර්ධනය කිරීම සඳහා දැනටමත් දළ සැකැස්මක් සකස් කොට තිබෙනවා.

මෙතනදී ඉතාම වැදගත් වන්නේ මානව සම්පත. අපේ ශ්‍රම බලකායෙන් වෘත්තීමය ක්ෂේත්‍රයේ සිටින්නේ 15%යි. වෘත්තීමය ශ්‍රමය විසින් තමයි අනෙක් ශ්‍රමයන් ඵලදායී වෙන්නේ. වෘත්තිමය ශ්‍රමයන් නිර්මාණය කර ගන්න විශාල කාලයක්, විශාල වැය බරක් අපි දරනවා. පුහුණු කරන ලද මේ වෘත්තිමය ශ්‍රමය ආරක්ෂා කර ගැනීම දේශපාලකයාගේ සහ ප්‍රතිපත්ති සම්පාදකයන්ගේ වගකීමක්. වෘත්තියවේදීන්ගේ අයිතිවාසිකම්, අපි සුරක්ෂිත කළ යුතුයි. ක්ෂේත්‍රයේ විශාල අත්දැකීම් තිබෙන පර්යේෂකයන් වන ඔබ අපට සැලැස්මක් සකසා දෙන්න. අපි අවශ්‍ය නායකත්වය සපයන්නම්. එක තැනකදි අපි ගැටගැහෙමු. මේ රට ගැනීමට හැමදෙනාටම ඇත්ත වුවමනාවක් තිබිය යුතුයි. මේ ඇතිවී තිබෙන ව්‍යසනයෙන් මේ මාතෘ භූමියත් අපේ රටේ ජනතාවත් ගලවා ගත යුතුයි කියන එක හුයෙන් අපි ගැටගැහෙමු. අපි සියලු දෙනා එක සම්මුතියක සිට මේ රට අලුත් දිසාවකට පරිවර්තනය කරමු. ඒ සඳහා සියලු දෙනාට එකතු වෙන්න කියා ආරාධනා කරනවා.

Vet-Summit

“ලෝකය පුරා විශාල පිරිසක් රට ගොඩගන්න අවස්ථාව උදාවෙනතෙක් බලාගෙන ඉන්නවා
ඕස්ට්‍රේලියාව මෙල්බර්න් විශ්වවිද්‍යාලයේ ජාන වෛද්‍ය විද්‍යාව පිළිබඳ” -දෙපාර්තමේන්තුවේ ප්‍රධානී මහාචාර්ය චන්දන හේරත් මහතා-

සත්ව නිෂ්පාදන හා සෞඛ්‍ය දෙපාර්තමේන්තුවේ අවුරුදු හතක් වගේ කාලයක් සේවය කළා. මෙතන ඉන්න ආනන්ද වික්‍රමසූරිය, කුමාර සිල්වා අපි එකට වැඩ කළ අය. අපි වැඩ කරද්දි දේශපාලනඥයන්ගෙන් බොහොම ප්‍රශ්න ආවා. ඒ අය කියන කියන ආකාරයෙන් වැඩ කරන්න අපි කැමති වුණේ නැහැ. දෙපාර්තමේන්තුවෙනුත් ගොඩක් ප්‍රශ්න තිබුණා. ඒ නිසාම තමයි මට රට හැරයන්න සිදුවුණේ. මගේ ඒ යෑම නිසාම හොඳ දේවල් මට ලැබුණා. නවසීලන්තයට, ටෝකියෝවලට, ඇමෙරිකාවට ගියා. ඊට පසුව ඕස්ටේ්‍රලියාවට ඇවිත් අවුරුදු 20ක් විතර වෙනවා. අපි ග්‍රීන් හෙවන් එකක් බලාගෙන නොවෙයි ගියේ. ඕස්ටේ්‍රලියාවේ මෙල්බර්න්වල ජීවත් වුණත් අපේ හදවතින් ඉන්නේ ශ්‍රී ලංකාවේ. නිදහස් අධ්‍යාපනයෙන් ඉගෙන ගෙන අධ්‍යාපනය රට රටවල ගොස් වෘත්තිකයන් හැටියට වැඩ කරලා අපට යන්න තිබෙන ඉහළ තැන්වලට ගොස් අපි වැඩ කරනවා. මේ රටේ ජනතාවගේ බදු මුදල්වලින් නොමිලේ තමයි අපට ඉගැන්නුවේ. අපේ හිතේ ලොකු වගකීමක් තිබෙනවා අපේ රටට මොකක්ද අපි කරන්න ඕනෙ කියලා. අපි අවුරුදු 30ක් තිස්සේ යාළුවෝ හමුවුණාම කතා කරන්නේ කොහොමද අපි අපේ රටට සේවය කරන්නේ කියලා. යාළුවන් කියන්නේ, අපට කවදාවත් අවස්ථාවක් ලැබෙන්නේ නැහැ. පාලකයෝ හැම දෙයක්ම විනාශ කර තිබෙන්නේ. පාලකයන් ඒ ගොල්ලන්ගේ පවුල් නඩත්තු කරනවා, ජනතාව හැමදාම දුක් විඳිනවා කියලා.

අපිට අපේ සේවය ලබාදිය හැකි අවස්ථාවක් එනකම් බලාගෙන සිටියා. 2022 අපේ රට ආර්ථික තත්වයෙන් පතුලටම වැටිලා, ලෝකයේ කළු තිතක් වගේ ශ්‍රී ලංකාව පේන්න තිබෙන්නේ. සත්‍ය වශයෙන් 2020වන විටත් මේ රට දශක කිහිපයක සිට ආර්ථික වශයෙන් පහළට ගොස් තිබුණේ. ඒ, රටේ පාලකයන්ගේ වරදින්. අපට තිබෙනවා ලොකු වගකීමක්, කොහොමද මේ රටේ ආර්ථිකය ගොඩගන්නේ කියලා. එහෙම හිතුව අපට මේ රට ගොඩගන්න අවස්ථාවක් උදාවෙලා තිබෙනවා. අනුර කුමාර දිසානායක සහෝදරයාගේ නායකත්වයෙන් යුතු ජාතික ජන බලවේගයේ පාලනයක් තුළ ඒ අවස්ථාව ලැබීම ගැන අපි හැමෝම සතුටු වෙනවා. කඩා වැටුණු ආර්ථිකය ගොඩගන්න ජාතික විද්වත් සංවිධානය මැදිහත්වී කටයුතු කරන්න සූදානම්. මම මෙල්බන් නුවර ජාතික විද්වත් සංවිධානයේ වැඩ කරනවා. ඒ සංගමය සහ මේ පශු වෛද්‍යවරුන්, වෘත්තිකයන් අපි සියලු දෙනාම එකතුවෙලා මේ රට ආර්ථිකයෙන් ගොඩගන්න ඕනෑ. ඒ සඳහා අපි එකට අත්වැල් බැඳ ගනිමු. ඇපකැපවී කටයුතු කළොත් ඒ අවස්ථාව ජය ගන්න පුළුවන්.

සත්ව නිෂ්පාදනය හා බිත්තර නිෂ්පාදනය, කෘෂිකර්මය සමග එකට ගැටගැසී තිබෙන ක්ෂේත්‍රයක්. හරකෙක් හදලා කිරි ටිකක් අරගෙන, කිකිළියක් හදලා බිත්තරයක් අරගෙන මේ ආර්ථිකය ගොඩගන්න බැහැ. අපි අවුරුදු පහක ප්ලෑන් එකකට යන්න ඕනෑ. මේ කාර්යය අමාරු ලෙස කෙනෙක් දකින්න පුළුවන්. අමාරු වුණත් අපි ඒ සිහිනය දකින්න ඕනෑ. ඒ සිහිනය සැබෑ කරගන්න, අපේ දක්ෂතාවයන්, නිපුණත්වයන් පාවිච්චි කරන්න ඕනෑ. අභිලාෂයන් සාක්ෂාත් කර ගන්න පුළුවන්. අපි මේ ක්‍රමය වෙනස් කරන්න ඕනෑ. එවිට තමයි සත්ව පාලනයෙන් ආර්ථිකයට දිය හැකි ලොකුම ශක්තිය දෙන්න හැකිවෙන්නේ. මට අවශ්‍ය වුණේ අපේ දැක්ම කොහොමද වෙන්න ඕනෑ කියන අදහස දෙන්න.

අපි ලෝබල් පික්චර් එක අපි දකින්න ඕනෑ. සත්ව පාලනය, කෘෂිකර්මාන්තයත් එක්ක ගැටගැහිලා තිබෙන්නේ. කෘෂිකාර්මික නිෂ්පාදනය වැඩි කරන්න, ආහාර සුරක්ෂිතභාවය ඇතිකරන්න සහ ආර්ථිකය ශක්තිමත් කරන්න අපට දැන් හොඳම අවස්ථාවක් ඇවිත් තිබෙනවා. අපට අවුරුදු පහක සැලසුමක් තුළ මේවා ක්‍රියාවට නගිය හැකියි. සත්ව පාලනයෙන් දළ දේශීය නිෂ්පාදිතයට දායකත්වය 7.4%ක් වෙනවා. එයින් 1.2%ක් සත්ව පාලනයෙන් ලැබෙනවා. කිරි නිෂ්පාදනයෙන් 0.6%ක් ලැබෙනවා. අපට මෙයින් පෙනී යන්නේ මෙහි ඇති වැදගත්කම. මේ කර්මාන්තයෙන් ඩොලර් බිලියන එකක් පමණ ආදායමක් ලැබෙනවා. එය අපට ඩොලර් බිලියන 2ක් දක්වා වර්ධනය කර ගන්න පුළුවනි. කිරි නිෂ්පාදනය ගත්තත් කිරි ලීටර් මිලියන 200ක් මිලියන 400ක් අතර තමයි වසරකට නිෂ්පාදනය වෙන්නේ. එම නිෂ්පාදනය දෙගුණයකටත් වඩා වැඩි ප්‍රමාණයක් දක්වා වර්ධනය කර ගන්න හැකියාව තිබෙනවා. කුකුළු පාලන කර්මාන්තයෙන් මෙට්්‍රක් ටොන් 17,000ක් වාර්ෂික නිෂ්පාදනය වෙනවා. එයින් ඩොලර් බිලියන 1.6ක පමණ වටිනාකම් නිෂ්පාදනය වෙනවා. මෙය සමාන්‍ය මට්ටමෙන් ඔබ්බට යන සැලසුමකට දියුණු කළොත් අපට විදේශ විනිමය උපයන හොඳ මාර්ගයක් කරගන්න පුළුවන්.

අපේ ඉලක්කය වෙන්න ඕනේ වැඩි කිරි නිෂ්පාදනයක් සහ ලෙඩ රෝගවලට ඔරොත්තු දෙන ගව වර්ග දියුණු කිරීමයි. පර්යේෂණ සහ සංවර්ධනය මේ සෑම දෙයකටම යොදා ගන්න ඕනෑ. එහෙම කළොත් අපට 50%ක් දක්වා කිරි නිෂ්පාදනය වර්ධනය කරන්න පුළුවන්. මස් වර්ගවලින් 30%ක් දක්වා වැඩි කරන්න පුළුවන්. ගවයන්ට සහ අනෙකුත් සතුන්ට පෝෂ්‍යදායී ආහාර දෙනවා නම් වැඩි ඵලදාවක් ලබා ගත හැකියි. ඒ වගේම කිරි නිෂ්පාදනයත් 20% – 25% දක්වා වැඩි කර ගත හැකියි. මස් නිෂ්පාදනයත් වැඩි කරන්න පුළුවන්. ඌරන් නිෂ්පාදනයත් හොඳ මාර්කට් එකක්. ග්ලෝබල් පික්චර් එක බැලුවාම විදේශ වෙළඳාම තුළ හොඳ වෙළඳපොළක් ඒ සඳහා තිබෙනවා. අපට ඒ අවස්ථාවලට යොමු වෙන්න හැකිවේවි. සත්ව ආහාර කර්මාන්තයක් ලංකාවේ තිබෙනවා. අපේ රට තුළින්ම අවශ්‍ය අමුද්‍රව්‍ය සපයාගෙන, පර්යේෂණ සහ සංවර්ධනය තුළින් එය දෙගුණයක් දක්වා වැඩිකර ගැනීමේ අවස්ථාවක් තිබෙනවා.

Vet-Summit

මාලිමාවේ ආණ්ඩුවක් තුළින් අපට මේවා ඉතා හොඳින් ක්‍රියාවට නගන්න පුළුවන් වේවි. අපේ කෘෂි නිෂ්පාදනවලින් වටිනාකම එකතු කරන ලද නිෂ්පාදන දේශීය වෙළඳපොළට හා විදේශ වෙළඳපොළට යැවීමට එය දියුණු කරන්න ඕනෑ. ෆුඩ් චේන් එකක් හදන්න ඕනෑ. ඒකට ගොවියන් ප්‍රමෝට් කරන්න ඕනෑ. කිරි නිෂ්පාදනය ගත්තොත් අපට එහි අතුරු නිෂ්පාදන ලෙස යෝගට්, චීස්, බටර් වගේ දේවල් හදන්න පුළුවන්. පර්යේෂණ සහ සංවර්ධනය මගින් අපට ආදායම 30% සිට 50% දක්වා වැඩිකර ගැනීමේ හැකියාව තිබෙනවා. එය අනිවාර්යයෙන් සිදු කරන්න ඕනෑ. ඊට අමතරව ජාන පර්යේෂණ කරන්න ඕනෑ. ඒක ඉතා වැදගත්. පශු වෛද්‍ය අංශයෙනුත් ජාන පර්යේෂණ කරනවා. ඔස්ටේ්‍රලියාවේ ඒ වගේ සමාන පර්යේෂණ හියුමන් රිසර්ච් අපි කරනවා. අපි ජානවල සංයුතිය බලනවා. ජෙනටික් මැපින් කර කිරි නිෂ්පාදනයට වැදගත් වන එක සොයා ගන්න ඕනෑ. වැනි නිෂ්පාදනයක් වෙනුවෙන් අපට ඒක පාවිච්චි කරන්න පුළුවන්. ඒකෙදි ඉතා වැදගත් වන්නේ අපි අන්තර් ජාතික ජාන පර්යේෂණයත් සමග අත්වැල් බැඳ ගැනීමයි. ඒ ගොල්ලන් ළඟ තමයි නව තාක්ෂණය තිබෙන්නේ. අපට බොහෝ දේවල් ඒ සමග ලබාගත හැකිවෙනවා. ඒ මගිනුත් අපට 15% සිට 20% දක්වා කිරි නිෂ්පාදනය වැඩිකර ගන්න පුළුවන් වෙනවා. ඒ වගේම අපි දේශගුණය ගැන බලන්න ඕනෑ. සීතලට ඔරොත්තු දෙන සත්තු නුවරඑළිය පළාතේත් වියළි දේශගුණයට ඔරොත්තු දෙන සත්තු අනුරාධපුර, පොළොන්නරුව පැත්තේ හදන්න පුළුවන්. ඒ වගේ ක්‍රමවලට අපට යන්න පුළුවන්. ජාන තාක්ෂණය මගින් ඒ ඒ දේශගුණයට ඔරොත්තු දෙන, ආහාර සුරක්ෂිතතාවය රැකගත හැකි ආකාරයෙන් ගවයන් අපට හදා ගන්න පුළුවන්. හරකුන්ගේ රැඳවුම් නිවාස සහ හොඳ කළමනාකරණයක් තුළින් තවදුරටත් නිෂ්පාදනය වැඩිකර ගත හැකියි.

ජෛව ආරක්ෂණ පියවරවල්, ක්‍රමවේදයන් අපි සැලසුම් කරන්න ඕනැ. අපි නිවැරදිව ප්‍රතිපත්ති සකස් කළොත් සත්තු ආරක්ෂා කර ගන්න පුළුවන්. උෂ්ණ දේශගුණ තත්වයට ඔරොත්තු දෙන සතුන් පරීක්ෂණ කර සොයාගෙන තිබුණොත් අපට සත්තු ආරක්ෂා කර ගත හැකියි. ඒ වගේම අපට තාක්ෂණය හරිම වැදගත්. ඕස්ටේ්‍රලියාවේ හැම ගොවියෙකුටම වහින කාලයත්, වහින්නේ නැති කාලයත් වගා කළ හැකි කාලයත්, වගා කළ නොහැකි කාලයත් පිළිබඳ තොරතුරු ආණ්ඩුවෙන් නැතිනම් ප්‍රාන්ත රාජ්‍යයෙන් දෙනවා. ලංකාවේ සත්ව කර්මාන්තය විශාල ලෙස කරන කිහිප දෙනයි ඉන්නේ. ඒ වුණත් අපට ඇප් එකක් හදා ගැනීම ඉතාම වැදගත්. ඔන් ලයින් ෆ්ලැට් ෆෝම් එකක් හදා ගන්නවා නම්, පර්යේෂණ සහ සංවර්ධන ආයතනයෙන් අර ඇප් එකට තොරතුරු ඇතුල් කරන්න පුළුවන්. උදාහරණයක් විදිහට, අනුරාධපුර, පොළොන්නරුව වැනි ප්‍රදේශවල “තව මාස දෙකකින් දරුණු කුණාටුවක් එන්න පුළුවන්. එයින් බේරෙන්න” යන පණිවිඩය දීමට පුළුවන්. ගොවියන් අතරට තොරතුරු ගලාගෙන යන එක ඉතාම වැදගත්. කිරි නිෂ්පාදනය තුළ විප්ලවීය තත්වයක් ඇති කරන්න පුළුවන්. මේ ලෝකයත් සමග යනකොට අපි ගෝලීය චිත්‍රය පිළිබඳව හිතන්න ඕනෑ. ලෙඩ රෝගවලට ඔරොත්තු දෙන ජාන මැප් කරලා, කෑමවල ගුණාත්මකභාවය වැඩිකරලා, ආහාර සුරක්ෂිතභාවය අපට ඇතිකර ගන්න පුළුවන්. ඒ වගේම මේ තුළින් රැකියා අවස්ථා ඇති වෙනවා. සත්ව පාලනයෙන් ලැබෙන ලාභය තෙගුණයක් කළහොත් රටේ ප්‍රධාන ආර්ථිකයට ලොකු දායකත්වයක් ලැබෙනවා. ගොවියන්ට සාධාරණ ලාභයක් ලැබෙනවා. ඒ තුළින් පවුල්වල සුරක්ෂිතභාවයක් ඇති වෙනවා.

අපි ස්වේච්ඡාවෙන්ම අපේ දැනුම, තාක්ෂණික දැනුම අපි දෙන්න සූදානම්. ඒ වගේම ලෝකය පුරාම විශාල සංඛ්‍යාවක් කැපවීමෙන් මේ කාර්යයට දායක වෙන්න ඒ අවස්ථාව උදාවෙනකම් බලාගෙන ඉන්නවා. ජාතික ජන බලවේගයේ රජයක් යටතේ ඔබත් විශාල කැපවීමෙන් ඔබේ දායකත්වය ලබා දෙන්න. ඔබගේ ඥාතීන්, යහළුවන්, හිතවතුන් අද රටේ තත්වය පැහැදිලි කර දෙමින් මේ සටන ජයග්‍රහණය කරන්න දායකත්වය දෙන්න කියා ඉල්ලනවා.

Show More