(-Colombo, June 04, 2024-) විශ්වවිද්‍යාල අනධ්‍යන කාර්ය මණ්ඩල අඛණ්ඩ වැඩවර්ජනය සහ එහි ප්රතිඵලයක් ලෙස විශ්වවිද්‍යාල පද්ධතිය තුළ මතුව ඇති අර්බුදය පිළිබඳව මෙම සභාවේ අවධානය යොමු කිරීමට කැමැත්තෙමි. රජයේ විශ්වවිද්‍යාලවල අනධ්‍යන සේවකයින් 13,000ක් පමණ මැයි 2දා සිට මාසයකට ආසන්න කාලයක් අඛණ්ඩ වැඩ වර්ජනයක නිරතව සිටිති. ඔවුන්ගේ වැටුප් හා දීමනා සම්බන්ධ ආරවුල් මෙන්ම ඒවාට අදාළ ගැටලු, බදු […]
(-Colombo, June 04, 2024-)
විශ්වවිද්‍යාල අනධ්‍යන කාර්ය මණ්ඩල අඛණ්ඩ වැඩවර්ජනය සහ එහි ප්රතිඵලයක් ලෙස විශ්වවිද්‍යාල පද්ධතිය තුළ මතුව ඇති අර්බුදය පිළිබඳව මෙම සභාවේ අවධානය යොමු කිරීමට කැමැත්තෙමි.
රජයේ විශ්වවිද්‍යාලවල අනධ්‍යන සේවකයින් 13,000ක් පමණ මැයි 2දා සිට මාසයකට ආසන්න කාලයක් අඛණ්ඩ වැඩ වර්ජනයක නිරතව සිටිති. ඔවුන්ගේ වැටුප් හා දීමනා සම්බන්ධ ආරවුල් මෙන්ම ඒවාට අදාළ ගැටලු, බදු ප්රතිපත්ති හේතුවෙන් මතුවන ගැටලු ආදිය මෙම වර්ජනයට හේතු වී තිබේ.
ඒ නිසා විශ්වවිද්‍යාල පද්ධතියේ අධ්‍යයන කටයුතු, විභාග කටයුතු, උපාධි ප්‍රදානෝත්සව ඇතුළු සියලුම කාර්යයන් සම්පූර්ණයෙන්ම ඇණහිට තිබෙනවා. මේ වර්ජන තත්ත්වය හදිසියේ ඇති වූවක් නොවේ. මාස 06කට අධික කාලයක් වෘත්තීය ගැටලු සම්බන්ධයෙන් නොවිසඳී ඇති තත්ත්වය හේතුවෙන් මතුව ඇති තත්ත්වය පිළිබඳව එම ක්‍රියාකාරී කණ්ඩායමේ සියලුම වෘත්තීය සමිති නියෝජනය කරමින් විශ්වවිද්‍යාල ඒකාබද්ධ වෘත්තීය සමිති පිරිසක් ඇමැතිවරුන් හා කළමනාකාරිත්වය සමඟ ලිපි හුවමාරු කිරීම වැනි සාකච්ඡාවල නිරතව සිටියහ.
කෙසේ වෙතත් අවසානයේ විශ්වවිද්‍යාල අනධ්‍යන කාර්යමණ්ඩලයට බලහත්කාරයෙන් වර්ජනයක් කරන තුරුම මේ සම්බන්ධයෙන් පිළිගත හැකි විසඳුමක් නොලැබුණු බව පැහැදිලිය.
විශ්වවිද්‍යාලයක මූලික අරමුණ ශිෂ්‍ය ප්‍රජාවගේ දැනුම වර්ධනය කිරීමේ අධ්‍යාපනික ක්‍රියාකාරකමක් වුවද ඒ හා සම්බන්ධ යටිතල පහසුකම් හා පහසුකම් හා සේවා සැපයීමේ වගකීම පැවරෙන්නේ අනධ්‍යයන කාර්ය මණ්ඩලයටය.
විශ්වවිද්‍යාල පද්ධතිය සාමාන්‍ය තත්ත්වයෙන් පවත්වාගෙන යාමට නම් මේ සියලු දෙනාගේම සහයෝගය ලබා ගැනීම අත්‍යවශ්‍යයි. එබැවින් සිසුන්ගේ අධ්‍යයන කටයුතු බාධාවකින් තොරව ගුණාත්මකව පවත්වාගෙන යාමට නම් අනධ්‍යන කාර්යය මණ්ඩලයේ ගැටලු කඩිනමින් විසඳිය යුතු බවට සැකයක් නැත. විශේෂයෙන්ම මෙවැනි ආර්ථික දුෂ්කරතා පවතින සමයක සිසුන්ගේ අධ්‍යයන කටයුතු සහ විභාග කටයුතු ප්‍රමාද වීම අධ්‍යාපන කටයුතුවලට සම්බන්ධ ඔවුන්ගේ ජීවිතවලට බලපාන අතර මවුපියන් මත පැටවෙන බර වැඩි කරයි.
මෙම තත්ත්වය යටතේ මතුවන පහත ගැටලු සම්බන්ධයෙන් අදාළ අමාත්‍යවරයා මෙම සභාවේදී ප්‍රතිචාර දක්වනු ඇතැයි අපේක්ෂා කරමි.
(-ජාතික ජන බලවේගයේ මාධ්‍ය හමුව – 2024.06.04-) අපි ඔබ හමුවෙන මොහොතේ ලංකාවේ විශාල ජනතාවක් පවතින අයහපත් කාලගුණ තත්වය නිසා විපතට පත්වී සිටිනවා. 84,750ක් පීඩාවට පත්වී 17දෙනෙකුගේ ජීවිත අහිමි වී තිබෙනවා. ඒ සියලු ආකාරයෙන් විපතට පත් ජනතාවට අපේ ශෝකය ප්‍රකාශ කරන අතර, මේ ජනතාවට සහන සැලසීම සඳහා ඉක්මනින් මැදිහත් වෙන ලෙස අපි ආණ්ඩුවට බල කරනවා. රතු […]
(-ජාතික ජන බලවේගයේ මාධ්‍ය හමුව – 2024.06.04-)
අපි ඔබ හමුවෙන මොහොතේ ලංකාවේ විශාල ජනතාවක් පවතින අයහපත් කාලගුණ තත්වය නිසා විපතට පත්වී සිටිනවා. 84,750ක් පීඩාවට පත්වී 17දෙනෙකුගේ ජීවිත අහිමි වී තිබෙනවා. ඒ සියලු ආකාරයෙන් විපතට පත් ජනතාවට අපේ ශෝකය ප්‍රකාශ කරන අතර, මේ ජනතාවට සහන සැලසීම සඳහා ඉක්මනින් මැදිහත් වෙන ලෙස අපි ආණ්ඩුවට බල කරනවා. රතු තරුව සහන සේවා බලකාය එක මිටට එකතු වී හැකි උපරිම උදවු උපකාර ලබාදෙමින් සිටිනවා. ඒ අතර ජනාධිපතිවරයා නව පාලම් 250ක් ඉදිකරන්න ලහි ලහියේ සූදානම් වෙනවා. ඔවුන්ගේ ව්‍යාපෘති තුළ ජන ජීවිත සමග එකට බද්ධ වුණු සංවර්ධනයක් ගැන අදහසක් නැහැ. ඒ වගේම පරිසරයට අවම හානි සිදුවන ලෙස ක්‍රියාකිරීමේ සැලසුම් ඔවුන්ට නැහැ. ඔහු කියන පාලම් 250 ඉදිකිරීමේදී ජන ජීවිතයට සහ පරිසරයට හානි නොකරන ලෙස සිදුකළ යුතු බව අවධාරණය කරනවා. කොළඹ පවා ප්‍රදේශ ගණනාවක් ගංවතුරෙන් යටවී තිබෙන්නේ, ජන ජීවිත ගැන නොසලකා සහ සොබාදහමට හානි කරමින් ගෙනයන ව්‍යාපෘති නිසයි. අවුරුදු 30-40ක් ජීවත් වුණු නිවාස රැයක් එළිවෙන විට ගංවතුරෙන් යටවී, පවුල් පිටින් මියයාමේ ඛේදවාචකය නිර්මාණය වී තිබෙන්නේ නිසි පරිදි පරිසර ශක්‍යතා අධ්‍යයන සිදු නොකළ නිසයි.
පාර්ලිමේන්තුවට ඉදිරිපත් කර තිබෙන කාන්තාවන් සවිබල ගැන්වීමේ පනත ඇතුළු පනත් කිහිපයක් පිළිබඳව අපගේ මූලික කරුණු දැක්වීම් කිහිපයක් සිදුකරනවා. පෞද්ගලිකව ඉදිරිපත් කළ පනත් සහ ආණ්ඩුව ඉදිරිපත් කළ පනත් මේ අතර පවතිනවා. ජාතික ලැයිස්තුවෙන් 50%ක් කාන්තාවන් පාර්ලිමේන්තුවට යැවීම, කාන්තා අයිතිවාසිකම් සහ තීරණ ගන්නා ප්රධාන මණ්ඩලවල අවම වශයෙන් කාන්තා නියෝජනය 30%ක් වත් සිටිය යුතුයි කියන යෝජනා ඉතාමත් හොඳ ඒවා. ඒ වගේම මේ පනත් නීතියකට එහා ගොස් ක්‍රියාත්මක තලයේදී නිසි ආකාරයෙන් ක්‍රියාත්මක කළ යුතු බව අපි අවධාරණය කරනවා. ‘ගැහැනු අපි එක මිටට’ කියන සංකල්පය යටතේ ජාතික ජන බලවේගය ක්‍රියාත්මක තලයේදී කාන්තාවන්ගේ පෞරුෂය, දේශපාලනය සහ නායකත්වය ගොඩනඟමින් ඉදිරියට යනවා. ආණ්ඩුක්‍රම ව්‍යවස්ථාවේ සහ අනෙකුත් පනත්වලින් නීති බවට පත්කිරීමේන් මේ තත්වය තවදුරටත් ශක්තිමත් වෙනවා. මේ සියලු නීති රීති සාර්ථක කර ගත හැක්කේ ගැහැනියට නිදහසේ තමන්ගේ සංස්කෘතික ජීවිතය ගතකර ගත හැකි රටක් ගොඩනැගීමෙන් පමණයි. ඒ රට ගොඩනැගීම වෙනුවෙන් ආණ්ඩුව වෙනස් කිරීමේ වගකීම ගැහැනුන් හැටියට අපට තිබෙනවා. ඒ වගේම විවිධ ක්‍රමයොදා මැතිවරණ කල්දැමීමට උත්සාහ කළහොත් ගැහැනුගේ ශක්තිය පෙන්වන්නට සිදුවෙන බවත් අභියෝගාත්මකව ප්‍රකාශ කරනවා.
“කඩදාසිවලට සීමාවුණු පනත්වලින් ගැහැනුන්ගේ ජීවිත සංවර්ධනය වෙන්නේ නැහැ”
-ජාතික ජන බලවේගයේ පාර්ලිමේන්තු මන්ත්‍රී ආචාර්ය හරිනි අමරසූරිය-
ජනාධිපති රනිල් වික්‍රමසිංහ පරිසර විශ්වවිද්‍යාලයක් ගැන කතා කළත්, මේ වන විට කවරුත් පීඩාවට පත්වී සිටින්නේ ඔහු ප්‍රමුඛ පිරිස පරිසරය නොසලකා ක්‍රියාත්මක කළ සංවර්ධන ව්‍යාපෘති නිසයි. දේශපාලන බලය පාවිච්චි කරමින් ඔහුගේ ආණ්ඩුව සහ ආණ්ඩුව තුළ සිටින මැති ඇමතිවරුන් සිදුකරන පරිසර හානි වහාම නැවැත්විය යුතු බවත් අවධාරණය කරනවා.
අපි මූලිකව කරුණු දක්වන්නේ අද (04) ආණ්ඩුව ඉදිරිපත් කර තිබෙන කාන්තාව සවිබල ගැන්වීමේ පනත සම්බන්ධයෙනුයි. කාන්තාවන් වෙනුවෙන් ස්වාධීන කොමිසමක් පත් කිරීමට ඒ පනත තුළින් යෝජනා කරනවා. මන්ත්‍රීවරියන්ගේ සංසදය වෙනුවෙන් එහි සභාපති, සුදර්ශනී ප්‍රනාන්දු පුල්ලේ මන්ත්‍රීතුමිය පුද්ගලික මන්ත්‍රී පනත් දෙකක් ඉදිරිපත් කර තිබෙනවා. ආණ්ඩුක්‍රම ව්‍යවස්ථාවට 22 වැනි සංශෝධනය සහ පාර්ලිමේන්තු මැතිවරණ සම්බන්ධයෙන් සංශෝධන පනතක් ඉදිරිපත් කර තිබෙනවා. ආණ්ඩුව ඉදිරිපත් කර තිබෙන සංශෝධන අප අතට පත්වුණේ තුන්වැනිදා. ආණ්ඩුවේ ඒ පනතින් යෝජනා කර තිබෙන කාන්තා කොමිසමට අමතරව වින්දිත කාන්තාවන් හට වඩාත් පිළිගත හැකි ආකාරයෙන් සමථ ක්‍රියාවලියක් ඉටුකිරීමට කාන්තා කටයුතු පිළිබඳව ඔම්බුඩ්ස්මන්වරයෙක් පත් කරන්න යෝජනා කර තිබුණත් පනතේ ඒ සම්බන්ධ වගන්ති පැහැදිලි නැහැ. අදාළ ඔම්බුඩ්ස්මන් වගකියන්නේ කාහටද යන්න පැහැදිලි මදි. ඔහුගේ ස්වාධීනත්වය තහවුරු කිරීම පිළිබඳව පැහැදිලි මදි. ඊට අදාළ සංශෝධන අපි යෝජනා කර තිබුණත් අදාළ කරුණු සම්බන්ධයෙන් නිසි පරිදි විමර්ශන සිදුකරන්න කාලය ප්රමාණවත් නැහැ.
මෙවැනි පනත් ප්‍රයෝජනවත් ආකාරයෙන් නිසි පරිදි ක්‍රියාත්මක වෙන්න නම්, නිශ්චිත අරමුණු වෙනුවෙන් ක්‍රියාත්මක කළ යුතු වෙනවා. ආණ්ඩුව මෙවැනි පනත් ගෙන ඒමේ පසුබිම විහිළු සහගත තත්වයකුත් පවතිනවා. මෙවැනි පනත් කිහිපයක් ගෙනැවිත් තිබෙන්නේ කාන්තා හා ළමා කටයුතු අමාත්‍යාංශයේ ප්‍රතිපාදන 50%කින් කපා හැරි ආණ්ඩුවක්. අදාළ පනත් ක්‍රියාත්මක කිරීමට මානව සම්පත් සහ වෙනත් යටිතල පහසුකම් සපයා ගැනීමට ප්‍රතිපාදන සපයා ගන්නේ කොහොමද? කොමිසම ක්‍රියාත්මක කරන්න මුදල් සපයා ගන්නේ කොහොමද? රනිල් වික්‍රමසිංහ යටතේ පනත් කෙටුම්පත් ඔහේ ගෙනැවිත් ඒ සම්බන්ධයෙන් සාකච්ඡා කිරීමටවත් ප්රමාණවත් තරම් කාලයක් ලබාදෙන්නේ නැහැ. පනත් සහ කඩදාසිවලට සීමාවුණු ප්‍රතිපත්තිවලින් මේ රටේ ගැහැනුන්ගේ ජීවිත සංවර්ධනය වෙන්නේ නැහැ. මහපොළොවේ ක්‍රියාත්මක වෙන්න නම්, ආණ්ඩුව මීට වඩා යථාර්ථවාදීව ක්‍රියා කළ යුතු බව අවධාරණය කරනවා. ජාතික ජන බලවේගයේ අපි, අවුරුදු ගණනාවක් පුරා බිම්මට්ටමේ සිට කාන්තාවන් සවිබල ගන්වමින් නායකත්වය ගොඩනඟන්න විශාල වැඩසටහන් කරගෙන යනවා. පක්ෂය තුළ එය ප්‍රතිපත්තිමය ලෙස බාරගෙන තිබෙන නිසා, යථාර්ථයක් කළ හැකිව තිබෙනවා. පනත්වලින් විතරක් නොවෙයි මහපොළොවේ ක්‍රියාත්මක කරන්න බැරෑරුම් ලෙස බාරගන්නා ලෙස සියලුම පක්ෂවලින් අපි ඉල්ලා සිටිනවා. ගැහැනුන්ව පිළිගන්නා, ගෞරව කරන සංස්කෘතියක් රට තුළ ඇති කළ යුතු බව අපි අවධාරණය කරනවා.
“අවුරුදු උත්සවයේදී භාවිතා කරන නම වෙනස් කළත් ආබාධ සහිත අයගේ අයිතීන් තහවුරු වෙන්නේ නැහැ”
-ජාතික ජන බලවේගයේ ජාතික විධායක සභික නීතිඥ කෞෂල්‍යා ආරියරත්න-
ඉදිරිපත් කරන මේ පනත් මූලධාර්මිකව අවශ්‍ය බව අපි අවධාරණය කරනවා. නමුත් මේ පනත් නිර්මාණය වී තිබෙන්නේ නිසි සංවාදයකින් සහ ක්ෂේත්රයේ අවබෝධයක් තිබෙන අයගේ අදහස් යෝජනා ලබාගෙන නොවෙන බව පේනවා. මානව හිමිකම් කොමිෂන් සභාව විසින් රජයට ඉදිරිපත් කර තිබුණු නිර්දේශයක් අනුව සියලු පනත් එකතු කර ශක්තිමත් ලෙස සිදුකළ යුතු බව පෙන්වා දී තිබුණා. නමුත් ආණ්ඩුව එය සැලකිල්ලට ගෙන නැහැ. ජාතික ජන බලවේගය ලෙස අපි වසර ගණනාවක් මේ පිළිබඳව සාකච්ඡා කරමින් විවිධ පාර්ශ්වවල අදහස් ලබාගෙන ශක්තිමත්, පිරිපුන් නීතියක් ගෙනඒම සඳහා කටයුතු කරමින් ඉන්නවා. නීති ගෙනඒමේදී නිසි උපදේශන ක්‍රියාවලියකින් අනතුරුව සහ ශ්‍රී ලංකාවේ ආණ්ඩුක්‍රම ව්‍යාවස්ථාවට එකතු කිරීම් කළ යුතු බව පෙන්වා දුන්නා. මේ ගෙනැවිත් තිබෙන පනත්වල අරමුණ හොඳ වෙන්න පුළුවන්. නමුත් ලංකාව මේ වන විටත් කාන්තාවන්ට එරෙහිව සියලු වෙනස්කම් පිටුදැකිීමේ ජාත්‍යන්තර සම්මුතියට අත්සන් කර තිබෙනවා. නමුත් ඒ සම්මුතිය ක්‍රියාත්මක කිරීමට අදාළව නීති රීති සම්මත කරගෙන නැහැ. උදාහරණයක් හැටියට ආණ්ඩුක්‍රම ව්‍යවස්ථාවේ 16වැනි ව්‍යවස්ථාව අනුව කාන්තාවන්ට අසාධාරණ ලෙස සලකන පෞද්ගලික නීති අභිබවා යාමේ හැකියාවක් ලැබී නැහැ.
ගෙන එන පනත් ක්‍රියාත්මක වෙන්න නම්, රටේ මූලික නීතියට අනුකූල වෙන්න ඕනෑ. පවතින ආණ්ඩු ක්‍රම ව්‍යවස්ථාවේ 12වැනි වගන්තියෙන් තහවුරු කර තිබෙන සමානාත්මතාවය පිළිබඳ නීති ක්‍රියාත්මක වීම දුර්වලයි. අසමානතාවය දුරු කිරීමේ වගන්ති අලුතින් ඇතුළත් කර නැහැ. ආබාධ සහිත තැනැත්තන්ගේ අයිතිවාසිකම් ආරක්ෂා කිරීම ඇතුළු වෙනත් අනන්‍යතා සහිත පිරිසගේ අයිතීන් ආරක්ෂා කිරීම ප්‍රායෝගිකව මේ වැනි පනත්වලින් කළ නොහැකියි. ආබාධ සහිත වූවන් වෙත හැඳුනුම්පතක් ලබාදීම, ප්‍රවේශයන් ලබාදීම, වැනි ඉල්ලීම් වසර ගණනාවක් පුරා සිදුකරමින් තිබෙනවා. නමුත් ඒ ඉල්ලීම් ප්‍රායෝගිකව ක්‍රියාත්මක වෙන පසුබිමක් සකස් කර නැහැ. අවුරුදු උත්සවයේදී භාවිතා කරන නම් වෙනස් කළත් ආබාධ සහිත වුවන්ගේ අයිතීන් තහවුරු වෙන්නේ නැහැ. ආණ්ඩුක්‍රම ව්‍යවස්ථාවට යෝජනා කර තිබෙන 22වැනි සංශෝධනය මගින් කර තිබෙන යෝජනා සහ මැතිවරණ පනත සංශෝධනය කිරීම සම්බන්ධයෙන් පවතින තත්වයත් මම පැහැදිලි කළ මේ පසුබිමට වඩා වෙනස් නැහැ. ඉදිරිපත් කර තිබෙන මෙම යෝජනා වෙත අපි ඉතා අගය කරනවා. මැතිවරණ කාලයක් පැමිණීමට නියමිත නිසා, මේ පනත් කෙටුම්පත් දෙක ඉක්මනින් සම්මත කරන ලෙසත් ඉල්ලා සිටිනවා. ජාතික ජන බලවේගයට මේ පනත් දෙක සම්බන්ධයෙන් බය නැතිව අත ඉස්සිය හැකියි.
අපි මුලසිටම යෝජනා කර තිබෙන්නේ සමස්ත පාර්ලිමේන්තුවේ මහජන නියෝජිතයන්ගෙන් 50%ක් වත් කාන්තාවන්ට ලැබෙන ලෙස ක්‍රමිකව වැඩිකළ යුතු බවයි. අපි යන ඒ ඉලක්කය සම්බන්ධයෙන් මේ පනත් දෙක මගින් දේශපාලනය සම්බන්ධව සවිඥානික කාන්තාවන්ට විශාල පිටුබලයක් දෙනවා. නමුත් මේ පනත් අභියෝගයක් වන්නේ කාන්තාවන් හිටියත් ඔවුන්ගේ මතය නොඉවසන දේශපාලන පක්ෂවලටයි. ලංකාවේ නීති සම්පාදන ක්‍රියාවලිය සිදුවන්නේ අවස්ථානුකූලවයි. නමුත් ඊට වඩා විධිමත් සමස්තය ආවරණය කෙරෙන නීති සම්පාදනය කිරීමේ කාර්යක්ෂම ක්‍රියාවලියක් අවශ්‍යයි. පනත් ගණනාවක් ගෙනත් සම්මත කර ගන්නා බව පෙන්නුවත් සමාජ සුරක්ෂතතාවය තහවුරු වෙන්නේ නැහැ. උදාහරණයක් හැටියට වැටුප් නොලබන සුරැකුම් කටයුතුවල යෙදී සිටින කාන්තාවන් සම්බන්ධයෙන් අගය කිරීමක් සිදුවන්නේ නැහැ. එක්සත් ජාතීන්ගේ මානව හිමිකම් කොමිසමට හෝ එවැනි සංවිධානවලට පෙන්වීමේ අරමුණෙන් පමණක් මෙවැනි පනත් සම්මත කර ගැනීමෙන් වළකින ලෙස, හුදු ලියැවිලි ලෙස සම්මත නොකළ යුතු බව අපි අවධාරණය කරනවා.
මාධ්‍යවේදීන් නැගූ ප්‍රශ්නවලට පිළිතුරු දෙමින් …
ප්රශ්නය: විවාදයට දින දෙකයි තිබෙන්නේ. ඊට තිබෙන සූදානම කොහොමද?
පිළිතුර: අපි නම් සූදානම්. නමුත් අපට හරි ප්‍රතිචාරයක් ලැබී නැහැ. අපේ පැත්තෙන් අපි සූදානම්.
ප්රශ්නය: ජනාධිපතිවරයාගේ කාලය දීර්ඝ කිරීමට පාලිත රංගේ බණ්ඩාර කර තිබෙන යෝජනාව සම්බන්ධයෙන් ඔබේ පක්ෂය ප්‍රතිචාර දක්වා නැති බවට චෝදනාවක් තිබෙනවා.
පිළිතුර: ඒ කියන අය එහෙම නම් නිදාගෙන ඉන්න ඇති. අපිට ලැබුණු සෑම අවස්ථාවකම මේ සම්බන්ධයෙන් අපේ මතය ඉතා පැහැදිලිව ඉදිරිපත් කර තිබෙනවා. රංගෙ බණ්ඩාරගේ නියෝජනය කරන පක්ෂයේ ජනාධිපති මේ යෝජනාව සම්බන්ධයෙන් දරන අදහස් මොකක්ද කියලා අපි දැනගන්න කැමතියි. ඔහුගේ මහා ලේකම් කරන මේ යෝජනාවෙන් ඔහුට ගැලවෙන්න බැහැ. එක්සත් ජාතික පක්ෂයේ මහා ලේකම් කරන යෝජනාව සම්බන්ධයෙන් ජනාධිපති මේ රටට උත්තර දෙන්න ඕනෑ.
ප්රශ්නය: ආර්ථිකය සවිබල ගැන්වීම ඇතුළු පනත් ගණනාවක් ආණ්ඩුව විසින් ගෙනැවිත් තිබෙනවා. ඒ සම්බන්ධයෙන් ඕබේ ස්ථාවරය මොකක්ද?
පිළිතුර: ජනාධිපතිවරයා ප්‍රශ්න විසඳන එකම ක්‍රමය පනත් ගෙන ඒම සහ කොමිෂන් සභා පත්කිරීමයි. රනිල් වික්‍රමසිංහගේ නායකත්වය හෝ සහභාගිත්වය තිබූ සියලු ආණ්ඩුවලදී විශාල කලබලයක් කරගෙන. විශාල මැදිහත්වීමක් කරමින් පනත් ගෙනාවා. 2015 යහපාලන ආණ්ඩුවේදී අලුත් ව්‍යවස්ථාවක් ගේන බවට අවුරුද්දකටත් වැඩි කාලයක් පමණ කතා කළා. අන්තිමට සිදුවුණේ මොකක්ද? ඔය ආකාරයෙන් පනත් සම්බන්ධයෙන් විශාල උනන්දුවක් දක්වමින් සම්මත කර ගත්තත් ඒ පනත්වල අරමුණු සම්බන්ධයෙන් ඔහුගේ ක්‍රියාකාරිත්වය පරස්පරයි. උදාහරණයක් හැටියට කාන්තාවන් සම්බන්ධයෙන් ගෙනත් තිබෙන මේ පනත්වලට මූලධාර්මිකව අපි එකඟයි. නමුත් ඒ පනත් ක්‍රියාත්මක කිරීමට අදාල ආර්ථික සංවර්ධන ක්‍රියාවලිය, දේශපාලන ක්‍රියාවලිය, ඔවුන් ක්‍රියාත්මක කරන දේශපාලන සංස්කෘතිය ඔවුන්ගේ අධ්‍යාපන ප්‍රතිපත්තිය, ඔවුන්ගේ කම්කරු නීති, ඔවුන්ගේ බදු ප්රතිපත්ති, ආදී සියල්ල තුළින්ම කාන්තවන් සවිබල ගැන්වීමෙහ් පනත්වල තිබෙන අරමුණුවලට අතිශයින් බාධාකාරියි; පරස්පරයි. මේ පනත් ක්‍රියාත්මක කිරීමේදී අපේ රටේ ගැහැනුන්ගේ ප්‍රශ්නවලට පිළිතුරු ලැබෙන බවට අපට කිසිම විශ්වාසයක් නැහැ. රනිල් වික්‍රමසිංහ ඇතුළු ආණ්ඩුව මේ පනත් ගෙන ඒමෙන් අපේක්ෂා කරන්නේ ජාත්‍යන්තරය ඉදිරියේ කරුණු දැක්වීම පමණයි. ඔන්ලයින් පනත සම්මත කර ගත්තත් එහි ඇතුලේ තිබෙන්නේ ප්‍රජාතන්ත්‍රවාදය සීමා කිරීමයි. කාන්තාවන් සවිබල ගන්වන පනත ගෙන ආ බව කීවත් එය ක්‍රියාත්මක කළ යුතු ආර්ථික පසුබිමක් සමග පරස්පරයි. නමුත් ඔවුන් මේ පනත් සම්මත කර ගෙන මැතිවරණ ජයග්‍රහණ කරන්න සිතුවත් එය තවදුරටත් කළ නොහැකියි. ජාත්‍යන්තරය රැවැට්ටිය හැකි යැයි අපි හිතන්නේ නැහැ.
(-Colombo, June 03, 2024-) ආණ්ඩුව ගෙන ඒමට යෝජිත ආර්ථික පරිවර්තන පනතට එරෙහිව ජාතික ජන බලවේගය විසින් අද (03) පස්වරුවේ ශ්‍රේෂ්ඨාධිකරණයට පෙත්සමක් ගොනු කරනු ලැබීය. ජාතික ජන බලවේගයේ ආර්ථික කවුන්සිලයේ සාමාජිකයින් වන සුනිල් හඳුන්නෙත්ති, ආචාර්ය හර්ෂණ සූරියප්පෙරුම යන අය පෙත්සම්කරුවන් වන අතර එම අවස්ථාවට ජාතික ජන බලවේගයේ ජාතික විධායක සභික ලංකා ගුරු සේවා සංගමයේ ප්රධාන ලේකම් […]
(-Colombo, June 03, 2024-)
ආණ්ඩුව ගෙන ඒමට යෝජිත ආර්ථික පරිවර්තන පනතට එරෙහිව ජාතික ජන බලවේගය විසින් අද (03) පස්වරුවේ ශ්‍රේෂ්ඨාධිකරණයට පෙත්සමක් ගොනු කරනු ලැබීය. ජාතික ජන බලවේගයේ ආර්ථික කවුන්සිලයේ සාමාජිකයින් වන සුනිල් හඳුන්නෙත්ති, ආචාර්ය හර්ෂණ සූරියප්පෙරුම යන අය පෙත්සම්කරුවන් වන අතර එම අවස්ථාවට ජාතික ජන බලවේගයේ ජාතික විධායක සභික ලංකා ගුරු සේවා සංගමයේ ප්රධාන ලේකම් මහින්ද ජයසිංහ ඇතුළු නීතිඥයින් සම්බන්ධ විය.
(-කුරුණෑගල තරුණ රැලිය – 2024.06.02-) මේ වනවිට අයහපත් කාලගුණික තත්වය හේතුකොටගෙන ආපදා තත්වයක් ඇතිවෙලා තිබෙනවා. ඇතැම් ප්‍රදේශවල ජනතාව අවතැන්වී සිටිනවා. ඒ වගේම ජීවිත අහිමිවීම් කිහිපයක් වාර්තා වී තිබෙනවා. වර්ෂාව නිසා මිය ගිය හා අසරණභාවයට පත්වූ ජනතාවට ජාතික ජන බලවේගය ලෙස අපේ පැත්තෙන් උදවු කරන්න, සහාය දෙන්න අපේ සහන සේවා බලකායන් ක්‍රියාත්මක වෙමින් තිබෙනවා. එහෙත් ගංවතුර […]
(-කුරුණෑගල තරුණ රැලිය – 2024.06.02-)
මේ වනවිට අයහපත් කාලගුණික තත්වය හේතුකොටගෙන ආපදා තත්වයක් ඇතිවෙලා තිබෙනවා. ඇතැම් ප්‍රදේශවල ජනතාව අවතැන්වී සිටිනවා. ඒ වගේම ජීවිත අහිමිවීම් කිහිපයක් වාර්තා වී තිබෙනවා. වර්ෂාව නිසා මිය ගිය හා අසරණභාවයට පත්වූ ජනතාවට ජාතික ජන බලවේගය ලෙස අපේ පැත්තෙන් උදවු කරන්න, සහාය දෙන්න අපේ සහන සේවා බලකායන් ක්‍රියාත්මක වෙමින් තිබෙනවා. එහෙත් ගංවතුර හේතුවෙන් සමහර ප්‍රදේශවල යාමට නොහැකිව තිබෙනවා. ගංවතුරකින් මිය යෑමටත්, මෙතරම් විශාල සංඛ්‍යාවක් අවතැන් වීමත්, සිදුවිය යුතු නැහැ. වැස්ස ස්වභාවිකයි. නමුත් අනතුර ස්වභාවික නැහැ. අපේ රටේ පාලකයින් දීර්ඝ කාලයක් අනුගමනය කරන ලද වැරදි සංවර්ධන ප්‍රතිපත්තිවල ප්‍රතිඵල තමයි වර්තමාන පරම්පරාව මේ බුක්ති විඳිමින් තිබෙන්නේ. ලෝකයේ විද්‍යාව හා තාක්ෂණයේ දියුණුව විසින් මෙවැනි අනතුරක් කල්තියා හඳුනාගෙන, වර්ෂාව වැඩිපුර ලැබෙන්නේ කුමන ප්‍රදේශයටද, ගංවතුර අවදානම තිබෙන්නේ කුමන ප්‍රදේශයටද යන්න හඳුනාගත හැකිව තිබෙනවා. හඳුනාගෙන මෙම ව්‍යසනයන් අවම කරගත හැකිව තිබෙනවා. දත්ත, තොරතුරු ලබාගැනීමට හැකි තාක්ෂණය දියුණු වී තිබෙනවා. නමුත් අපේ රටේ තාක්ෂණය උපයෝගීකර ගැනීමට අසමත්වී තිබෙනවා. මේ ව්‍යසනයන් අපට අඬගසා කියන්නේ මේ රට වෙනස් කළ යුතුයි කියන පණිවිඩයයි.
මේ ඉන්නේ ඉතාමත් ප්රබල බලපෑමක් කළ හැකි තරුණ පරම්පරාවක්. මේ පරම්පරාව ලෝකයට විශාල පණිවිඩයක් හා අත්දැකීමක් දුන්න පිරිසක්. අපේ පැරණි දේශපාලකයන්ටත්, දේශපාලකයන්ගේ ප්‍රතිපත්තිවලටත් ප්රබල ප්‍රහාරයක් එල්ලකර තිබෙනවා. මීට වසර දෙකකට පෙර මෑත ඉතිහාසයේ විශාල ස්වභාවික ජන නැගිටීමක් සිදුවුණා. පසුගිය දශක කිහිපය ඇතුලේ කොතනකවත් ජනතාව ස්වභිවික ලෙස සංවිධානය වෙලා පාරට බැහැලා, එහි පාලකයන් පලවා හැර නැහැ. මැදපෙරදිග යම් යම් රටවල්වල සිදුවීම් තිබුණත් ඒවා සිදුවුණේ යටි අරමුණු සහ යටි මැදිහත්වීම් අනුව. අපේ රටේ ස්වභාවිකව ජනතාව නැගිට්ටා. මේ ජනතාව අවදි කිරීමේ විශාල කාර්යභාරය කළේ වත්මන් තරුණ පරම්පරාව. වර්තමාන ලෝකය අපේ කාලයේ තිබුණු පරම්පරාව නොවෙයි. 1995 සිට 2009 දක්වා අවුරුදු 15 ඇතුළත ඉපදුණු පරම්පරාව ඉෂෙඞ් පරම්පරාව කියලා අපි හඳුන්වනවා. ඉන්පසු පරම්පරාව ඇල්ෆා පරම්පරාව කියලා හඳුන්වනවා. අපේ පරම්පරාව එක්ස් රම්පරාව 1965-1979 අතර ඉපදුණු අයයි. මෙතනට රැස්වී සිටින බොහෝ දෙනා අයිති වෙන්නේ ඉෂෙඞ් පරම්පරාවටයි. අපේ රටේ තිබෙන ගෘහ ඒකක ලක්ෂ 52න් ඒකක ලක්ෂ 30ක ඉෂෙඞ් පරම්පරාවට අයත් තරුණයෙක් හෝ තරුණියක් ජීවත් වෙනවා.
ඔවුන්ගේ අපේක්ෂාවන් වෙනස්, ගෙදරට බලපෑම් කළ හැකි ඩිජිටල් ලෝකයේ ජීවත් වෙන අයයි. ඒ පරපුර අපේ පරපුරේ තිබුණු සීමිත අවශ්‍යතා සහ ඉතා කුඩා ලෝකයට වඩා සම්පූර්ණයෙන්ම වෙනස් වී තිබෙනවා. පෑනේ මිතුරන්, ගුවන් විදුලියේ අසන්නන්ගේ ඉල්ලීම්, තැපැල් පත්, මූලික කරගත් පරම්පරාවෙන් වෙනස් වී ඩිජිටල් ලෝකයේ සැරිසරණවා. අපේ පරම්පරාව උදේ නැගිටලා මුලින්ම තේ එකක් බොනවා ඒ වෙනුවට ඔබේ පරම්පරාව මුලින්ම ෆෝන් එක අතට ගන්නවා. ඔබට වේගයෙන් තොරතුරු ගලාගෙන එනවා. අපට ලැබුණේ පෙරණ ලද තොරතුරු. පත්තරෙන් ලැබෙන තොරතුරුවලට ප්‍රතිචාර දක්වන්න තිබුණේ “කතෘට ලියුම්” තුළින්. ඔබට තොරතුරක් ලැබෙන විටම ඔබේ ප්‍රතිචාරය දක්වන්න පුළුවන්. අපි ඉතා කුඩා ලෝකයක තරුණ විය ගත කළත් ඔබ විශ්ව ලෝකයේ ගත කරනවා. 2022 තරුණ නැගිටීමට මූලික වුණේ මේ ඩිජිටල් විශ්ව ලෝකයයි. නමුත් ඒ අරගලයේ තිබුණු ඇත්ත ආධ්‍යාත්මික බැඳීම සහ ඔබ වෙත තිබුණු නැගීගෙන එන තරුණ පරම්පරාවේ අපේක්ෂාවන් ඛේදජනක අන්තයකට ගෙන ගියා. ඔබේ පරම්පරාව දේශපාලන පක්ෂ සමග සමීපව ගැටගැසී නොසිටියත් අපේ පරම්පරාවට වඩා අරමුණුවලින් දේශපාලනය සමග බැඳීම් තිබෙනවා. ඔවුන්ට යහපත් දේශපාලනයක අපේක්ෂාවන් තිබෙනවා.
නීතිය සාධාරණව ක්‍රියාත්මක වෙන, හොරකම් නැති රාජ්‍යයක් අපේක්ෂා කිරීම, සාධාරණ සමාජයක් වගේ සක්‍රීය පොදු දේශපාලන උවමනාවක යෙදී සිටින නිසයි, අරගලයට ඔබව කැඳෙව්වේ. තරුණ පරම්පරාවේ කැකෑරෙන වේදනාව තුළින් පැන නැගුණු අරගලය පාලකයන් හැඳින්වූයේ කුඩුකාරයන්ගේ වැඩක් කියලයි. මේ පාලකයන් පාඩමක් ඉගෙන ගන්නවා නම්, ඉගෙනගත යුතුව තිබුණේ අරගලයේ හරයෙන්. නමුත් ඔවුන් මුග්ධ, සාහසික ලෙස කුඩුකාරයන්ගේ නැගිටීමක් ලෙස හැඳින්වූවා. තවදුරටත් කීවේ ගණිකා වෘත්තියේ යෙදෙන්නන්ගේ නැගිටීමක් කියලා. අඩුම තරමින් එවැනි විශාල ජනතා නැගිටීමකින් වත් මේ පාලකයන් පාඩම් ඉගෙන නැහැ. ඈත ගම්මානයක ජීවත් වුවත් ගෝල්ෆේස් එකේ අරගලය සමග අධ්‍යාත්මික බැඳීමක් තිබුණා. පාලකයන් අඩුම ගානේ ඒ ආධ්‍යාත්මික බැඳීමවත් තේරුම් නොගෙන තමන්ගේ බලය යොදවමින් මර්දනය දියත් කරන්න උත්සාහ කළා. ප්‍රසන්න රණවීර ගුවන් තොටුපොළ සේවකයෙකුට පහරදීම, තොණ්ඩමන් ඇමතිවරයා ආයතනයකට කඩා පැන පාලන අධිකාරිය බිය වැද්දීම, කළ හැකි ආකාරයෙන් ඔවුන්ගේ බලය තාවකාලිකව ස්ථාපිත කරගෙන පරණ සතාට එළියට එන්න ඉඩහැර තිබෙනවා.
ජනතාවගෙන් කොල්ලකාගත් දේපළ නැවත පවරා ගන්න කියන සටන් පාඨය අරගලයේ තිබුණා. ඒ වගේම නීතිය එකලෙස ක්‍රියාත්මක නොවීම ඩයනා ගමගේ ඇමතිවරියගෙන් හොඳටම පැහැදිලි වෙනවා. ඇයට පුරවැසිභාවය නැති බව වඩාත් හොඳින් දන්නේ ඩයනාමයි. එහෙම තිබියදී පාර්ලිමෙන්තුවට ඇවිත් රාජ්‍ය අමාත්‍යවරියක් වී සිටින්නේ නීතියට වඩා උඩින් ඉන්නවා කියන හැඟීමෙන්. ඔබට පුරවැසි හැඳුනුම්පත නොතිබුණොත් කෙතරම් පීඩාවකට පත්වෙනවාද, නමුත් ඇයට රනිල් වික්‍රමසිංහගේ රැකවරණය තිබුණා. අවුරුදු හතරක් රැක ගත්තා. මිස් ෆයර් එකකින් දඬුවමක් ලැබුණා. ඩයනාට පුරවැසිභාවය නැති බව දෙවෙනියට දන්නේ රනිල්.
එදා නැගිටීම තුළ රටේ සම්පත් විකිණීමට එරෙහි මතයක් තිබුණා. දැන් යළි වේගයෙන් ලාභ ලබන රාජ්‍ය ආයතන ඇතුළු රටේ සම්පත් විකුණමින් සිටිනවා. අපේ අයි.ටී. කර්මාන්තයම අනතුරට ලක්කරමින් ලාභ ලබන ටෙලිකොම් ආයතනය විකුණන්න යනවා. තාවකාලික පාලකයන් ලාභ ලබන රක්ෂණ සංස්ථාව, පශු සම්පත් මණ්ඩලයේ අක්කර විසිඅට දාහක්, ලාභ ලබන ගෑස් සමාගම විකුණන්න යනවා. ඒකෙන් පැැහදිලි වන්නේ ගමේ භාෂාවෙන් කියනවා නම්, ගලේගහලාවත් හදන්න බැහැ කියන එකයි.
එදා 2022 නැගිටීමෙන් පාඩම් ඉගෙන ගන්නනවා නම් ඒ නැගිටීමේ හරය සමග සමපාතවන දේශපාලනයකට යා යුතුව තිබුණා. නමුත් ඒ දේශපාලනයේ තිබෙන්නේ ජාතික ජන බලවේගය තුළ පමණයි. 2022 අරගලයෙන් විශාල ආශ්වාදයක් ලැබුවත්, එය අවසානය නොවෙයි, එළඹෙන ජාතික මැතිවරණයකදී ජාතික ජන බලවේගයට බලය ලබා ගැනීම සඳහා කටයුතු කිරීම එහි දෙවන අදියරයි. අනාගතය තිබෙන්නේ ඉෂෙඞ් සහ ඇල්ෆා පරම්රාවේ අතේ. අනාගතය වෙනුවෙන් දේශපාලන අරමුණු පෙළ ගැසෙන්න ඕනෑ. විශේෂ දැනුමක් සහ ප්‍රාගුන්‍යයක් එදා පරම්පරාවට වඩා ඔබ එකතු කරගෙන තිබෙනවා. එදා චේන්පොටක් ගැනීමට, මුද්දක් හදාගැනීමට, මුදල් එකතු කර ගත් අරමුණු වෙනුවෙන් ගාමන් ෆැක්ටරිය උත්තරයක් වුණා. අද අධ්‍යාපන මට්ටමින් ඉහළ ගිහින් වෘත්තීය මටටමකට ආපු වෙනස් තරුණ පිරිසක් ඉන්නේ. ලෝකයේ ඇති නව වෙනස්කම් උකහා ගත් වෙනස් ජීවිත අරමුණු ඔබට තිබෙනවා. එදා තිබුණු රස්සාව අද ඔබට නොගැලපෙන නිසා, ගාමන්ට් ෆැක්ටරිවල ඇබෑර්තු පවතිනවා. නමුත් තරුණ තරුණියන්ට රස්සා නැහැ. හේතුව තරුණ තරුණියන් ජීවත් වෙන වර්තමාන ලෝකයට ඒ පුරප්පාඩු ගැලපෙන්නේ නැහැ. ගාමන්ට්වල ඉල්ලන ප්‍රාථමික ශ්‍රමය වෙනුවට දැනුම අත්දැකීම් සහිත වෙනම ශ්‍රම ප්‍රාගුන්‍යයක් ඔවුන් සතුව තිබෙන්නේ.
තරුණ පරම්පරාව ප්‍රතික්ෂේප කරන ලද ආර්ථිකයක් මේ රටේ තිබෙන්නේ. තරුණ පරම්පරාව වෙනස්වුණු වේගයට ආර්ථිකය වෙනස් වුණේ නැහැ. ඒ නිසා මේ ආර්ථිකය සමග සම්බන්ධ නොවෙන විශාල තරුණ පරම්පරාවක් එළියේ ඉන්නවා. ඒ තරුණ පරම්පරාවේ සිතිවිලි, අපේක්ෂාවන්, ජීවන රටාවන්වලට අනුරූපවන පරිදි ගලපන ආර්ථික ක්‍රමයක් ගොඩනැගීම අපේ අරමුණයි. 2030 වන විට මෘදුකාංග ඉංජිනේරුවන් මිලියන 45ක් ලෝකයට අවශ්‍ය වෙනවා. ඊට අදාළ සැලසුම්වලට තරුණ පරපුර ගෙනයන්න මේ පාලකයන් සැලසුම් සකස්කර තිබෙනවාද? එසේ නොවෙන නිසා අනාගත අවිනිශ්චිතතාවයෙන් පෙළෙන, රට අත්හැර යාමේ අරමුණ සහිත තරුණ පරපුරක් අද ඉන්නේ. නමුත් ඔබේ සිතුම් පැතුම්, අපේක්ෂාවන්, විලාසිතාවන්වලට අනුරූප සිනමාවක්, සංගීතයක්, ක්‍රීඩාවක් සම්බන්ධයෙන් සැලසුම් පවතින්නේ ජාතික ජන බලවේගයට පමණයි. නූතන ලෝකය සමග අත්වැල් බැඳගෙන යන ශ්‍රී ලංකාවේ තරුණ පරම්පරාවේ අරමුණු, ඉටුකරන්නේ ජාතික ජන බලවේගය පමණයි. අපි ලෝකයේ ඉතාමත් ප්‍රාථමික ශ්‍රම වෙළඳපොළක් මේ වන විට අත්පත්කරගෙන ඉන්නේ. මේ පරම්පරාවේ දුවා දරුවන්ගේ අනාගතය නිර්මාණය කිරීමේ සද් උවමනාවක් අපට තිබෙනවා.
ඒ වගේම සාම්ප්‍රදායික ප්‍රභූ දේශපාලනය ගෙනයන පවුල් දේශපාලනය තරුණ පරම්පරාව අතට මාරු කළ යුතුව තිබෙනවා. ස.ජ.බ. හෝ වෙන කිසිවෙකු එවැනි බලයක් තරුණ පරම්පරාවට ලබාදෙන්නේ නැහැ. සජිත් ඇතුළු සමගි ජන බලවේගයේ නායකයන් සියලුම දෙනා පෙර පරම්පරාවල පුතුන්. අනෙක් පැත්තෙත් ඉන්නේ පුත්තුන්ගේ එකතුවක්. අපේ තරුණ පිරිස යොදවා ගන්නේ ඔවුන්ගේ පෝස්ටර් ගහන්න, කැන්වසින් යන්න විතරයි. ජාතික ජන බලවේගයේ අපි කිසිවෙක් පාරම්පරික දේශපාලන පවුල්වලින් එන අය නොfවි. මේ රට වෙනස් කිරීම සඳහා නව දේශපාලන අපේක්ෂාවන් තෝරාගත් අය පමණයි ජාතික ජන බලවේගයේ ඉන්නේ. අපි මේ කරමින් ඉන්නේ ඔවුන් අතේ තිබෙන බැට්න් එක අරගෙන ඔබ අතට ලබාදීමේ ක්‍රියාමාර්ගයයි. ඉතා කෙටි කලකින් අපි ඒ බැට්න් එක ඔබ අතට ලබාදී ඔබ විසින් රට ගොඩනගන ආකාරය දෙස බලමින් සතුටු වෙන්න අපේක්ෂා කරනවා. නමුත් ඔවුන් ලේසියෙන් බලය අත්හරින්නේ නැහැ. ඔවුන් සතු පවුල් බලයත් රාජ්‍ය බලයත් යොදවා දේශපාලන බලය අල්ලාගෙන ඉන්න උත්සාහ කරනවා. පුතාට බැට්න් එක ලබාදෙන්න හැකි සෑම දෙයක්ම පියා කරනවා. එහෙම නම් අපි පොරබදලා මේ බැට්න් එක මාරුකර ගන්න එළඹෙන ජාතික මැතිවරණය යොදාගත යුතු වෙනවා.
බලය මාරුකර ගන්න සුදුසු අවස්ථාව එන තුරු ධෛර්යයෙන් අල්ලාගෙන සිටිය යුතුයි. පුද්ගලිකව ගත්තොත් මගේ ජීවිතයෙන් අවුරුදු 35ක් ඒ අල්ලාගෙන සිටීම කළා. අවලාද, අපහාස, චෝදනා ජනතාව ප්‍රතික්ෂේප කිරීම, 3%ට වැට්ටවීම් සියල්ල මැද්දේ අල්ලාගෙන සිටිමේ කාර්යභාරය පසුගිය කාලය පුරාම සිදුකර තිබෙනවා. දැන් අවස්ථාව එළඹී තිබෙනවා. මුලින් පවත්වෙන්නේ ජනාධිපතිවරණය ද, මහ මැතිවරණය යන්න තෝරා ගැනීමට බැරි තරමට පාලකයන් අර්බුදයට ගොස් සිටිනවා. පොහොට්ටුවට අපේක්ෂකයෙක් තෝරා ගැනීමට නොහැකිවී තිබෙනවා. රනිල් වික්‍රමසිංහ ජනාධිපතිවරණයට ඉල්ලනවාද නැද්ද යන්න තීරණය කළ නොහැකි තත්වයක් මතුවෙලා තිබෙනවා. සාම්ප්‍රදායික ලෙස තිබෙන ආණ්ඩුවෙන් පස්සේ විපක්ෂ නායකයාට ඔටුන්න වැටුණු කාලය දැන් අවසන්. ඒ නිසා ඔවුන් විශාලතම මානසික පීඩාවට ලක්ව සිටිනවා. ඉස්කෝලේ ළමයි ඉදිරියේ කියන කතා බැලුවාමත් ඔවුන්ගේ මානසික ආතතිය පැහැදිලි වෙනවා. විපක්ෂ නායක විහිළු කාරයෙක් වෙලා.
කුරුණෑගල දිස්ත්‍රික්කයේ තරුණ ඔබගේ බලය, ශක්තිය ඇතුගල්පුරටත් වඩා විශාල බව අපි හිතනවා. අපි හැමෝම එකතුවී ප්‍රබෝධමත්ව සතුටින් ජයග්රහණයේ ආස්වාදය සහිතව සිනහමුසු මුහුණින් මේ පරිවර්තනයට දායක වෙමු. සියලු දෙනාට ජය ප්‍රාර්ථනා කරනවා.
“තරුණ අපිත් හැරටමියෙන් යනතුරු රට හැදෙයි කියා බලාගෙන සිටිය යුතුද?”
-සමාජවාදී තරුණ සංගමයේ ජාතික කමිටු සාමාජිකා නිපුණා සාරංගි-
ලෝක ඉතිහාසයේත් අපේ රටේ ඉතිහාසයේත් තරුණ තරුණියන්ගේ ජීවිත තිබණේ මේ ආකාරයෙන් නොවෙයි. අපි යම් අයිතිවාසිකමක් දිනාගෙන තිබෙනවා නම්, ඒ කිසිවක් පාලකයන් අපට බන්දේසිවල තියලා ලබාදෙන්නේ නැහැ. ගැහැනුන්, මිනිසුන්, තරුණ තරුණියන් එකතුවී අරගල කර ලබාගත් ජයග්‍රහණ ඒවා. අපිට අපි තුළ සටනක් තිබෙනවා. එය නිරවුල්ව සිදුකර ගත් නිසයි, ඔබ සැමදෙනා මෙතනට රැස්වී සිටින්නේ. සාම්ප්‍රදායිකත්වයෙන් තොරවී නූතනත්වය දිනාගැනීම වෙනුවෙන් අපිට සටනක් තිබෙනවා. රටේ තරුණ තරුණියන් ජාතික ජන බලවේගය වටා එක්වී සිටින්නේ ඒ නූතන අභියෝග බාරගත් තරුණ පරපුර ලෙසයි. මීට වඩා ලස්සන රටක්, හොඳ අනාගතයක් හොඳ ලෝකයක් අපි කවරුත් බලාපොරොත්තු වෙනවා.
තරුණ පරපුර අතේ තිබෙන නව තාක්ෂණය පවා පාලකයන් යොදා ගත්තේ අපිව ජාති, ආගම්, කුල මල අනුව බෙදන්නයි. මෙන්න මේ ජඩ දේශපානයට එරෙහිව සටනක් අපට තිබෙනවා. අධ්‍යාපනයට සරිලන රැකියාවක්, ඒ රැකියාවෙන් ජීවත් විය හැකි ආර්ථිකයක් අපට තිබෙන්න ඕනෑ. නමුත් අද කයිවාරු ගහන නායකයන්ගේ උස නම්, සිකියුරිටි, මිටිනම් කම්කරු රැකියා දීමේ ක්‍රමය වෙනස් කරන්න ඕනෑ. පිනට ජනාධිපති වුණු සීයා අපට කියන්නේ 2048 වන තුරු ඉවසන්න කියලා. අපිත් හැරමිටියෙන් යන තුරු මේ රට දියුණු වෙයි කියා බලාපොරාත්තුවෙන්න ඕනෑද. අපේ තරුණ කාලයෙන් වැඩි කොටසක් දුර්දාන්ත පාලකයන්ගේ අමනෝඥ වැඩ නිසා විනාශවී අවසන්. අවුරුදු ගණනාවක් රට අගාධයට ඇදගෙන ගොස් පවුල් පාලනයකට ගෙනගිය පිරිස කෙසේ හෝ බලය රැකගන්න උත්සාහ කරනවා. නමුත් මේ තත්වය වෙනස් කර, අපේ ජීවිතය නූතනත්වයේ ඉඳලා ගොඩනගා ගැනීමේ අවස්ථාව තිබෙන්නේ ජාතික ජන බලවේගය තුළ පමණයි. භඡඡ ශදමඑය එක තුළ සිටින තරුණියන් ලෝකය වෙනස් කළ අයගේ ආදර්ශ අනුව යන ජයග්‍රාහී ගමනට සියලු දෙනාම එකතු වෙමු.
“රටේ හොඳම ජවය අද අයාලේ යන්න ඉඩ ඇරලා”
-ජාතික ජන බලවේගයේ ජාතික විධායක සභික නාමල් කරුණාරත්න සහෝදරයා-
මේ රටේ ඉඳලා තමන්ගේ අනාගතය ගොඩනඟා ගැනීමේ අපේක්ෂා සුන්වූ තරුණ තරුණියන් පාස්පෝට් පෝලිමේ ඉඳලත් තමන්ගේ අංකය ගන්න පගාව දෙන්න සිදුවී තිබෙනවා. රටට වැඩ කරන්න අවස්ථාවක් ගන්න උත්සාහ කළත් ඒ වෙනුවෙන් අවස්ථාවක් නැහැ. මනසට ලොකු බරක්, නිදි නැතිව කල්පනා කරනවා. අන්තිමේදී බෝට්ටුවෙන් හරි රටෙන් පැනලා යන්න කල්පනා කරනවා. තවත් සමහර අය සියදිවි නසා ගන්නවා. තවත් සමහර අය අකලට රෝගී වෙනවා. රටේ හොඳම ජවය අද අයාලේ යන්න ඉඩ හැර තිබෙනවා. රටම වෙලාගත් මත්ද්‍රව්‍ය ජාවාරමක් තිබෙනවා. වැඩිහිටියන්ට වඩා දැනුමෙන් තාක්ෂණයෙන් ඉදිරියෙන්ම ඉන්න තරුණයන්ගේත් ශ්‍රමය අපේ මව්බිමට ගන්න බැරිවී තිබෙනවා. මුළු රටම ඇද දා තිබෙන, අඳුරු අගාධයෙන් ගොඩගන්න ඕනෑ. ඒ වෙනුවෙන් අවස්ථාව දැන් උදාවී තිබෙනවා. ඉදිරි පරම්පරාව වගේම ඔබ සම්බන්ධයෙනුත් පැහැබර අනාගතයක් ගොඩනගන්න අපට හැකියාව තිබෙනවා.
ඒ අනාගතය වළක්වන්න විවිධ උපක්‍රම දියත් කරනවා. රංගේ බණ්ඩාර ඊයේ පෙරේදා මුට්ටියක් දාලා බැලුවා. පළවෙනි මොහොතේම එයට දැඩි ප්‍රහාර එල්ල කළා. සතුරු කණ්ඩායම් එක පොදියට ගාල්වී ඉදිරියට ආවත් ජන බලය හමුවේ ඔවුන්ට කිසිවක් කළ නොහැකියි. මෙතනට රැස්වී සිටින තරුණ පිරිස ඒ බව සනාථ කොට තිබෙනවා. ගෝල්ෆේස් අරගලයට පසුබිම නිරමාණය කළේ මේ රටේ ගුරුවරුන් සහ ගොවියන්. ගෝල්ෆේස් පිටියේ දැවැන්තම ශක්තිය වුණේ තරුණ ජවය. ඒ ඔබේ බලයෙන් සහ ශක්තියෙන් ජනාධිපතිවරයා බලයෙන් පළවා හැරියා. විධායක බලයට වඩා, කැබිනට් මණ්ඩලයේ බලයට වඩා තරුණ ශක්තිය සහ ජන බලය ප්රබල බව ඔප්පුකොට තිබෙනවා. ඇතුගල් පුරවරයේ තරුණ තරුණියන් යෝධ හස්තියන් වගේ ඉදිරියට පැමිණ ලංකාවේ වැඩියෙන්ම ඡන්ද තිබෙන කුරුණෑගල දිස්ත්‍රික්කයෙන් මාලිමාවේ ජනාධිපති අපේක්ෂකයා ඉහළම ඡන්ද ප්‍රතිශතයකින් දිනවීමට දැන් තියාම ක්‍රිකාරීවන ලෙස ආරාධනය කරනවා.
“මේක ජනාධිපතිලගේ මෝඩ පුතුන්ට අයිති රටක් නෙවෙයි”
-සමාජ ක්‍රියාකාරික වෛද්‍ය නජිත් ඉන්දික-
මේ රටේ තරුණ පරපුර ලේ දහදිය හළමින් 2022 අරගලයකින් ජනාධිපතිවරයෙක් එලෙව්වා. ඒකෙන් රනිල් වික්‍රමසිංහ ගේම් එකක් ගහලා ජනාධිපති වුණා. ඒ කාලය පුරාම ජාතික ජන බලවේගය එය එසේ නොවීමට කටයතු කළත්, ඒ මොහොතේ බහුතරයක් දෙනා එය පිළිගත්තේ නැහැ. අවසානයේ ලේ අත්වල තැවරුණු නරුමයෙක් ජනාධිපති බවට පත්කර ගත්තා. ගෝඨාභය රාජපක්ෂ පළවා හැරීමේදී තරුණ තරුණියන් අපේක්ෂා කළ දේ ඉදිරියට ගෙන යා නෙහැකි වුණත් පාඩම් ඉගෙන ගෙන ලක්ෂ ගණන් තරුණ තරුණියන් ජාතික ජන බලවේගය වටා ඒකරාශී වී අනුර කුමාර දිසානායක ජනාධිපති කරවීමට පෙළ ගැසී සිටිනවා. පසුගිය කාලයේ සිදුකළ අරගලය ජයග්‍රහණයෙන් කෙළවර කිරීමේ ආරම්භය සටහන් වන්නේ මාලිමාවේ ජනාධිපති කෙනෙක් සහ ආණ්ඩුවක් පත්කර ගෙන මේ රටේ සාමාන්‍ය අම්මා තාත්තාගේ අතට බලය ලබා ගැනීමෙන්. ඉන්පසුව මේ රට ගොඩගැනීමේ වගකීම් සහගත ක්‍රියාමාර්ගවලට මේ රටේ තරුණ තරුණියන් විශාල ශක්තියක් ලෙස ක්‍රියාකාරීව මැදිහත් වෙන බව අපිට විශ්වාසයි.
මේ අවස්ථාවේ රනිල්ගේ හෝ සජිත්ගේ රැස්වීමකට තරුණ තරුණියන් යන්නේ ඇයි? ආර්ථික බරින් මිරිකී සිටින සුළු පිරිසක් රස්සාවක් ගන්න බලාගෙන යන බව අපි දන්නවා. නමුත් මේ රටේ තරුණ තරුණියන් එකතු වී පසුගිය අවුරුදු තුන හතර පුරා ඊට වඩා විශාල දේශපාලන අරමුණක් වෙනුවෙන් රටම පෙළ ගස්වා තිබෙනවා. හැමදාම දණ ගස්වා, කොඳු කඩා සිටි තරුණ පිරිස 2022 නැගී සිටියා.
මීට අවුරුදු 43කට කලින් ජූනි 2වැනිදා යාපනයේ පුස්තකාලය ගිනි ගනිමින් තිබුණා. රනිල් වික්‍රමසිංහ කැබිනට් ඇමැතිකමක් දරපු ආණ්ඩුවේ මැරයන් යාපනයට ගිහින් විශාල ප්‍රචණ්ඩත්වයක් මුදාහැර ඡන්ද මංකොල්ලයක් සිදුකර අවුරුදු 33ක යුද්ධයක් නිර්මාණය කළා. කුරුණෑගල එවකට සිටි ඇමතිවරු පුද්ගලිකවම යාපනයට ගොස් ඒ මැරයන්ට නායකත්වය දී තිබුණා. උතුරේ දකුණේ දෙකේම ලක්ෂයකට වැඩි තරුණ ජීවිත විනාශ කිරීමේ පසුබිමක් එදා එක්සත් ජාතික පක්ෂ ආණ්ඩුව නිර්මාණය කළා. සාමාන්‍ය පවුල්වල දරුවන් හමුදාවලට බැඳුනා. යුද්ධයේදී වැඩිම පිරිසක් මිය ගියේ කුරුණෑගල දිස්ත්‍රික්කයෙන්. රනිල් වික්‍රමසිංහ තරුණ තරුණියන් ඝාතනය කරන්න ක්‍රියාකළ ආකාරය බටලන්ද කොමිෂන් වාර්තාවෙන් හෙළිකරනවා. අදත් ජාතිවාදය අවුස්සමින් පාලනය ගෙන යන්න කුරුණෑගල වඳ සැත්කම් ප්‍රශ්නයක් ඇදගෙන කේන්ද්‍රගත කර ගනු ලැබුවා. වෛද්‍යවරුන් පවා දැන දැනම ජාතිවාදය අවුස්සන්න ඒ ප්‍රචාරවලට දායක වුණා. මුළු රටක් අනිත් මනුස්සයා දෙස සැකයෙන් බලන්න පත්කරනු ලැබුවා. අවසානයේ පාස්කු ප්‍රහාරය බල උවමනාව වෙනුවෙන් දියත් කළා.
ඒ විතරක් නොවෙයි 1983 කළ දේම කරන්න නිකවැරටියෙන්, වාරියපොලෙන් උත්සාහ කළා. රටේ ජනතාවගේ ප්‍රශ්න විසඳන්න බැරිවෙන කොට ජාතිවාදය මතින් ජනමනස වෙනස් කරන්න දිගටම උත්සාහ කරනවා. නමුත් ජාතික ජන බලවේගයේ තරුණයන් හැටියට ඔවුන් එදා කළ සෙල්ලම්වලින් රට මුදා ගන්න අපි පෙරමුණට ඇවිත් සිටිනවා. ඒ අතර තවත් තරුණ පිරිසකට ජීවිතය ගැටගහගන්න අවශ්‍ය අවම ජීවන තත්වය ඇතිකර ගන්න බෝට්ටුවෙන් පැනයන්න සිදුවී තිබෙනවා. ඒ තත්වය වෙනස් කරන්න ප්‍රභූ දේශපාලනයෙන් මිදුණු සාමාන්‍ය ජනතාවගේ දරුවන් පෙරමුණට ඇවිත් දැක්මක් සහිතව ක්‍රියා කළ යුතු වෙනවා. ඉදිරි මාස තුන හතරක කාලය වෙනදාටත් වඩා වැඩියෙන් සාමූහිකව වැඩ කර, මේ රට වෙනස් කළ යුතුයි. මේ රට ඔබෙත් මගෙත් රට මිසක් ජනාධිපතිලාගේ මෝඩ පුත්තුන්ගේ රට නොවෙයි. නාමල් රාජපක්ෂගේ හෝ සජිත් ප්‍රේමදාසගේ හෝ ප්‍රභූ දේශපාලනයට අයිති රටක් නෙවෙයි. අපිට හැකි උපරිමයෙන් වැඩකර ඉතිහාසයේ පළමු වතාවට මේ රටේ පොදු ජනතාවගේ ජනාධිපති කෙනෙක් පත්කර ගෙන රට ගොඩනඟන්න දායක වෙමු.
“තරුණ අපි ස්මාර්ට් ගේමකට ලැහැස්තියි”
-සමාජවාදී තරුණ සංගමයේ ජාතික සංවිධායක එරංග ගුණසේකර-
පසුගිය මාර්තු 14 වැනිදා මාලිමාවේ තරුණ සමුළුව පවත්වා අලුත් අවුරුද්දෙන් පසුව මැයි දින ඉතිහාසයේ දැවැන්තම ජනතා බලය තුළ විශාල තරුණ පිරිසක් ඒකරාශී කළා. ඉන්පසු කුරුණෑගල දිස්ත්‍රික්කයේ ග්‍රාමසේවා වසම් 1600කට වැඩි ප්රමාණයක් පුරා අපේ ආදරණිය තරුණ තරුණියන් ගොස් ඇතුගලටත් වඩා විශාල කුරුණෑගල තරුණ බලය මාලිමාව වටා එක්රැස් තිබෙනවා. මේ බලයත් එක්ක අවුරුදු 76ක් මේ රටේ පාලනය දැරූ අය වෙව්ලන්න පටන්ගෙන තිබෙනවා. දේශපාලනය කරනවා කියන පුතානෝ විකට නළුවා අපිව කොපි කරමින් තරුණ රැලි කිහිපයක් පැවැත්වූවා. නමුත් අපි කියන්න කැමතියි, ඔයා තව තවත් ජෝකර් කෙනෙක් වෙනවා මිස අපිත් එක්ක හැරෙන්නවත් ඔයාට බැරි බව. පරණ ටෙලිෆෝන් එක අරගෙන ගිහින් අලි මංතරයක් කියන්න විතරයි එයාට ඉතිරි වෙලා තියෙන්නේ. මේ දිස්ත්‍රික්කයේ චණ්ඩි බලය පෙන්වමින් සිටි ජොන්ස්ටන් ප්‍රනාන්දුලා ප්‍රතික්ෂේප වෙලා ඉවරයි. මේ රටේ තාවකාලිකව බලයට පත්වී සිටින රනිල් වික්‍රමසිංහ ඇතුළු පිරිස බයවෙලා බෙදන්න පටන් ගෙන තිබෙනවා. ස්මාර්ට් යූත් එක්සිබිෂන් සහ ස්මාර්ට් යූත් නයිට් කියන වැඩසටහන් පටන් ගන්නා ලෙස හරින් ප්‍රනාන්දු ඇමතිගේ නිල ලිපි ශීර්ෂය සහිතව දන්වා යවා තිබෙනවා.
ඔවුන් කරන්නේ මොනවද? පසුගිය කාලයේ ඉරාජ්ලා එකතු කරගෙන ගාල්ල දිස්ත්‍රික්කයේ 18 සන්නිය නැටුවා. ඒ වෙනුවෙන් තරුණ සේවා සභාවේ මුදල් රුපියල් ලක්ෂ 20ක් වැය කර තිබෙනවා. අවුරුදු උත්සව සඳහා ලක්ෂ 200ක් වැය කර තිබෙනවා. ඉරාජ්ලා සම්බන්ධ කර ගත් තවත් සංගීත ප්‍රසංගවලට ලක්ෂ 220ක් වැයකර තිබෙනවා. ඊට අමතරව නුවර දිස්ත්‍රික්කයේ තිබෙන ජනාධිපති මන්දිරයට තරුණ තරුණියන් ගෙන්වා මාධ්‍ය සංදර්ශන පැවැත්වූවා. රනිල්ලාට, රාජපක්ෂලාට තවදුරටත් බලයක් නැති බව පැහැදිලිවීම නිසා තව තවත් බෙදන්න සූදානම් වෙනවා. තරුණ පරපුර වගේම රටේ ජනතාවත් මේ වන විට වෙනස්වී ඇති බව ඔවුන් තේරුම් ගෙන නැහැ. අද රටෙන් පිටවී යාමට පාස්පොර්ට් ගන්න ඉන්න පෝලිම එයාර් පෝර්ට් එකේ නැහැ. 2022 තරුණයන් 94180ක් රට ගිහින් තිබෙනවා. තරුණියන් 36499ක් රට ගිහින් තිබෙනවා. තරුණ තරුණියන් ලක්ෂ 09ක් පාස්පෝර්ට් හැදුවත් රැකියා සඳහා විදේශගත වී තිබෙන්නේ එක්ලක්ෂ හතළිස් දහසකටත් අඩු ප්රමාණයක්. ඔවුන්ගෙන් 77%ක් මැදපෙරදිගට ගිහින් තිබෙන්නේ. යුරෝපයට 7.4%ක්, ඕස්ටේ්‍රලියාවට සහ නවසීලන්තයට 0.9%යි. මෙයින් කියැවෙන්නේ සාතිෂය බහුතරය කම්කරු රැකියා සඳහා විදේශගත වූ බවයි.
ජාතික ජන බලවේගයේ අපි යෝජනා කරන්නේ වෘත්තිය දැනුමක් සහිතව විදේශ රැකියාවකට ගියහොත් මාසයකට ඩොලර් 2500ක් පමණ අම්මා තාත්තා වෙනුවෙන් එවන් පුළුවන්. එවැනි දැක්මක් සහිතවයි ජාතික ජන බලවේගය මානව සම්පත යොදවන්න සැලසුම් කරන්නේ. අධ්‍යාපනයට වැඩි පංගුවක් යෙදවිය යුතු බව අපි කියන්නේ මෙන්න මේ වෘත්තිය නිපුනත්වයක් සහිත පිරිසක් බිහි කරන්නයි. නමුත් පාලකයන් අදත් සිදුකරමින් සිටින්නේ අපේ හීන සිල්ලරට විකුණන එකයි. අපේ අම්මා තාත්තගේ ජීවිතවල සතුටක් නොතිබුණා වගේ තරුණ පරම්පරාවෙත් ජීවිත ඛේදවාචකයක් නොකරන පාලනයක් අපි ගොඩනගා ගත යුතු වෙනවා. අපිට ආර්ථික නිදහස, දේශපාලන නිදහස වගේම සංස්කෘතික නිදහසත් ඕනෑ. ඒ වෙනුවෙන් සමස්ත රටම නව නිදහස් සටනක් වෙනුවෙන් පෙළගස්වමින් සිටිනවා. මේ රටේ තරුණ තරුණියන් නව පුනරුද යුගයක කොටස්කරුවන් බවට පත්කර ගෙන සිටිනවා. අපිට නාස්තිකරන්න වෙලාවක් දැන් නැහැ. අවුරුදු 76ක් රට ගෙනගිය පාර වෙනුවට නව දිසාවකට හරවන්න ඕනෑ. එය කළ නොහැකි වුවහොත් මේ රට අඟලක්වත් ඉදිරියට ගෙන යන්න බැහැ. අපට ඉතිරි වෙන්නේ සොහොන් බිමක් විතරයි. ඒ නිසා තව මාස පහකින් අපේ රට නව නිදහස් සටනක, පුනරුද යුගයක ආරම්භයට පණ පොවන්න තරුණ පරපුර පෙළ ගැසෙන්න ඕනෑ. ස්මාර්ට් ගේමට අපි ලැහැස්තියි කියන පණිවිඩය රටට ලබාදෙන්න ඕනෑ. ඒ වෙනුවෙන් කුරුණෑගල දිස්ත්‍රික්කයේ තරුණ පරපුර වගේම රටේම තරුණ පරපුරට ශක්තිය ලැබේවා!
(-NPP ඉංජිනේරු වෘත්තිකයින්ගේ ජාතික සමුළුව – ශ්‍රී ජයවර්ධනපුර Monarch Imperial හිදී – 2024.06.01-) මේ අපි ඉදිරිපිට ඉන්නේ ශ්‍රී ලංකාව විසින් නිර්මාණය කරන ලද ඉතාම ශ්‍රේෂ්ඨතම මානව සම්පතක්. ඔබගේ දැනුම, හැකියාව, අත්දැකීම් මේ රට පරිවර්තනය කිරීමට ප්රමාණවත් තරම් හැකියාවන්ගෙන් ඔබ සමන්විතයි. අපේ රටටම තිබෙන්නේ ඉංජිනේරු ඉතිහාසයක්. ක්‍රි.පූ. 5වන සියවසේ පණ්ඩුකාභය රජු විසින් බසවක්කුලම වැව හැදුවා. එතනින් […]
(-NPP ඉංජිනේරු වෘත්තිකයින්ගේ ජාතික සමුළුව – ශ්‍රී ජයවර්ධනපුර Monarch Imperial හිදී – 2024.06.01-)
මේ අපි ඉදිරිපිට ඉන්නේ ශ්‍රී ලංකාව විසින් නිර්මාණය කරන ලද ඉතාම ශ්‍රේෂ්ඨතම මානව සම්පතක්. ඔබගේ දැනුම, හැකියාව, අත්දැකීම් මේ රට පරිවර්තනය කිරීමට ප්රමාණවත් තරම් හැකියාවන්ගෙන් ඔබ සමන්විතයි.
අපේ රටටම තිබෙන්නේ ඉංජිනේරු ඉතිහාසයක්. ක්‍රි.පූ. 5වන සියවසේ පණ්ඩුකාභය රජු විසින් බසවක්කුලම වැව හැදුවා. එතනින් පටන් ගත් අපේ වාරි කර්මාන්තය වැවි තිස්දෙදහසක් මහා සාගර වැනි වැව් නිෂ්පාදනය කිරීමට ඉංජිනේරු තාක්ෂණයට පණ දීල තිබෙනවා. ලෝකයේ කවුරුත් මවිත කරවන යෝධ ඇළ කි‍්‍ර.ව. පහේදි පමණ නිර්මාණය වෙනවා. කලා වැවේ සිට තිසා වැව දක්වා කුඩාවැව් 120කට ජලය පුරවමින් කුඹුරු අක්කර එකොළොස් දහසක් පෝෂණය කරවමින් සැතපුම් 54 ක් දිගට විශාල ජල කඳක් සහිතව යෝධ ඇළ ගලාගෙන යනවා. මුල් සැතපුම් 17 තුළ බැස්ම තිබෙන්නේ සැතපුමකට අඟල් එකයි. මීට අවුරුදු 1500කට පෙර නිර්මාණය කරන ලද අද ලෝකය මවිත කරවන සීගිරිය ඉතාමත් දියුණු නාගරික සැලැස්මක් තිබෙනවා. ඉතාමත් දියුණු වාස්තු විද්‍යාව එතන තිබෙනවා. ඉතාමත් දියුණු පරිසර පද්ධතියත් සමග බද්ධකර ගැනීමක් තිබෙනවා. ඉතාමත් දියුණු ඉංජිනේරු තාක්ෂණය තිබෙනවා. අපේ ඉතිහාසය තිබෙන්නේ අපට උරුම වූ දිගු ඉංජිනේරු ඉතිහාසයක්. ඒ ඉතිහාසය 17 වන සියවසේ අග භාගය හා 18 වන සියවසේ මුල් භාගයේ වාෂ්ප තාක්ෂණය සොයා ගැනීම ලෝකයේ කාර්මික ක්ෂේත්රයේ විශාල පිම්මක් පනිනවා. ඒ හරහා දුම්රිය සේවාවන්, නාවික කර්මාන්තයේ, පතල් කර්මාන්තයේ දියුණු වීම්, කර්මාන්ත ඇතුළට වාෂ්ප එන්ජින් එක ඇතුල් කිරීම ලෝකයේ මහා ජයග්රහණයේ පිම්මක් අත්කර ගන්නවා. එය අපි හඳුන්වනවා පළමු කාර්මික විප්ලවය ලෙස.
අප ගතකරමින් තිබෙන්නේ හතර වැනි කාර්මික විප්ලවයේ අග භාගයේ පස්වන කාර්මික විප්ලවයේ අභිමුව. මේ ලෝකයේ ඇති වුණු නව තාක්ෂණයේ පරිවර්තනයන් අපි උකහා ගැනීමට සමත්වුණාද කියන ප්රශ්නය අද අපි ඉදිරිපිට තිබෙනවා. මේ කාර්මික විප්ලවයන්ගෙන් ඇති වුණු ඉංජිනේරු දැනුම, තාක්ෂණික දැනුම, ආර්ථිකමය පරිවර්තනයක් උකහා ගැනීමට සමත් වූ රාජ්‍යයන්ට සංවර්ධනය කරා ළඟාවීමට මහා පිමි බවට පත්වුණා. එහි ප්රතිඵලයක් ලෙස වියට්නාමයට පුළුවන්කම ලැබෙනවා ඩොලර් බිලියන 433ක ආර්ථිකයක් නිර්මාණය කිරීමට. දකුණු කොරියාවට පුළුවන්කම ලැබෙනවා ඩොලර් ටි‍්‍රලියන 1.7ක ආර්ථිකයක් නිර්මාණය කරන්න. බංග්ලාදේශය ඩොලර් බිලියන 459ක ආර්ථිකයක් ලෝකයේ ඇති වූ නව වෙනස්කම්වලට අනුරූපීව තමන්ගේ ප්රතිපත්ති නිර්මානය කර ගැනීම, නිසාම ආසියානු කලාපය 21 වන සියවසේ සංවර්ධන කලාපය වී තිබෙනවා. නමුත් ශී‍්‍ර ලංකාව ඩොලර් බිලියන 70ක් නිර්මාණය කර ගෙන තිබෙන්නේ. ලෝකයේ ඇති වූ නව වෙනස්කම්, නව පරිවර්තනයන්, ජන ජීවිතයට, සමාජ පරිවර්තනයට, ආර්ථිකයේ ප‍්‍රගමනයට එකතුකර ගැනීමට අසමත් වුණු ජාතිකයක් ඒ නිසාම කොරියාව ඩොලර් බිලියන 685ක අපනයනය ආදායමක් උපයන කොට වියට්නාමය 380ක අපනයන ආදායමක් උපයන කොට බංග්ලාදේශය ඩොලර් බිලියන 70ක අපනයන ආදායමක් උපයනකොට ලංකාව ඩොලර් බිලියන 12ක අපනයන ආදායමක් උපයන්නේ.
අපේ පාලකයන් අතීතකාමිත්වයෙන් ජාතියක් හිරකරන ලද, ශ්‍රී ලංකාව ලෝකයෙන් විතැන් කරන ලද පාලකයන්. ලෝකය වේගයෙන් ගමන් කරමින් තිබෙන විට අපි ඒ පසුපස ඉබිගමනෙන් යනවා. මෙම තත්වය හුදු දත්ත ඇතුලේ, ආනයන අපනයන් ඇතුලේ, තාක්ෂණික දුප්පත්කම ඇතුලේ පමණක් තිබෙන්නේ නැහැ. එය සමාජයේ ව්‍යසනයක්, ඛෙදවාචකයක් බවට නිර්මාණය කරනවා.
ඒ නිසා 54%කට ආසන්න ජනතාව බහුවිධ දරිද්‍රතාවයෙන් පෙළෙන රාජ්‍යයක් බවට පත්වී තිබෙනවා. ජනගහනයෙන් 68%කට හරිහමන් ආහාරවේලක් උපයා ගැනීමට නොහැකි වී තිබෙනවා.
පවුල් ලක්ෂ 34කට මාසෙකට හාල් කිලෝ 10ක් ගන්න පෝලිමේ ඉන්න සිදුවී තිබෙන තත්වයක් ඇතිකර තිබෙනවා. අපි තවදුරටත් මේ ගමන මේ විදිහට යාමට ඉඩ දෙනවාද? අපි මෙය වෙනස් කරනවා.
සෑම පුරවැසියෙකුටම තමන්ගේ හෘද සාක්ෂියත් සමග පුරවැසියන්ගේ අඳෝනාව ඇසෙනවා නම්, ඇසට පෙනෙනවා නම්, පුරවැසියන්ගේ වේදනාව, ඔවුන්ගේ ජීවිතයේ කටුකත්වය හදවතට දැනෙනවා නම්, මේ තත්වය දෙස නිහ`ඩව බලා සිටිමේ හැකියාවක් නැහැ. හැම පුරවැසියෙකුගේම කාර්යභාරය තමයි මෙය වෙනස් කිරීම සඳහා පෙරමුණ ගැනීම. මෙය වෙනස් කිරීම සඳහා ධෛර්යය තිබෙන, විශ්වාසය තිබෙන බලාපොරොත්තුව තිබෙන මහා මිනිස් සමුදායේ එකතුව තමයි ජාතික ජන බලවේග. එය වටා එකතු වෙන්න කියා ඔබට ආරාධනා කරනවා. අපි මේක වෙනස් කරන්න ඕනෙ. මේක වෙනස් කරන්න නම්, ආර්ථික දේහයටත්, සමාජ දේහයටත් ප්රබල කම්පනයක් ඇතිකළ යුතුව තිබෙනවා. අපි කොහොමද මේ කම්පනය ඇති කරන්නේ? අලූත් දේවල් සොයා ගන්න, අලුත් දේවල් නිර්මාණය කරන සමාජයක් අපි නිර්මාණය කළ යුතුයි. පුරුදු විදිහට කෘෂිකර්මාන්තය, කර්මාන්තය, එදානෙදා ජීවන රටාව පවත්වාගෙන යමින් මේ සමාජය පරිවර්තනය කළ නොහැකියි. මෙම සමාජ පරිවර්තනය කිරීමට නම් නව දේ නිර්මාණය කළ යුතුයි. නව නිර්මාණාත්මක දේ ඇති කළ යුතුයි. අපි හිතනවා මෙම පරිවර්තනයේදී ඍගභගෘග ක්ෂේත‍්‍රයට විශාල වගකීමක් තිබෙනවා. නව පර්යේෂකයන්, අලූත් සංකල්ප, අලූත් අදහස්, අලූත් වෙළඳපොළවල් අවශ්‍යයි.
අපේ රටේ වැදගත්ම ආයතන බවට පත්වෙන්නේ වැඩිම මුදල් සංසරණය වන තැන්. වැඩිම ඉදිකිරීම් තිබෙන තැනට තමයි අමාත්‍යවරයා වැඩියෙන්ම කැමති තැන. මහාමාර්ග අමාත්‍යාංශය ලැබෙනවා නම්, ජනාධිපතිවරයාගේ හොඳම සැලකිල්ලක් එයාට ලැබෙනවා. වරාය අමාත්‍ය ධුරය ලැබෙන කෙනාට ජනාධිපතිවරයාගේ හොඳම සැලකිල්ල එයාට. බලශක්ති අමාත්‍ය ධුරය ලැබෙනවා නම් ජනාධිපතිවරයාගේ හොඳම සැලකිල්ල එයට හිමිවෙනවා. විද්‍යා හා තාක්ෂණ අමාත්‍ය ධුරය ලැබෙනවා නම් ජනාධිපතිවරයාගේ නරකම කැපිල්ලක් එයාට. ඒ නිසා මේකෙ පරිවර්තනය ඇති කරන්න ඍභෘ අත්‍යවශ්‍යයි. එළඹෙන 29 වැනිදා ලෝකයේත් ලංකාවේත් පර්යේෂකයන් සමග විශාල සාකච්ඡුා සභාවක් ලැහැස්තිකොට තිබෙනවා. අපේ විශ්වවිද්‍යාල විසින් නිර්මාණය කරන ලද විශාල පිරිසක් අද ලෝකයේ විශාල පර්යේෂණායතනවල වැඩ කරමින් ඉන්නවා. පස පිළිබඳ, අලූත් තාක්ෂණය පිළිබඳ විශාල පර්යේෂණ කරමින් ඉන්නවා ලංකාවේ විද්‍යාඥයන්. පිළිකාවට නිට්ටාවට බෙහෙතක් සොයා ගැනීමට පර්යේෂණ කරමින් ඉන්නවා ලංකාවේ විද්‍යාඥයන්. ලෝකය පුරා විවිධ ක්ෂේත්රවල පර්යේෂණවල නියැලෙන අපි ඔවුන් සමග සාකච්ඡුා පටන්ගෙන තිබෙනවා. බොහෝ දෙනෙක් 29වැනිදා ලංකාවට එනවා. එසේ නැතිනම් තාක්ෂණය හා සම්බන්ධ වෙමින් නව අදියරකට අපේ රට පරිවර්තනය කිරීම සඳහා උත්සාහ කරනවා.
ඊළඟට අපට අවශ්‍යයි දැක්මක් සහිත නායකත්වයක්. දැක්මක් සහිත නායකත්වයක් අවශ්‍ය වන්නේ දේශපාලනයට විතරක් නොවෙයි. අයි.ටී. ක්ෂේත‍්‍රය ඉදිරියට ගෙන යා හැකි, ප‍්‍රබලව හැප්පිය හැකි ප‍්‍රබලව පරිවර්තනයක් සිදුකළ හැකි අනාගතය දැකිය හැකි දැක්මක් සහිත නායකයන් හැදිය යුතුයි. ඒක හැම ක්ෂේත‍්‍රයකම නිිර්මාණය වෙන්න ඕනෙ. අපි වැඩිපුර කල්පනා කරන්නේ දැක්මක් ඇති නායකයන් ඕනෙ දේශපාලනයට විතරයි කියා. එසේ වන්නේ අපේ රටේ දැක්මක් නැති නායකයන් දේශපාලකයන් වන නිසා. ඉදිරි අනාගතය දකින, ඒ සඳහා සැලසුම් හදන එයට නායකත්වය දෙන නායකයන් හදන්න ඕනෙ. ඒකට විශාල බලපෑම් සහිත පුද්ගලයන් වෙන්න ඕනෙ. ඒගොල්ලන් සොයා ගන්න දේ ඒගොල්ලන් ඇතිකරන ව්‍යාපෘති, නැයැලෙන ව්‍යවසායකයා හැටියට මේ හැමදේටම බලපෑම් සහිත පුද්ගලයන් ලෝකයට අලූත් දේ නිර්මාණය කරන කොට ඒ බලපෑම් සහිත පුද්ගලයන්ගේ දායකත්වය අතිශය වැදගත්. ඉදිකිරීම් කර්මාන්තයේ, බලශක්ති ක්ෂේත්රයේ, අලූත් දිසාවන් තෝරන මග පෙන්වන බලපෑම් සහිත නායකත්වයන් අවශ්‍යයි. මාරි කියුරිලා, අයිස්ටයින්ලා, සිටීව් ජෝන්ස්ලා අවශ්‍ය නැද්ද? ඒ හැම ක්ෂේත‍්‍රයකම නව පරිවර්තනයක් ඇති කරන්නේ බලපෑම් සහිත නායකයන්. ඒ වගේම අපිට පැමිණීමට නියමිත අභියෝගයන් අභිබවා යා හැකි නායකත්වයක් අවශ්‍යයි. අභියෝගයන් හමුවේ දණින් වැටෙන, අභියෝගයන් හමුවේ පලා යන, හැකිළෙන නායකත්වයක් වැඩක් නැහැ.
මා මේ නැවත කියන්නේ දේශපාලකයන් ගැන පමණක් නොවෙයි. අභියෝගයන් හමුවේ පලා ගියා නම් න්‍යෂ්ටික බෝම්බයක් හැදෙන්නේ නැහැ. මිනිස් සංහතිය මේ තැනට වර්ධනය වෙන්නේ නැහැ. මානව සංහතිය මේ සංවර්ධනය අත්පත් කරගෙන තිබෙන්නේ අභියෝගයන් ජයග්රහණය කළ හැකි නායකත්වයක් අවශ්‍යයි. ඒ අය තමයි ටරදඅබ ඉ්ජනැරි මෙය මුළුමනින්ම වෙනස් කරන නායකත්ව ප‍්‍රජාවක් අපට අවශ්‍යයි. මේක තමයි මේ සමුළුවේ තේමා පාඨය වී තිබෙන්නේ. ඒ නිසා අපි හැමදෙනාම ග‍්‍රවුන් බේකර්ස්ලා බවට පත්වෙමු. ඒ වෙනුවෙන් ඔබ සැමදෙනාට මම ආරාධනා කරනවා.
අපිට අහිමි වී තිබෙනවා ගොඩක් දේවල්. ලෝකයේ ඇතිවෙන නව පරිවර්තනයන්ට සමගාමීව, සමාන්තරව අපේ රාජ්‍යය ඉස්සරහට ගෙනියන්න. අපි ලෝකයත් එක්ක ගවු ගණනකින් පිටුපසින් ඉන්නේ. මේක පරිවර්තනය කරන්න, සමස්ත පද්ධතිය අනෙක් පැත්ත හරවන්න නම්, වේගවත් අධිෂ්ඨානශීලීව, දේශපාලන නායකත්වයත් එක්ක ඒකාබද්ධ වූ මහජන ව්‍යාපාරයක් අවශ්‍යයි. ඇයි ඒ? අද ලෝකයේ ඉදිකිරීම් කර්මාන්තයේ ප‍්‍රබලතාවය ඩොලර් ට්‍රිලියන 11යි. 2030 වෙනකොට ඉදිකිරීම් ක්ෂේත්රයේ ආර්ථිකය ඩොලර් ට්‍්‍රලියන 17ක් (ඩොලර් බිලියන 17000) වෙනවා. අපේ රටේ ඉදිකිරීම් කර්මාන්තය ඩොලර් මිලියන 12යි. අපේ ඉදිකිරීම් කර්මාන්තය ඉදිරියට ගෙන යා හැකිද, මිලියන 22කට ජනතාවකට පමණක් අවශ්‍යවන ඉදිකිරීම් කරමින්. මේ ඉදිකිරීම් කර්මාන්තය මෙතනින් තවත් ඉදිරියට යන්න ඕනෙ. සක්‍යතාවය, හැකියාව, නිපුනතාවය තිබෙන ප්රබල සමාගම් ලංකාවේ ඉන්නවා. අපි ඒගොල්ලන් අගයන්නත් වටිනාකම් දෙන්නත් ඕනෙ. ඒගොල්ලන් සමග ලෝකයේ ඉදිකිරීම් කර්මාන්තයේ වෙළඳපොළට ප‍්‍රවිශ්ට වීම සඳහා අවශ්‍ය වෙන මග පෙන්වීම, දායකත්වය රාජ්‍ය අනුග‍්‍රහය ජාතික ජන බලවේගයේ පාලනයක් විසින් ලබාදෙන බවට සහතික වෙනවා. ඩොලර් බිලියන 17000ක් 2023 වෙනකොට ඉදිකිරීම් කර්මාන්තයෙන් යම් ප්රමාණයක් හෝ උපයා ගත යුතුයි.
ලෝකයේ වේගයෙන් මෘදුකාංග ක්ෂේත්රයේ වර්ධනයන් වෙමින් තිබෙනවා. ඒක අපි අත්හැරපු ක්ෂේත‍්‍රයක්. අපේ නායකයන්ට සුද්දා යනකොට දීල ගිය තේ, රබර්, පොල් ටිකයි විතරයි. එතනින් එහා ගියපු ලෝකයක් ගැන දකින්න දැක්මක් තිබුණේ නැහැ. ෂඔ ක්ෂේත‍්‍රය ලෝකයේ වේගයෙන් වර්ධනය වෙන බව හැටේ දශකයේ අග භාගයේදී පර්යේෂණවලින් එළියට එනවා. නමුත් අපි ඒකට සූදානම් වුණේ නැහැ. අපේ අසල්වැසි ඉන්දියාව ලෝකයේ දියුණුවන ෂඔ ක්ෂේත‍්‍රයට සමගාමීම තමන්ගේ ආර්ථික, අධ්‍යාපන ප්රතිපත්ති සකසා ගන්න සමත් වෙනවා. එහි ප්රතිඵලයක් ලෙස අද ඉන්දියාව එම ක්ෂේත‍්‍රය තුළ ආර්ථිකය බිලියන 150ක් ලබනවා. ලොකයේ තෙල් අපනයනය කරන ප්රධාන රටවලින් එකක් වන සෞදි අරාබියේ ආර්ථිකය ඩොලර් බිලියන 113යි. ලොකයේ ප‍්‍රධානම මෘදුකාංග සමාගම්වලින් උඩින්ම ඉන්න ඉන්දියාව සමත් වෙලා තිබෙනවා. ගූගල් ආයතනයේ ප්රධාන විධායක නිලධාරී සුන්දර් ඉන්දියානුවෙක්. ඒ වගේම ඇඩෝබි ආයතනයේ ප්රධාන විධායක නිලධාරී සංකානු නාරායන් ඉන්දියානුවෙක්. අයි.බී.එම්. ආයතනයේ ප්රධාන විධායක නිලධාරී, පාරෙමින් ක්‍රිස්නා ඉන්දියානුවෙක්. මයික්‍රෝ ආයතනයේ ප්රධාන විධායක නිලධාරී, සත්‍යා නාදිල්ලා ඉන්දියානුවෙක්. ඉන්දියාවේ නායකයන්ට දැක්මක් තිබුණා ලෝකය ගමන් කරමින් තිබෙන්නේ කුමන දිසාවටද, කුමන වර්ගයේ ආර්ථිකයක් ද නිර්මාණය වෙන්නේ කියන එක ගැන.
අද අපිට විදේස් සංක‍්‍රාමවලින් ඩොලර් බිලියන හයක් විතර එනවා. මේ සංක‍්‍රාමවලින් වැඩිම පංගුව එන්නේ මැදපෙරදිගින්. ලෝකයේ ෂඔ වෙළඳපොළෙන් ඉතාමත් ප්රබල පංගුවක් අපට අත්පත් කර ගැනීම සඳහා ජාතික ජන බලවේගයේ අපි සැලසුම් හදා තිබෙනවා. 2023 වෙන විට බිලියන 19ක මෘදුකාංග ඉංජිිනේරුවන් අවශ්‍ය වී තිබෙනවා. අපට කාර් මාර්කට් එකත් එක්ක හෝ ෆෝන් මාකර්ට් එකත් එක්ක තරග වදින්න නොහැකි වේවි. අපි ෂඔ මාර්කට් එකේදි ඉන්දියාව සමග සම තරගකරුවන් වීමට පුළුවන්කම තිබෙනවා. සම වෙළඳපොළේ පංගුවක් එක්ක පමණක් නොවෙයි, ලෝකයට අවශ්‍යවන මෘදුකාංග නිර්මාණයේදී එකෙන් පංගුවක් අත්පත් කර ගන්න සමාගම් අපි ආරම්භ කළ යුතු වෙනවා. අපට ආයෝජකයන්ට ආරාධනා කරන්න සිදුවේවි. ආරම්භයේදී අපට තනිවම ප‍්‍රවිෂ්ට වීම සඳහා විභවතා නැති විය හැකියි. අපි අනෙකුත් මෘදුකාංග සමාගම් සමග ඒකාබද්ධවෙලා වර්ල්ඩි මාර්කට් එකට යන්න සැලසුම් හදා ගන්න ඕනෙ.
හයිඞ්රො පවර්, සෝලා පවර්, වින් පවර් විභවතාවයක් තිබෙනවා. මේ වනවිට අපේ සියලූ බලාගාරවල පද්ධතියම එකතුව ගත්තොත් ගිගාවොට් හතරයි. 2040දි ඇස්මේන්තු කර තිබෙන්නේ ගිගාවොට් අටයි. හැබැයි වින් පවර්වලින් විතරක් ගිගාවොට් 40ට වඩා වැඩි ධාරිතාවක් අපට තිබෙනවා. ඉතාමත් හොඳ විභවතාවයක්. ලෝකයේ ඉදිරි මාර්කට් එක හැදෙන්නේ බීන් හයිඩ‍්‍රජන්, පුනර්ජනනීය බලශක්ති ප‍්‍රභවයන් එක්ක. ඒ සඳහා හොඳ සක්‍යතාවයන් අපේ කර්මාන්ත අපේ පාරිභෝගිකයාට සාධාරණ මිලකට විදුලිය ලබාදීම සඳහා පමණක්ම නොවෙයි. එතනින් ඔබ්බට මාර්කට් එකට ප‍්‍රවිශ්ට වෙන්නේ කොහොමද කියා කල්පනා කර බැලිය යුතුයි. ඒ එතන අපට විභවතාවක් තිබෙනවා. ඒ වගේම මැරායන් ඉන්ඩස්ට්‍රි එකේ අපට විශාල විභවතාවයක් තිබෙනවා. මේ 21වන සියවසේ ආසියාවට අයිති නම්, ආසියාවේ ප‍්‍රධානම කේන්ද්‍රයක් ශ්‍රී ලංකාව. අපි දැන් සැලසුම හදන්න ඕනෙ. ආසියාවේ රාජ්‍යයන් ජයග‍්‍රහන අත්පත් කර ගන්නේ සැලසුම්වලින්. ජයග‍්‍රහණයන්ගේ ප‍්‍රතිලාභ කොහොමද ලංකාවට කැටුව එන්නේ. ”තනිවම පොල් ගහක් හැදෙනවා වගේ රටවල් ගොඩ යන්නේ නැහැ” අනෙක්වා සමග තිබෙන ඒකාබද්ධතාවය, ඒ වගේ ඇතිවෙන වර්ධනයන් ඒ වගේ ඇතිවෙන සංවර්ධනයන්ට අනුරූපවන පරිදි අප ගලප්පන්නේ කොහොමද? ආසියාව මහත් සංවර්ධනයක් පිළිබඳව 21 වන සියවසේ විශ්වාස තබා තිබෙනවා නම්, ආසියාව අනෙක් රාජ්‍යයන් අත්පත් කර ගන්නා ජයග‍්‍රහණවල ප‍්‍රතිලාභ කොහොමද ලංකාවට ගේන්නේ. ඒ ගෙන ඒමේදී අපි විශ්වාස කරනවා මැරායන් ඉන්ඩස්ට්‍රි එක අපේ රටේ පිහිටීම ඉතාමත් වැදගත් තැනක් හිමිකර ගන්නවා. අපි ඒ පිළිබඳ අවධානය යොමු කර තිබෙනවා.
ඒ වගේම අපට ඛනිජ සම්පත් විශාල ප්රමාණයක් තිබෙනවා. ඒ පිළිබඳ කාලයක් තිස්සේ කරන ලද විශාල ලෙස පර්යේෂණ කළ පර්යේෂකයන් විශාල ප්රමාණයක් ඉන්නවා. අපේ රටේ දේශපාලන අධිකාරියට උවමනා වී තිබෙන්නේ, ඉතාමත් ශක්තිමත් ස්ථාවර, දැක්මක් සහිත මාවතක් නොවෙයි. ඒ ගොල්ලන්ට හැමදාම උවමනා වුණේ බයින් ඇන්ඩ් සෙලින්. දැන් ගත්තා දැන් වික්කා. ඒ ගොල්ලන්ට ලේසියි ඉල්මනයිට් නිධිය වැලි පිටින් පටවන එක ලාභයි. පොස්පේට් නිධිය, අමු පස් ලෙස විකුණන එක ලාභයි. 1998 ඉතා වැදගත් නඩු තීන්දුවක් දුන්නා. ඒ නඩු තීන්දුව පසෙකලා, පොස්පේට් නිධියේ අමු පසු දැන් විකුණනවා. අපේ තිබෙන සම්පත් ඉතා හොඳින් ගවේෂණය කර තිබෙනවා. අලුතින් ගවේෂණය කිරීමට අවශ්‍ය වන්නේ නැහැ. නව තාක්ෂණයත් එක්ක වර්ධනය කර ගත හැකි, පර්යේෂකයන්, විද්‍යාඥයන් ලංකාවේ ඉන්නවා. ඔවුන් සමග ඒකාබද්ධව නව ආර්ථික දිශාවකට අවශ්‍ය වෙන නිෂ්පාදනයන්ට අපි අත තබන්න ඕනෙ වෙනවා. අපට අත්හැරුණ දේ අපි වේගයෙන් හඹාගෙන ගොස් අත්පත් කර ගන්න ඕනෙ. 20වන සියවසෙත් මේ මාවත පිළිබඳ සාකච්ඡාවක් තිබුණා. විමලසුරේන්ද්‍ර මහත්මා 1918 ලක්ෂපාන බලාගාරය යෝජනා කරනවා, එම කාර්මික විප්ලවයට උත්තේජනය දෙන්නේ විද්‍යුතය. 1918 සෝවියට් දේශයේ බලය ලෙනින් අත්පත් කර ගත්තාට පසුව, එක මාධ්‍යවේදිනියක් ලෙනින්ගෙන් අහනවා ”ඔබ රුසියාවේ සමාජවාදය අවසන් කරන්නේ කවදාද?” කියා. ඔහු කියනවා ”රුසියාව විද්‍යුත්කරණය කර අවසන් කරන්නේ කවදාද, එදාට” එදා කාර්මික විප්ලවයට අවශ්‍ය තාක්ෂණයේ ප‍්‍රධානම මෙවලම හා උත්තේජනය ලබාදුන්නේ විද්‍යුතය.
එදා රුසියාවේ ලෙනින් ඒ ප‍්‍රකාශය එන කොට, ලංකාවේ විමලසුරෙන්ද්‍ර මහතා ලක්ෂපාන බලාගාරය යෝජනා කරනවා. එයා කියනවා අතිරික්ත විදුලියෙන් කෝච්චි දුවන්න ඕනෙ කියා. දේශපාලන අධිකාරිය ප‍්‍රාචීන අධිකාරියක්. නූතනයත් එක්ක ගැටගැසුණු දේශපාලන අධිකාරියක් නොවෙයි තිබුණේ. ඒ නිසා එම යෝජනා වැඩක් නැතිව ගියා. ඖෂධ ක්ෂේත්රයේ මහා පර්යේෂණ, නිෂ්පාදනය පිළිබඳ මහාචාර්ය සේනක බිබිලේ මහතා ඉදිරිපත් කරනවා. ඒවා අදාළ නැතිව යනවා. ලෝකයේ වාස්තු විද්‍යා ක්්ෂේත‍්‍රයේ ඇති වෙන වර්ධනයන් ලංකාවේ තිබෙන සංස්කෘතීන්වලට ඒකාබද්ධ කර ගනිමින් ඒ ක්ෂේත්රයේ වර්ධනයන් ඇති කර ගන්නේ කොහොමද යන්න මිනිත් ද සිල්වා වැනි අයසාකච්ඡුා කරනවා. ඒවා උරාගන්න හැකි දේශපාලන නායකත්වයක් නොවෙයි අපට තිබුණේ ප‍්‍රාචීන දේශපාලන නායකත්වයක්. දැන් අප හමුවේ තිබෙන්නේ මේ ඇතිවෙමින් තිබෙන වෙනස් කම් ඉතා හොඳින් උකහා ගෙන වේගවත් පරිවර්තනයකට අපේ රට ලක්කළ යුතුයි. මෙතන සිටින දහස් සංඛ්‍යාත ඉංජිනේරුවන් ඔබ මෙම කාර්යයේ පෙරමුණු කාර්යභාරය ඉටුකරන්න කියා අපි ආරාධනා කරනවා. මේ රට අත්හැර ගිය විද්වතුන්, වෘතියවේදීන් විශාල ප්රමාණයක් ඉන්නවා. අපි ඔවුන්ට ආරාධනා කරනවා ඔබගේ දැනුම, ඔබගේ ඥානය අපගේ මාතෘ භූමියට ඕනෑකර තිබේ. කරුණාකර අපට දායකත්වය ලබාදෙන්න. මේ මහා මිනිස් සමුදායකින් තමයි මේ පරිවර්තනය කළ හැකි වන්නේ.
සාහිත්‍ය, කලාව මේ ක්ෂේත‍්‍රයන්ගේ පරිවර්තනයක් අපට අවශ්‍යයි. අපි යෝජනා කරන්නේ හුදු ආණ්ඩු පරිවර්තනයක්, හුදු පුද්ගලයන්ගේ පරිවර්තනයක් අපේ රටට පුනරුද යුගයක් අවශ්‍යයි. මුළු පද්ධතියක්ම කඩා වැටුණු රටක. මුක්කු ගසා නැගිටුවන්න හැකි රටක් නොවෙයි. සෑම ක්ෂේත‍්‍රයකම නව පරිවර්තනයක් අවශ්‍යයි. සෑම ක්ෂේත‍්‍රයකම නව පුනරුදයක් අවශ්‍යයි. ඒ සඳහා රටක් රඳා පවතින්නේ රටේ පද්ධතියක් සේ වන තාක්ෂණවේදීන්, ඉංජිනේරු වෘතිකයන් තමයි දේහය බවට පත්වෙන්නේ. ඒ කියන්නේ ඔබ. ඒ නිසා ඔබගේ දායකත්වය, මැදිහත්වීම මේ පරිවර්තනයේදී අත්‍යවශ්‍යමයි. ඒ සඳහා ඔබට ඉදිරියට එමු කියා ආරාධනා කරනවා.
“වෘත්තිකයා දේශපාලකයාට යටවීම විශාල ප්‍රශ්නයක්”
-පේරාදෙණිය විශ්වවිද්‍යාලයේ ඉංජිනේරු පීඨයේ මහාචාර්ය එස්.බී.එස්. අබේකෝන්-
මෙයට අවුරුදු 45කට පෙර පේරාදෙණිය විශ්වවිද්‍යාලයේ ඉංජිනේරු පීඨයේ සහකාර කථිකාචාර්යවරයෙකු ලෙස පත්වීම ලැබී පළමුවන දේශනය කරන්න ලැබුන අවස්ථාවේ මට විශාල චකිතයක් ඇති වුණා. එතැන් සිට ඉංජිනේරු ශිෂ්‍යයන් සහ වෘත්තිකයන් ඉදිරියේ දේශන දහස් ගණනක් කළ පසුව අදත් මට ආයෙත් ඒ චකිතය දැනෙන්න පටන් ගත්තා. එයට හේතුව වෙන්න ඇත්තේ අද අපේ රටේ ඉන්න දක්ෂතම කතිකයා, දක්ෂතම දේශකයා වගේම ජනතාවගේ බලාපොරොත්තුව වන ජාතික ජන බලවේගයේ නායක අනුර කුමාර දිසානායක ඉදිරියේ මේ කතාව කිරීමට සිදුවීමයි. රටක් දියුණු කිරීම සඳහා සියලු දෙනාගේ දායකත්වය එකසේ අදාළ වන බව පිළිගනිමින් ඉංජිනේරු ක්ෂේත්රයේ දායකත්වය අදහස් කිහිපයක් දක්වන්න කැමතියි. නීති විරෝධී, සමාජ විරෝධී විවිධ බලපෑම් ඉංජිනේරු වෘත්තිකයන්ට එනවා. කොටසක් ඊට අනුගත වන අතර, තව කොටසක් ඉන් ලාභ ලබාගෙන කටයුතු කළත් තව කොටසක් සිය වෘත්තියෙන් ඉවත්වී රට අතහැර යනවා. ඒ තිබුණු ප්‍රශ්නවලින් මිදිය හැකි රජයක් පිහිටුවා ගැනීම සඳහා අද අපි හැමදෙනාම එකට එකතුවී සිටිනවා.
විශාල පිරිසක් රට අත්හැර යන්නේ මුදල් නිසාම නොවෙයි. තමන්ගේ වෘත්තියට නිසි ගෞරවයක් නොලැබීම, දරුවන්ට අධ්‍යාපනයක් ලබාගැනීමට නොලැබීම එයට බලපා තිබෙනවා. සප්තවාර්ෂික නිවාඩුව සඳහා මෙයට අවුරුදු 26කට පෙර මම පවුලේ සියලු දෙනා සමග කැනඩාවට ගියා. ඒ ගිය අවස්ථාවේ මගේ දරුවන් දෙදෙනාට පාසලක් ගුවන් තොටුපොලේදීම ලිපි ලේඛන සම්පූර්ණ කරවිට පාසැලක් සම්බන්ධ කර දුන්නා. දින කිහිපයකින් එම පාසලේ නියෝජිතයෙක් ඇවිත් දරුවන් දෙදෙනා පාසලට බරගැනීමට අවශ්‍ය කටයුතු සම්පූර්ණ කර දුන්නා. ඒ රටට තාවකාලිකව යන අයගේ දරුවන්ට පවා අධ්‍යාපනය ලබාදීම ඒ රටේ වගකීමක් ලෙස සලකනවා. ඉතින් අපි කොතැනද ඉන්නේ. අනෙක් පැත්තෙන් අපේ රටේ වෘත්තිකයන් බිහිකිරීමට සුදුසු අධ්‍යාපනයක් ලබාදුන්නාද කියා ප්‍රශ්නයක් තිබෙනවා. ඒ වෘත්තිකයන් වෘත්තිකයන් ලෙස හැසිරෙනවද කියලා ප්‍රශ්නයක් තිබෙනවා. සෑම වෘත්තියකටම ආචාර්ධර්ම පද්ධතියක් තියෙනවා. ඒ ආචාර්ධර්මවලට පිටින් ගිහින් මුදල් මත පමණක් තම වෘත්තියේ නියැලෙනවද කියන ප්‍රශ්නයක් පැන නැගිලා තිබෙනවා. තුන්වෙනුව අපේ රටේ වෘත්තිකයින් තමන්ට ඉහලින් දේශපාලකයින් ඔසවා තබනවා. ඒක තවත් බරපතල ගැටලුවක්. වෘත්තිකයින් ලෙස ඉහළ අධ්‍යාපනයක් ලබලා වෘත්තීය දැනුමක් එක්රැස් කරගෙන වැඩ කරන්න යනකොට ඉස්කෝලේ ගියපු නැති දේශපාලකයා කියන විදියට වැඩ කරනවා. මෙවැනි ආකාරයේ වෘත්තිකයින් බිහි නොවෙන වගකීම අධ්‍යාපනය බාරගන්න ඕනෑ.
අපේ රටේ දේශපාලකයන් අතර ගරු කියලා කියන්න පුළුවන් පිරිසක් වෘත්තීය මට්ටමින් වැඩකරනකොට මට හමුවෙලා නැහැ. එහෙම පාලකයන් කැබිනට් මණ්ඩලයේ හෝ නිලතල වල අපට හමුවී නැහැ. මට එහෙම අය හමුවෙලා තියෙනවා ගුරු වෘත්තියේ, විශ්වවිද්‍යාල ක්ෂේත්රයේ සහ තවත රැකියා ක්ෂේත්රවල.
අපි බලාපොරොත්තු වෙන්නේ රටට ආයෝජන එනකොට ඉංජිනේරු වෘත්තිකයන්ට අවස්ථාවක් ලැබෙන ආයෝජන. ඒ වගේම යම් ව්‍යාපෘතියක් සිදුකරන විට එහි ප්‍රමුඛතාව වෘත්තිකයින්ට ලැබෙන්න ඕන. දේශපාලන බලපෑම්වලින් තොරව කටයුතු කළ හැකි, වෘත්තීය දියුණුව ඇති කර ගත හැකි පාලනයක්. එවැනි ආණ්ඩුවක් බිහිකර ගැනීම වෙනුවෙන්.
“අපේ ප්රතිපත්ති මූලික විය යුත්තේ නව දැනුම මත පදනම් වූ නිෂ්පාදන ආර්ථිකයක් වෙතයි”
-පේරාදෙණිය විශ්වවිද්‍යාලයේ සිවිල් ඉංජිනේරු පීඨයේ ජ්‍යෙෂ්ඨ මහාචාර්ය කුෂාන් විජේසුන්දර-
මේක දේශපාලන වේදිකාවක මම කරන පළමු දේශපාලන කතාව. කිසි දවසක දේශපාලන වේදිකාවක කතා කරන්න නොසිතපු මම වගේ පුද්ගලයෙක් අද ඇයි මෙහෙම කතා කරන්නේ. මෙහෙම කතා කරන්න මාව පෙළඹවූයේ මගේ හෘද සාක්ෂියයි. විශ්වවිද්‍යාලවල අපි ශිෂ්‍යයන් දැනුමෙන් පෝෂණය කරලා, එළියට යැව්වාම ඔවුන්ට තිබෙන අනාගතය මොකක්ද කියලා මගේ හෘද සාක්ෂිය ප්‍රශ්න කළා. දශක ගණනාවක් රට පාලනය කළ අය අපේ ශිෂ්‍යයන්ට වෘත්තිකයන්ට ඉතිරිකර දී තිබෙන්නේ, මෙවැනි ආර්ථික වටපිටාවක් නම්, අපි තවදුරටත් නිහඬව නොසිටිය යුතු බව, මේ ශිෂ්‍යයින්ට හරි අනාගතයක් තියෙනවාද? ඔවුන්ගේ වෘත්තීය මටට්මින් වැඩ කළ හැකි පරිසරයක් නිර්මාණය වෙලා තියෙනවාද? එහෙම පරිසරයක් නැති තත්වයක් තුළ තව දුරටත් නිහඬව සිටිය යුතුයිද? කියලා හෘදයසාක්ෂිය මගෙන්ම ප්‍රශ්න කරනවා. දශක ගණනාවක් රට පාලනය කළ පාලකයින් අපේ ශිෂ්‍යයන්ට උරුම කරදී තිබෙන්නේ මෙවැනි වටපිටාවක් නම් අපි තවදුරටත් නිහඬව සිටිය යුතු නැහැ. අපේ ආර්ථික වර්ධනයට විශාල වශයෙන් බලපාන වෘත්තියකයන් මේ රට අත්හැර යන විට ලෝකයේ බොහෝ රටවල් ඔවුන්ව ආදරයෙන් බාරගන්නවා. වෘත්තිකයන් රට අත්හැර යාම තුළින් කර්මාන්ත සහ කෘෂිකර්මාන්ත ක්ෂේත්රයේ අනාගත කඩාවැටීම පිළිබඳව පාලකයන්ට කිසිම සංවේදීකමක් නැහැ. මේ නිසා අපි වෘත්තිකයන් රඳවාගෙන රට ගොඩනැගීමට යොදාගන්නා ජාතික ජන බලවේගය වටා සියලු දෙනා ඒකරාශී වියයුතුයි කියා මම යෝජනා කරනවා.
සමහර තරුණ වෘත්තිකයන් ලබන වැටුපෙන් ණය ගෙවලා, බදු ගෙවලා ජීවිතය පවත්වාගෙන යන්නේ කොහොමද කියලා කල්පනා කරනවා. තරුණ වෘත්තිකයන්ගේ මනස එවැනි පීඩාවලින් නිදහස් කළොත් තමයි නව නිර්මාණ කළ හැකි වන්නේ. මේ දේශපාලන වාතාවරණය, ආර්ථික වාතාවරණය සහ සමාජ වාතාවරණය වෙනස් කර නව මාර්ගයක ගමන් කිරීම අපි හැමෝගෙම වගකීමක්. ඒ සඳහා තිබෙන සුදුසුම වේදිකාව ජාතික ජන බලවේගයේ වේදිකාවයි. ඒ වෙනුවෙන් අපි උපරිමයෙන් වැඩකරමු.
ඉංජිනේරු ක්ෂේත්රයේ සියලුම වෘත්තිකයන් හැටියට අපිට වැදගත් වෙන්නේ ප්රතිපත්ති සියල්ල දැනුම මත පදනම් වූ නව නිෂ්පාදන ආර්ථිකයක් ගොඩනැගීමට යොමු වීමයි. ඒ වෙනුවෙන් ක්‍රියා කිරීමේදී ප්රධාන කරුණු තුනක් කෙරෙහි අවධානය යොමු කළ යුතුයි. කර්මාන්ත සහ විශ්වවිද්‍යාල අතර සහ සම්බන්ධතාවයක් ඇති කිරීම ඒ අතරින් මූලිකයි. පශ්චාත් උපාධි ලබාගන්නා අපේ තරුණ වෘත්තිකයන් විදේශ රටවලත් අධ්‍යාපනය ලැබීමෙන් පසු අපේ රටට පැමිණ කර්මාන්තවලට යොදා ගැනීමේ වැඩපිළිවෙලක් මේ වනතුරු නැහැ. නව දැනුම සහ තාක්ෂණය පදනම් කරගෙන නිර්මාණශීලී, වැඩදායී කර්මාන්ත පද්ධතියක් ගොඩනැගීමේ හැකියාව අපට තිබෙනවා. තව අවුරුදු 10ක් 15ක් ඉදිරිය ගැන හිතුවොත් සිවිල් ඉංජිනේරු කටයුතු වෙනම ඩිජිටල් යුගයකට පරිවතර්නය වන බව පැහැදිලියි. මේ ඩිජිටල් ෆ්ලැට්ෆෝම් එකේ දී විවිධ තාක්ෂණයන් එකතු කර ගනිමින් ඉදිරියට ගැනීමේ අභියෝගය අපිට තිබෙනවා. ඒ වගේම දේශීය තාක්ෂණයත් කර්මාන්වලට යොදා ගන්නා දැනුම පදනම් කරගත් නව නිෂ්පාදන ආර්ථිකයකට අපිට ගමන් කළ හැකියි. නව අවශ්‍යතා අනුව අපේ විශ්වවිද්‍යාල ඇතුළේම පූර්ණකාලීන පශ්චාත් උපාධි පාටමාලා ඇති කිරීමත් ඉදිරියේදී කළ යුතු වෙනවා. ජාතික ජන බලවේගයේ ප්රතිපත්ති අනුව දැනුම මත පදනම් වූ නිෂ්පාදන ආර්ථිකයකට ඉංජිනේරුවන් වන අප හැම දෙනාම එක මිටට එකතු වී සහයෝගය ලබාදියයුතු වෙනවා.
(-මාලිමාවේ හිඟුරක්ගොඩ ගොවි රැලිය – 2024.05.30-) මේ වසරේ ඔක්තෝබර් මාසය වන විට ජනාධිපති ඡන්දයක් තිබෙනවා. අපි අවස්ථා ගණනාවකදි පොළොන්නරුවට ඇවිත් කතා කර තිබෙනවා. සටන් කර තිබෙනවා. වී මිල පහළ යනකොට හිඟුරක්ගොඩ සිට මින්නේරිය දක්වා අපි පා ගමනින් ඇවිත් කෑ ගහලා කිව්වා, වී වලට සාධාරණ මිලක් දීපල්ලා කියලා. රසායනික පොහොර නතර කරල අපේ වගාවන් විනාශ වෙනකොට […]
(-මාලිමාවේ හිඟුරක්ගොඩ ගොවි රැලිය – 2024.05.30-)
මේ වසරේ ඔක්තෝබර් මාසය වන විට ජනාධිපති ඡන්දයක් තිබෙනවා. අපි අවස්ථා ගණනාවකදි පොළොන්නරුවට ඇවිත් කතා කර තිබෙනවා. සටන් කර තිබෙනවා. වී මිල පහළ යනකොට හිඟුරක්ගොඩ සිට මින්නේරිය දක්වා අපි පා ගමනින් ඇවිත් කෑ ගහලා කිව්වා, වී වලට සාධාරණ මිලක් දීපල්ලා කියලා. රසායනික පොහොර නතර කරල අපේ වගාවන් විනාශ වෙනකොට ගොවි ජනතාව හැටියට තමුන්නාන්සේලා එකතු වෙලා පාරට බැහැලා පොහොර ටික අපට දීපල්ලා කියලා අපි සටන් කළා. ගොවි ජනතාවගේ පොහොර මිල අධික ලෙස ඉහළ යනකොට පොහොර සහනාධාරයක් දීපල්ලා කියලා කෑ ගැහුවා. අද අපි ආවේ ගොවි ජනතාවගේ අයිතිවාසිකම් ආරක්ෂා කරන, ගොවි ජනතාවගේ ජීවිත සුරක්ෂිත කරන කෘෂිකර්මාන්තය නගා සිටුවන නව ආණ්ඩුවක් හදා ගන්න, එකතු වෙමු කියලා ආරාධනා කරන්න. වැඬේ කරන්න පුළුවන්. ඒක අපිටත් වඩා හොඳට දන්නවා ආණ්ඩුව. ජාතික ජන බලවේගයේ ආණ්ඩුවක් නිසැක ලෙසින්ම ගොඩනැගෙන බව ආණ්ඩුව හොඳින්ම දන්නවා. පළාත් පාලන මැතිවරණයට අපි නාමයෝජනා බාරදීලා, ජනතාව දැනුවත් කරලා, ප්‍රාදේශීය සභාව හදාගන්න වැඩ කළා. ඒ වෙලාවේ ඡන්දෙ නතර කළා. පළාත් පාලන ඡන්දෙ තිබ්බා නම් අපි දිනනවා. පළාත් පාලන ඡන්දෙන් ගොඩනැගුණු රැල්ල අල්ලා ගෙන ඉන්න ජාතික ජන බලවේගයට බැහැ කිව්වා. නමුත් මේ හිඟුරක්ගොඩ නගරයේ මහා ජන ගඟ දෙස බලනකොට අපිට පෙන්නුම් කරන්නේ පළාත් පාලන මැතිවරණයටත් වඩා මහා ජනතා විශ්වාසයක්, ජනතා පෙළ ගැස්මක් අද ජාතික ජන බලවේගය වටා ඒකරාශී වෙලා තිබෙනවා.
වජිර අබේවර්ධන කියනවා, “අනෙක් කවුරුවත් තරග වදින්නේ නැතිව රනිල්ට විතරක් තරග වදින්න දෙමු.” කියලා. මේ රටේ ජනතාවගේ අනුමැතිය ගන්න ඕන ඡන්දෙන්. ඒකෙන් තේරෙන්නේ වජිර දන්නවා රනිල් විතරක් තරග වැදුණොත් ෂුවර්. රංගේ බණ්ඩාර කියනවා, ඡන්දයක් නොතියාම දෙන්න බැරිද? අන්කවරදාටත් වඩා වැඩියෙන් මෙතෙක් රට පාලනය කළ පාලක පෙළැන්තිය බයවෙලා. ලංකා ඉතිහාසයේ නොසිතපු සිදුවීමක් දැන් සිදුවෙමින් තිබෙනවා. වෙනදා නම්, මහින්දගේ ආණ්ඩුව වැටෙනකොට රනිල්ට ඔටුන්න හිමිවෙනවා. රනිල්ගේ ආණ්ඩුව එපා වෙනකොට ස්වභාවිකවම මහින්දට ඔටුන්න හිමිවෙනවා. දැන් මහින්දයි රනිලුත් දෙන්නාම ආණ්ඩුව කරනවා. සජිත් හිතනවා තාත්තාගේ පිනට ඔටෝ ඔටුන්න එයාට හිමිවෙයි කියා. නමුත් දැන් සිදුවී තිබෙන්නේ මොකක්ද? ජාතික ජන බලවේගය නැගිටීම හමුවේ, තමන්ගේ බලය පිළිබඳ තිබුණු සිහිනය විනාශ වෙලා ගියා. රංගේ බණ්ඩාර ඡන්දෙ තියන්නේ නැහැ කිව්වා. නමුත් අපි කළබල වෙන්නේ නැහැ. ජාතික ජන බලවේගයේ මාලිමාව ජයග්රහණය කරන්න ජනතාව ගම්පිටින් එකතු වෙලා ඉන්නේ.
මේ ගම්වල අපේ අම්මලා තාත්තලා මේ දුක් වින්දා ඇති. දරුවන්ට හොඳ අධ්‍යාපනයක් දෙන්න, තමන් මහලු වියට පත්වුණාට පස්සේ තමන්ව රැකබලා ගන්න දරුවන් හදනවා. දරුවන්ට හරිහමන් අධ්‍යාපනයක් දෙන්න පාසලක් නැහැ. රස්සාවක් නැහැ. ගම්වල දරුවන් රට යන්නේ කොහොමද කියා කල්පනා කරනවා. ජීවත් වෙන්න, ගෙයක් දොරක් හදාගන්න, කසාදයක් කර ගන්න විදිහක් නැහැ. අපේ පාලකයන් දරුවන්ගේ මුළු ජීවිතයම විනාශ කළා. සමහර තරුණයන් විවාහ වෙලා මාස දෙක තුනකින් රට යනවා. දරුවන්, බිරිඳ ගෙදර දාලා තාත්තාට හෝ අම්මාට රට යන්න සිදුවෙලා තිබෙනවා. අපිට ජීවත් වෙන්න තිබෙන අයිතිය උදුරාගෙන තිබෙනවා. අපේ ඉස්පිරිතාලවල පහසුකම් නැහැ. පර්යේෂණයක් කරගන්න විදිහක් නැහැ. බෙහෙත් නැහැ. ජනතාව අකාලයේ මැරෙන්න දාලා තියෙනවා. බරපතළ ලෙස වකුගඩු රෝගය පැතිරිලා තිබෙනවා. පර්යේෂණයක් නැහැ. මැරෙන්න ඇරපු සත්තු වගේ ගොවිජනතාව ජීවත් වෙන්නේ. ගෙයක් හදාගන්න කොච්චර කල් කල්පනා කරනවාද. අත්තිවාරම දාලා බිත්ති ගොඩනංවන්න, වහලෙ ගහන්න, දොරවල් දාන්න, කපරාරු කරගන්න, හුණුපිරියම් කරන්න, පොළොවට සිමෙන්ති ටිකක් දාන්න, කොයිතරම් කලක් බලාගෙන ඉන්නවාද? ගෙයක් හදාගන්න කන්න හත අටක් වගාකරන්න ඕනෙද? හොඳ වාතාශ්‍රයක්, ඉඩකඩක් සහිත නිවසක් නැති ජනතාවක් බවට ගොවිජනතාව පත්කර තිබෙනවා. දීර්ඝ කාලයක් ජනතාව මැදිහත් වෙලා ආණ්ඩු හැදුවා. පොළොන්නරුවෙන් නායකයෙක් එනකොට ජනතාව හිතුවා රට හැදෙයි කියා. ඒ නායකයා ඇවිත් සැලසුම හැදුවේ දුවයි පුතයි ඉස්සරහට ගේන්නේ කොහොමද කියලා. තාත්තා ජනාධිපති වුණාම කල්පනා කළේ තමන්ගේ දරුවන්ගේ අනාගතය මිසක් ගමේ අම්මලාගේ තාත්තලාගේ අනාගත ගැන නොවෙයි. මහින්ද මහත්තයා කල්පනා කළේ තමන්ගේ දරුවන්ගේ අනාගතය ගැන. පේමදාස කල්පනා කරන්න ඇත්තේ පුතා ගැන. සජිත් කල්පනා කරනවා තාත්තා ජනාධිපති නිසා එයාගේ නළලේ ජනාධිපතිකම කොටලා තිබෙනවා කියා. ඒගොල්ලන්ගේ පවුල් හැදුණා. මැරෑටි දේශපාලනය වර්ධනය වුණා. ත්‍රාඩ, චෞර වළල්ලක් හැදුණා. ඒ ගොල්ලෝ ගොඩ ගියා. ජනතාව වළට වැටුණා.
අද, මඟුල් මුද්ද, පොඩි එකාගේ පංචායුධය, වතුර මෝටරය, අත් ට්‍රැක්ටරය උගස් තියලා. සමහරු කුඹුර උගස් තියලා ඒ කුඹුරේ තමන් අඳේට වගා කරනවා. මේ රටේ ජීවත් වෙන ගොවි ජනතාව හැටියට අපි දුකෙන් දුකට පත්වෙලා තිබෙනවා. හැබැයි රට පාලනය කළ පාලකයන් එහෙම වෙලා නැහැ. අපේ ජනතාව මෙතෙක් හදපු ආණ්ඩු, පාලකයන්ගේ පවුල්වලට, ඥාතීන්ට සලකන, පාලකයා වටේ ඉන්න මැරයන්ට, කළු ව්‍යාපාරිකයන්ට සලකන ආණ්ඩු. කළු ව්‍යාපාරිකයන්ට ඉඩ නොදෙනවා නම්, රනිල් වික්‍රමසිංහ, මහ බැංකුවෙන් කෝටි 1100 පිල්ලි ගහන්න අර්ජුන් ඇලෝසියස්ට ඉඩ දෙනවාද? රනිල්ලාව බලා ගන්නේ කළු ව්‍යාපාරිකයන්. මහජනයාගේ ධනය කෝටි ප්‍රකෝටි ගණන් කළු ව්‍යාපාරිකයන්ට හොරකම් කරන්න ඉඩ දෙනවා. ගෝඨාභය රාජපක්ෂලා මහජනයා බලා ගන්නවා නම්, සීනි ගෙනාපු මුදලාලිට සීනි බදුවලින් කෝටි 1500ක හොරකම් කරන්න ඉඩ දෙනවාද? ඒගොල්ලන් වටා ඉන්න කළු ව්‍යාපාරිකයන්ට එයාලා සලකනවා. ආණ්ඩුවෙත් විපක්ෂයෙත් මන්ත්‍රීවරුන්ගේ දරුවන් බොහෝ දෙනෙක් තානාපති කාර්යාලවල ජොබ් එකට යනවා. ඕස්ටේ්‍රලියානු තානාපති කාර්යාලයේ කාලයක් වැඩ කළේ ලක්ෂ්මන් යාපාගේ පුතා. තවත් තානාපති කාර්යාලයක රෝසි සේනානායකගේ දුව. තවත් තානාපති කාර්යාලයක ප්‍රසන්න රණතුංගගේ දුව. ලෝකයේ ලොකු තානාපති කාර්යාලවලට එයාලගේ දරුවෝ යනවා. අපේ දරුවන්ට, මැදපෙරදිග කොන්ක්‍රීට් අනන්න, දියණියකට නම් ගෙදරක රෙදි හෝදන්න, උයන්න පිහින්න තමයි රස්සා ලැබෙන්නේ.
මෙච්චර කල් අපි ආණ්ඩු හැදුවා. පරම්පරාවෙන් පරම්පරාවට යන දේශපාලනයන් හැදුණේ. අපි එක වතාවක් වත් පොදු ජනතාවගේ ආණ්ඩුවක් හදමු. ජාතික ජන බලවේගය යනු පොදු ජනතාවගේ බලවේගයක්. මෙතන කිසිවෙක් පරම්පරාවෙන් දේශපාලනය ලියාගෙන ආ අය නොවෙයි. අපේ රටේ තරුණ තරුණියන්ට විශාල කාර්යභාරයක් තිබෙනවා. ඒ වෙනුවෙන් හැමදෙනා එකතු වෙමු. අපි හැමදෙනාම ගම්වල ඉපදුණු, ගම්වල අම්ම තාත්තත් එක්ක වැඩුණු දරුවෝ. අන්න ඒ අයගෙන් ආණ්ඩුවක් හදන්න ඕන. මේ රටේ අනාගතය, දරුවන්ගේ අනාගතය සුරක්ෂිත කරන ආණ්ඩුවක් අපි හදන්න ඕන. ඒ සඳහා අපි එකතු වෙමු.
මේක තමයි සුදුසුම වෙලාව. අපට පුළුවන් ඔබව දැනුවත් කරන්න. වැඩපිළිවෙළ හදන්න. හැබැයි වැඬේ තිබෙන්නේ ගම්වල ඔබලා අතේ. ඔබ, ගමේ ඡන්ද පෙට්ටිය මාලිමාවේ කතිර ගහලා පුරවන්න සැලසුම් කරන්න ඕන. අපි මැයි 15 සිට ජුනි 30 දක්වා දින 45ක වැඩපිළිවෙළක් හදා තිබෙනවා. හැම ගෙදරකටම යන්න ඕන. ඡන්දෙ සටහන් කර ගන්න. තාමත් වැරදි පාරේ යන අයට කතා කරන්න ඕන. ගම් පිටින් පොර බදමින් ගම් වෙනස් කරන වැඬේ කරන්න ඕන. අපේ ගම්වල ජනතාවගේ ජීවිත මීට වඩා හොඳ ජීවිත බවට පත්කරන්න ඕන. ග්‍රාමීය දුප්පත්භාවය අපි අවසන් කරන්න ඕන. දුප්පත්කම කියන්නේ, ආහාර වේලක් නැතිකම, බෙහෙතක් ගන්න නැතිකම විතරක් නෙවෙයි. දුප්පත්කම නිසා සමාජයේ නොසැලකිල්ලක් තිබෙනවා. දුප්පත් කෙනෙක් බැංකුවකට, පොලීසියට ගියාම සලකන්නෙ වෙනස් ආකාරයකට. දුප්පත් දරුවෙක් පාසලක ඉගෙන ගන්නකොට, බස් එකට නැංඟම වෙනසක් තිබෙනවා. දුප්පතත්කම නිසා සමාජයේ පිළිගැනීමක් නැහැ. එහෙම නම් අපි ආර්ථික වශයෙන් පොහොසත් වෙන්න ඕන, සමාජීය වශයෙන් පොහොසත් වෙන්නත් ඕන. ගම්වල ජනතාවගේ ආර්ථික තත්වය දියුණු කිරීමත්, ඔවුන්ගේ සමාජ තත්වය දියුණු කිරීමත් තමයි ජාතික ජන බලවේගයේ වැඩපිළවෙළ වෙලා තිබෙන්නේ.
මහ බැංකු වාර්තාවල කියනවා ජනගහනයෙන් 68%කට හරිහමන් ආහාර වෙලක් නැහැ කියලා. දරුවන් පස්දෙනෙක් ගත්තොත් එක් කෙනෙක් මන්දපෝෂණයෙන් පෙළෙනවා. එවැනි දරුවන්ගේ මොළය, ශරීරය වර්ධනය වෙන්නේ නැහැ. අවුරුදු 60-70 වෙනකොට හම රැළි වැටිලා. දත් වැටිලා. අපි වැහැරිලා. රනිල් අවුරුදු 75 වෙනකොටත් ජනාධිපතිකම් කරනවා. වජිර අබේවර්ධන කියනවා 88 වෙනකම් බලයේ ඉන්න දෙන්නලු. සැලසුම් හදලා, රට ගොඩනඟන්න අවුරුදු කිහිපයක් ගත වෙනවා. ඒකෙ ප්‍රතිඵල එනකම් කන්ඩ තියෙන්න ඕනෑ. ආරම්භ වශයෙන් හැම පුරවැසියෙකුටම හොඳ ගුණාත්මක ආහාර වේලක් ලබාදෙනවා. පෝෂ්‍යදායී ආහාර වේලක් ලබාගැනීමට හැකි සහනාධාර ක්‍රමයක් ජාතික ජන බලවේගයේ ආණ්ඩුව ඇති කරනවා. රනිල් කියනවා 2048 වෙනකම් ඉන්නලු කන්න දෙන්න. කන්ඩ නැති ආර්ථික සැලසුම් හදලා වැඩක් තිබෙනවාද? ජනතාවගේ මූලික අවශ්‍යතාවය වන ආහාර වේල, අපි මූලික වටයේම සහතික කරනවා. ඒ වගේම අවශ්‍යයි, සෞඛ්‍යය සම්පන්න ජීවිතයක්. පුරවැසියන්ගේ සෞඛ්‍යයේ අයිතිවාසිකම් සුරක්ෂිත කරන, බෙහෙත් තිබෙන, දොස්තරවරු ඉන්න, පරීක්ෂණ කරන ඉස්පිරිතාලයක් අපි සහතික කරනවා. ඒ වගේම දරුවන්ට ඒ ඒ වයසට අදාළ අධ්‍යාපනය අවශ්‍යයි. අද දෙමව්පියන්ට අධ්‍යාපනය බරක් වෙලා. ජාතික ජන බලවේගයේ ආණ්ඩුවක් ආරම්භක වශයෙන් ආහාර, සෞඛ්‍යය, අධ්‍යාපනය නිසි පරිදි ලබාදෙන වැඩපිළවෙළක් සහතික කරනවා.
ඊළඟට ගමේ දුප්පත්කම නැති කරන්න වැඩපිළවෙළ සකස් කරන්න ඕනෑ. ගොවිතැන ලාභදායී ව්‍යාපාරයක් බවට පත්වෙනවා නම්, ගොවිජනතාවගේ ජීවිත උසස් තත්වයට පත්වෙනවා. ග්‍රාමීය ජනතාවගේ ජීවිත උසස් කරන්න නම්, කෘෂිකර්මය නගා සිටුවීම සඳහා නිසි සංවර්ධන වැඩපිළවෙළක් අවශ්‍යයි. නෙදර්ලන්තය අපට වඩා කුඩා රටක්. අද ලෝකයේ කෘෂි නිෂ්පාදනය වැඩියෙන්ම අපනයනය කරන රට බවට පත්වෙලා තිබෙනවා. අපේ කෘෂිකර්මාන්තය නගා සිටුවීම සඳහා ලෝකයේ තිබෙන අත්දැකීම්, පර්යේෂණයන් එකතුකර ගන්න උවමනාව තිබෙනවා. ලංකාවේ පේරාදෙණිය විශ්වවිද්‍යාලයේ කෘෂිකර්ම පීඨයේ ඉගෙන ගත්ත, රුහුණු විශ්වවිද්‍යාලයේ මාපලාන කෘෂිකර්ම පීඨයේ ඉගෙන ගත්ත විද්වතුන් විශාල ප්රමාණයක් අද ලෝකයේ බොහෝ රටවල පර්යේෂණ කරනවා. ඇමෙරිකන් එක්සත් ජනපදයේ පස පිළිබඳව විශේෂ පර්යේෂණ කරන කෘෂි විද්‍යාඥයෙක් ඔහු කීවා ජාතික ජන බලවේගයේ ආණ්ඩුවක් යටතේ වැඩකරන්න එන්න කැමතියි කියලා.
අපි වගා කරන්නේ ඉවට. අද ලෝකයේ වගා කරන්නේ ඉවට නොවෙයි, දත්ත, පර්යේෂණ, විද්‍යාවන් මත. ලෝකයේ විශාල පර්යේෂණායතනවල අමෙරිකන් එක්සත් ජනපදයේ, ජපානයේ, තායිලන්තයේ, බ්‍රසීලයේ, නවසීලන්තයේ, ඕස්ටේ්‍රලියා වැනි රටවල්වල ගොවිපළවල්වල වැඩ කරන, විශාල පර්යේෂණාගාරවල වැඩ කරන අපේ කෘෂි විද්‍යාඥයන් ඉන්නවා. 29 වැනිදා කොළඹ පර්යේෂණ සහ සංවර්ධන සමුළුවට පැමිණෙන්න, අපි ඒගොල්ලන්ට ආරාධනා කරලා තියෙනවා. අපි සැලසුම් හදනවා කෘෂිකර්මාන්තය විද්‍යාත්මක ප්‍රවේශයකට ගන්න. අනෙක් පැත්තෙන් දත්ත තොරතුරු අවශ්‍යයි. ගොවියා වෙළඳපොළ ගැන දන්නේ නැහැ. වගාවන් කරනවා. එකම අස්වැන්න එකවර වෙළඳපොළට පැමිණීම නිසා විකුණා ගැනීමට අපහසු වෙනවා. මෙහෙම වෙන්නේ වෙළඳපොළ සංවිධානය වෙලා නැහැ. ඒකට තමයි ආණ්ඩුවක් ඉන්නේ. ජාතික ජන බලවේගයේ ආණ්ඩුවක් යනු නිසි වගා සැලසුමක්, විද්‍යාත්මක පර්යේෂණ සහිත කෘෂිකර්මාන්තය ගොඩනඟන ජනතාවාදී ආණ්ඩුවක්.
ගොවි ජනතාවට ආරම්භක මූල්‍ය ප්‍රාග්ධනය අවශ්‍යයි. සාධාරණ පොලී අනුපාතයකට මුදල් ලැබෙන ක්‍රමයක් නැහැ. ලෝකයේ කෘෂිකර්මාන්තය දියුණු වුණු රටවල් කිහිපයක් තිබෙනවා. තායිලන්තය, වියට්නාමය, චීනය, ඉන්දියාව මේ සෑම රටකම සංවර්ධන බැංකුවක් තිබෙනවා. අපි දියුණු සංවර්ධන බැංකුවක් ආරම්භ කරනවා, ගොවි ජනතාවට අවශ්‍ය මූලික මුදල් අඩු පොලී අනුපාතිකයකට ලබාදෙන්න. ඊළඟට වැඩිහිටි ගොවි ජනතාව බලා ගැනීමේ වගකීම තිබෙන්නෙත් ආණ්ඩුවට. ඒ ගොවි ජනතාව සඳහා කෘෂි රක්ෂණ ක්‍රමයක් හඳුන්වා දෙනවා, ඒගොල්ලන්ගේ ජීවිතයේ වැඩ කළ නොහැකි තත්වයට පත්වුණාම යැපීමට සමත් ආධාර මුදලක් ලබා දෙනවා. ජනතාවගේ ආණ්ඩු කියන්නේ එවැනි ආණ්ඩුවලට. ජාතික ජන බලවේගයේ ආණ්ඩුවක් යනු විශ්‍රාම ගිය ජනාධිපතිවරුන්ගේ විශ්‍රාම වැටුප අහෝසි කරන, වැඩ කරන ජනතාවට විශ්‍රාම වැටුපක් යෝජනා කරන ආණ්ඩුවක්.
අපේ රටේ ප්රධාන ප්‍රශ්නයක් තමයි ග්‍රාමීය දුප්පත්භාවය. අපේ දුප්පත්භාවය ඛේදවාචකයක් වෙලා තිබුණේ නැහැ. අද දුප්පතකම කියන්නේ ඛේදවාචකයක්. දුප්පත් නිසා සමාජයේ පිළිගැනීමක් නැහැ. අධ්‍යාපනයක් නැහැ. දුප්පත්කම පවුල් ආරාවුල් වැඩි, අඩදබර වැඩිවෙලා. සමාජයෙන් කොන් වෙනවා. මේ ඛේදවාචකයෙන් පුරවැසියන් මුදා ගත යුතුයි. මෙච්චර කල් අපි හැදුවේ පොදු ජනතාවගේ ආණ්ඩු නොවෙයි, ඉහළ පුරවැසියන්ගේ ආණ්ඩු. ඒගොල්ලන්ගේ අපේක්ෂකයා ලෙස නියෝජනය කරන්නේ මේ පළාතේ ලොකුම ධනය තිබෙන කෙනා. ආණ්ඩු හදන්න ලොකු මුදලාලි කෙනෙක් වෙන්න ඕන. ඒ මුදලාලි සල්ලි වියදම් කරනවා. ඒ ටික එකතු කරනවා. ආණ්ඩු හදනවා. ඒගොල්ලෝ කවදාවත් පොදු ජනතාවගේ කෙනෙකුට එන්න ඉඩ දෙන්නේ නැහැ. ඉඩ දුන්නත් ඕක ඇතුලේ ඉන්නත් බැහැ. එයාලා උඩ ඉන්න කණ්ඩායමක්. දැන් අපි හදන්න ඕන ග්‍රාමීය දුප්පත්භාවය තුරන් කරන, පොදු ජනතාවගේ ආණ්ඩුවක්.
තාත්තාගෙන් පුතාට ගොවිකම උරුම කරන්න ඕන නැහැ. තවත් අවස්ථා හදන්න ඕන. ගම්වල ජනතාවට යෙදෙන්න අලුත් ආර්ථික ක්‍රියාකාරකම් නැහැ. ආර්ථිකයක් එක්ක සම්බන්ධවෙලා වැඩක් කරන්නේ නැතිව ආදායමක් එන්නේ නැහැ. ලෝකයේ දියුණු රටවල්වල පාරවල්වල මිනිස්සු අඩුයි. ඒ රටවල පුරවැසියන්ට කරන්න වැඩක් තිබෙනවා. මිනිස්සුන් පැය අටක් වැඩ කරන්න, පැය අටක් සංස්කෘතික ජීවිතයක් ගතකරන්න, පැය අටක් නිදා ගන්න ඕන. මිනිස්සුන්ට හොඳ ජීවිතයක් ඕන. තවත් ආර්ථික අවස්ථා හදන්න ඕන. අපි දිස්ත්‍රික්කවල ආර්ථික සැලසුම් හදා තිබෙනවා. ඒ ඒ දිස්ත්‍රික්කවල ආරම්භ කළ හැකි කර්මාන්ත හා සේවාවන් මොනවාද කියා අපි හඳුනාගෙන තිබෙනවා. මේ දිස්ත්‍රික්කවල තිබෙන සම්පත් අනුව නිෂ්පාදනය හා සේවා අපි ආරම්භ කරන්න ඕන. විශාල කර්මාන්තකරුවන් සමග සාකච්ඡා කොට තිබෙනවා. ඒ ගොල්ලන් අලුත් කර්මාන්ත, අලුත් සේවා මධ්‍යස්ථාන ගම්වලට අරගෙන එන්න ඕන. අපි ඒගොල්ලන්ට කියනවා ඕගොල්ලන් කොළඹ කර්මාන්ත ශාලාව දානවා නම් බද්ද ටිකක් වැඩියි. පිට පළාතක කර්මාන්තය දානවා නම් බද්ද ටිකක් අඩුයි. අපි කර්මාන්තවලට උත්තේජනයක් දෙනවා. අලුත් අයි.ටී. කර්මාන්ත පටන් ගන්න ඕන. කොළඹට පමණක් කේන්ද්‍රගත වෙලා බැහැ. පොළොන්නරුවටත් අයි.ටී. කර්මාන්ත ශාලා හැදිලා ලෝකෙට සර්විස් එක දෙන්න ඕනෑ. අපි ඒ ගැන කතා කර තිබෙනවා. එයාලා කැමතියි පුහුණවක් දීලා දරුවන් බඳවා ගන්න.
මේ ආණ්ඩු සල්ලි නැහැයි කියනවා. භාණ්ඩාගාරයට එන්න තිබෙන සල්ලි හරවලා තිබෙන්නේ ඇලෝසියස්ගේ, රවි කරුණානායකගේ, ලක්ෂ්මන් කිරිඇල්ලලාගේ ගෙදරට. අනෙක් පැත්තෙන් භාණ්ඩාගාරයට එන්න තිබෙන ධනය හොරකම් කළා. අපි ඒ ධනය ඔක්කොම භාණ්ඩාගාරයට ගනිමු. භාණ්ඩාගාරයට එන ධනය පිළිබඳ සියල්ල ඔබට දැනුවත් කරන්නම්. ඒ වගේම ඒ ධනය සාංඝික දේපොළක් වගේ අපි බලා ගන්නම්. රනිල් වික්‍රමසිංහ භාණ්ඩාගාරයේ සල්ලි පිටරට යන්න වෙන්කර ගත්තා. වෙන්කර ගත්ත සල්ලි මදිවුණා කියලා ආයිමත් පාර්ලිමේන්තුවට ඇවිත් වෙන්කර ගත්තා ලක්ෂ 2000ක්. රට යනකොට රනිල් තනියම යන්නේ නැහැ. ඒ ධනය වියදම් කරලා කින්ස් නෙල්සන්, ස.ජ.බෙ. මාන්නප්පෙරුම, ඉෂාක් රහුමාන්, එක්කරගෙන යනවා. බෙදා ගන්නකොට ආණ්ඩුව හා විපක්ෂය කියලා එයාලාට වෙනසක් නැහැ. මේ රට වැටිලා. රිම් එකෙන් යන්නේ. වාහන ගෙන්වන්නේ නැහැ. මේ වෙලාවේ විපක්ෂයයි, ආණ්ඩුවයි දෙගොල්ලොම එකතු වෙලා අත්සන් කරනවා වාහන පර්මිට් එකක් දෙන්න කියලා. පාර්ලිමේන්තුව විසුරුවා හරින්න කලින් පර්මිට් එක දෙන්න ඕනලු. කෝටි පහළොවකට විතර විකුණා ගන්න පුළුවන්. ආණ්ඩුවේ මන්ත්‍රීලයි, ස.ජ.බ. මන්ත්‍රීලයි බෙදා ගන්න කොට, නාස්ති කරන කොට එකට එකතු වෙලා කරනවා. බාර් ලයිසන් දුන්නා. මන්ත්‍රීවරයා නමක් යෝජනා කරන කොට ලයිසන් එක දෙනවා, මන්ත්‍රී ගානක් ගන්නවා. මන්ත්‍රී කියනවා, ඔයා නමක් යෝජනා කරන්න, මම ලයිසන් එක දෙන්නම්, ඔයා එයාගෙන් සල්ලි ගන්න කියා. මම සජිත් පේමදාසට අභියෝග කරනවා, බාර් ලයිසන් ඉල්ලපු එක මන්ත්‍රීවරයෙක් හෝ ස.ජ.බ. නැහැ කියා පුළුවන් නම්, රටට සහතිකයක් දෙන්න. ඒගොල්ලන් එකට හොරකම් කරන්නේ. නාස්ති කරන්නේ, බෙදාගෙන කන්නේ.
ග්‍රාමීය දුප්පත්භාවය තුරන් කළ යුතුයි කියා හැඟීමක් තිබෙන, ආණ්ඩුවකුයි අපට ගොඩනඟන්න තිබෙන්නේ. ඒක තමයි ජාතික ජන බලවේගයේ ආණ්ඩුව. අපිට ඉතා හොඳ අවස්ථාවක් ඇවිත් තිබෙනවා. මොන වංගු ගැහුවත් කළබල වෙන්න එපා. හිටපු ගමන් පාර්ලිමේන්තුව විසුරවා හරිනවා කියනවා, ඡන්දෙ නැහැ කියනවා, තව අවුරුදු පහක් දෙමු කියනවා, සැප්තැම්බර් 17 පසුවෙලා, ඔක්තෝම්බර් 16ට කලින් ජනාධිපති ඡන්දෙ තියනවාමයි. අපේ ජීවිත කාලයේ ගතකරමින් තිබෙන වැදගත්ම මාස හතරක් මේ තිබෙන්නේ. මේ දේශපාලන පරිවර්තනය කිරීම සඳහා සියලු දෙනාම මැදිහත්වෙලා වැඩ කරන්න ඕන. එක්සත් ජාතික පාක්ෂිකයා, පොහොට්ටුවේ පාක්ෂිකයා, සමගි ජන බලවේගය කියා අත්හරින්න එපා. එයාලාට තේරුම් කරදෙන්න. වෙනස් වෙන්න කියා ආරාධනා කරන්න. අපි කොට්ඨාස සභා හදලා තිබෙනවා. ගමේ ඡන්ද පෙට්ටිය මාලිමාවේ වැඩිම ඡන්ද පෙට්ටිය බවට පත්කර ගන්න, හැම කෙනාම හමුවෙන්න. දැන් බැටන් එක තිබෙන්නේ ඕගොල්ලන්ගේ අතේ. මේ රැස්වීම සාර්ථක කරගන්න මේ සහෝදර, සහෝදරියන් විශාල කැපකිරීමක් කළා. මේ පිට්ටනිය උතුරලා යමින් පෙන්නුම් කරන්නේ ඔබලාගේ ශක්තියේ, මහන්සියේ, මැදිහත්වීමේ ප්‍රතිඵල. මේ මාස හතර මහන්සිවෙලා වැඩ කරමු. අපි ලොකුම ප්‍රතිඵලය පොළොන්නරුවෙන් බලාපොරොත්තු වෙනවා.
